الموضوع: ينفع اسقط موتور مازدا على بيتل ؟؟؟؟

هو انا معرفش فى تسقيط المواتير بس للاسف مش هاينفع علشان قانون التراخيص بيقولك لازم الموتور يبقى من نفس الماركه يعنى ماينفعش تسقط تويوتا فى فولكس والعكس ... لكن ممكن تسقط موتور فولكس جولف فى بيتل ( اذا كان حيز الموتور يسمح ) والمرور مش هايتكلم --- ممكن اكون غلطان وياريت حد يصححلى المعلومه

تسلم يا جميل عالرد ... بس كل الناس بتسقط انواع مختلفه

يعني شفت واحد مسقط موتور تويوتا على شيفروليه كابريس القديمه

وواحد مسقط موتور مازدا6 على لانسر شارك

اتوقع ان النوع عادي

بس المشكله في ... ينفع يركب الموتور والجير الاتوماتيك عالبيتل ؟؟؟؟؟؟

طبعا هنتجاهل المساحه ... لأنها هتتعدل بمزاجي ... لأني لسه هركب

كولر سيستم كامل ....

تقبل تحياتي ... ولو معلوماتي غلط ... هستنا تصحيحها ...

بالنسبة لتسقيط المواتير فى البيتل دا شئ عادى جدا برة

بس اغلب المواتير اللى شفتها على النت سوبارو
وشفت كمان واحد مسقط بورش ولاغي الكنبة اللى ورا علشان باقي الموتور

وشفت في مصر مايكروباص فولكس موديل تمانينات مركب موتور جولف

وشفت مايكروباص تاني تسعينات مركب موتور تويوتا


فياريت ينفع موتور جولف يركب ثمنه نفس ثمن موتور البيتلز
مع فرق التكنولوجيا الاحدث والتكييف والصوت الواطي ووفر البنزين


بالنسبة ليك لو عندك موتور من شركة تانية وينفع يركب ركبه
بس بعد ما تفحص الاول وبعد كدة خللي موتور البيتل عندك تركبه لما تفحص تاني

على العموم هو الموضوع فى مصر صعوبته في الصنيعية


متنساش لو وصلت لحاجة تبقي تقولنا


-------------------------
محمد سالم

ياسلام عليك يا smsmxxxxxx ... تسلم ايدك عالرد الرائع ده ...

انا فعلا مقتنع جدا بموتور جولف جي تي آي ... بس دا يعمل كام ؟؟

لو استيراد وحالته كويسه جدا .. 1600cc

وهيكون اي نوع ... لأني سمعت جولف 1 و2 و3 و4 و5

وهل ... هل اقدر اركب جير اتوماتيك ؟؟؟

http://www.nilemotors.net/Nile/125761-2.html


دا لينك لموضوع كنا متكلمين فيه عن تركيب موتور جولف للبيتلز

فيه كل اللى وصلنا ليه


على فكرة انا اسمي محمد سالم

---------------

محمد سالم