-
محتار ومحتاج رأيكوا
السلام عليكم ورحمة الله وبركاته
معروض عليه من تاجر معرفه تبديل عربيتى الويرا بواجا 2006 مانيوال فابريكه دواخل وخوارج عداد 75000 كيلو بفرق 5000 جنيه
وأنا بقول لو هبيع هشترى زيرو ففكرت فى الجين أو الساجا
فى نفس الوقت ان شاء الله هسافر بعد سنتين للعمل فى الخارج يعنى هبيع هبيع
أنا محتار
أبيع ولا لأ مع العلم ان العربيه الحمد لله شغاله ومش محتاجه حاجه الحمد لله
ومصاريفها معقوله بالنسبالى كطالب
أعمل ايه أبيع ولا لأ ؟؟؟؟؟؟؟؟؟؟؟؟؟؟؟؟؟ :11:
-
وعليكـم السلام ورحمة الله وبركاتــه
اممممممممممhttp://img.photobucket.com/albums/v5.../th_think1.gifمممممممممممم
مش عارف بس انا بخاف من المستعمــل , والواجا كمان مش منتشره وبيعها اتقل من الويرا والجين
انا لو مكانك وحابب اغير , هاجيب جين2
ومش هتفرق لو بعتها بعد سنيتن انت كده كده جايبها مستعمله , وبالتالى مش هتخسر فيها عند البيع
كان فى كام عربيه حلويين شفتهم فى التوكيل , لو حابب ممكن اجبلك تفاصيلهم
وربنا يوفقك للاختيـار الخير -ان شاء الله-
ملحوظــه : موبايلك مغلق او خارج نطاق الخدمه على طول , ليـه ؟؟؟
تحيـــــــــــــاتـىhttp://i122.photobucket.com/albums/o.../th_eclown.gif
-
ازيك يا ابوحميد
هو الموضوع مغرى ... بس لازم تفكر شويه
لان الواجا مع الكيلومتر ده حتحتاج بعض المصاريف ....ممكن تكون محتاجه تغير كاوتش , اقراص فرامل , طقم سيور , اجزاء فى العفشه .. مساعدين علبه دركسيون مقصات الخ ..... و ديه كلها مصاريف حتتحسب فوق تمن العربيه يعنى الفرق مش ال5000 جنيه بس .
عموما الواجا الشكل القديم ميزتها ان موتورها موتور لانسر 4g18 وده بيسهل عمل صيانات الموتور و طبعا باقى المميزات انتا عارفها .
تانى حاجه طلاما انتا عندك النيه ان شاء الله للسفر خارج مصر فى ظرف سنتين ... يبقى بلاش تشترى زيرو خالص
متهيالى افضل شى الاحتفاظ بالويرا طلاما العربيه معاك كويسه و مفهاش مشاكل و مصارفها معقوله .
شوف ايه المناسب و القرار النهائى ليك .
Content Relevant URLs by
vBSEO 3.6.0 PL2