فعلا النور العالى فى الحالات دى تأثيره مش حلو , خصوصا لو زينون
اطفاء النور أثناء السير ليلاً مخالفة جسيمة ..
يوجد بعض السيارات الواردة من اوروبا للخليج النور الأمامي بيشتغل مع كونتاكت العربية ليلاً أو نهاراً
واضح ان حضرتك مبتسافرش على طرق سريعه كتير .. انا احيانا اكون راكب مع سواق ميكروباص بالليل و الطريق ضلمه يقوم هو ينور النور العالى ثانيتين كده و يطفيه تانى كيلو كده ولا حاجه ويقوم منوره تانى و يفضل طول الطريق على كده .. و فى ناس كتير بتكون مسافره على الطريق السريع بعربيات قديمه وولا لمبه منوره فى العربيه .. و معظم الجرارات الزراعيه اللى بتكون على الطريق ولا لمبه فيها منوره.
و سبحان الله لو انت ماشى فى شارع عادى ومنور النور الواطى وجه سواق تاكسى ولا ميكروباص فى وشك يقعد يقلب لك نور عالى عشان تطفيه مع ان نورى مضبوط وعلى الارض و مش مضايقه . بس هى عاده انتشرت كده ان عيب انك تمشى و انت منور النور.
مصر دي حاله من ذوى الاحتياجات الخاصة مينفعش نقارنها ببلد تانيه أبدا .. حد يقارن واحد عيان في مخه بواحد سليم ؟؟
السلام عليكم ورحمة الله وبركاته
الأخ الفاضل صاحب الموضوع جزاك الله خيرا أنت وكل من شارك بالرد
عندنا في المعادي معظم إن لم يكن كل الأجانب بيشغلوا أنوار سياراتهم أثناء النهار
وأيضا عندنا المدير العام للشركة التي أعمل بها ( شركة بترول ) بيفتح نور سيارته أيضا أثناء
النهار وعندما نتناقش معه في ذلك يقول أنه خلال الخمس سنوات القادمة كل السيارات المنتجة
ستكون إضاءة النور فيها تلقائيا مع الكونتكت
لا أدري ماصحة هذا الكلام :O_stupid[1]:
وجزاكم الله خيرا
طيب تصدقوا اني السنة اللي فاتت كنت في مرسى مطروح و كان كل ما عسكري مرور يشوف حد منور النور-اللي هوه اسمه نور وسط المدينة Head Lights- يقوله اطفي النور يا بيه !!!!!!
مع العلم ان الكلام ده بيكون بعد الساعة 9 بالليل !!!!!
على فكرة مرة كنت هاخد مخالفة في دبي علشان كنت ناسيه :E_braces[1]:
كلامكو مظبوط ان العالى هايعكس فى الشبوره قودام عربيتك
بس انا بقول النور الواطى بحيث انك تبان فى مراية الى قودامك فقط بسهوله
وده هايفيد انه هايركز فى طريقه الى قودامه وسط الشبوره وفى نفس الوقت لامح الى وراه بطرف عينه عشان نوره منور
عكس مايقعد يبص ويركز فى المرايا عشان يعرف الدنيا وراه عامله ازاى
واشكر الشيخ خالد على كلامه الجميل
وانا اعرف ان نظام النور مع الكونتتاكت ده بره مصر او فى البلاد الى معظم اجوائها بالطريقه دى
انما معتقدش انها هاتتطبق فى مصر لان جوا النهار بتاع مصر نادرا لما بتبقى فيه الحالات الى قولنا عليها دى
كلام زى الفل وكلام جميل جدا
ولازم كل واحد ياخد بيه
كلامك مظبوط وأن عن نفسى باعمل كده
وبالنسبة لكلام الأخ opel عندنا فى القانون اللى بيمشى من غير ما ينور النور لازم ياخد مخالفة بس الخمسة جنيه اللى بتطبق بتعدى حاجات كتير