تغطية خاصة وحصرية لمعرض اوتوماك 270 صوره الجزا الاول

**mazagngi2010** · 07-06-2010 02:22 PM

بسم الله الرحمن الرحيم

قبل اى حاجه لازم اشكر الاخ يامن من منتديات كوره مصريه وفر عليا جامد فى ضغط ووضع اسم المنتدى على الصور
معلومات فنيه متهمش حد
كاميرا 3.2 -الرفع على جوجل يعنى ان شاء الله مش هتطير-ضغط 270 صوره من 246 ميجا الى 18 ميجا-التذكره ب30لحلوح
بصراحه شايف انه احسن من اللى فاتوا عكس الكلام اللى اتقال عنه مشكلته الطرقات بين الصالات كانت زفت زى ماقال احد الاخوه هنا

==============================

نبدا بقى

اول ماتدخل لازم تعدى على الصناعات المغذيه كالعاده والصين وتركيا كانوا خاربينها
البدايه مع الموتسيكلات الصينى من 2000 وانت طالع وضاربين كل الاشكال قديم وجديد

هجين من الفيسبا على الموتسيكل العادى

اللى بيحب الهارلى عادى خالص طلبك عندنا

كان شكله حلو والتحكم بتاع الكاسيت كان فوق التنك ابتكارات بقى

ياماها

مش عارف ليه حاطين التحفه دى مع الموتسيكلات الصينى كويس ان رايكونن راح الراليات قبل مايشوف المنظر ده

ياعم قوم عايز اصورها مفيش فايده

اخيرا قام واحد تانى لازم يركبها علشان يتصور هو كمان مش هنخلص يعنى!!!!

نطلع بقى من الموتسيكلات ونتمشى ونتكعبل 100 مره فى الطرقه
بطاريه محطه محمول مسروقه وشغاله فى مولد الحاجه ام الاختراع

مايباخ مين والناس نايمين انت فى جناح الصين

ناس محترمه بجد ياريتنا ربعهم

الفاو بسترن 1600 سي سي

الراجل اتخنق منى مووووت وانا بصور الحته دى من كبوت البيسترن اللحام كان فكسان

مش فاكر ده تابلوه الفيتا ولا ايه بس هيا فاو

ندخل بقى على الصاروخ الصينى الجديدجيلى انجلون 1500 سي سي -118 حصان على كلامهم بس مبصدقش احصنه الصينى بصراحه-74900 جنيه-ابو غالى-من 0 الى 100 فى 9.8 مانوال وكاماليات بالهبل طبعا . والعارضات اللى جنبها كانوا مستعبطين على الاخر اللى راح اكيد عارف

لما تشغل الاضاءه

اوتوماتيكى اوتوماتيكى

الراديتير داخل جوه زى القرش

مرسيدس

من قله العلامات دخلوا على الكاديلاك

الجيلى باندا

عدلوا الهبل اللى كان فى زجاج الباب الخلفى ناس بتطور نفسها صح

من جوه ولا مؤاخذه

ندخل على البروتون الصينى شانا طبعا ب 63900-67900-72900 الفرق فى شويه كماليات والكاسيت والجنط وال gps
1500 سي سي 97 حمار

فكرنى بتابلوه الالنترا

دى اعلى فئه

كنت حاسس انى دخلت كليه الفنون اللى بيرسم مع نفسه واللى بينحت فى الجناح بتاع شانا دى

جيب صينى اسمها يوفو من اسمها تحس انهم جايين من الفضا على راى الضيف احمد

طبعا لازم الكلمتين الهبل بتوع موتور ميتسوبيشى

اخواننا بتوع الشون شيستم

شويه نقل صينى جاك على jmc

تطلع وتتكعبل فى الطرقه طبعا بس كنت واخد بالى المره دى وهتلاقى استعراضات الجيب الناس كانت بتركب وتطلع البتاع اللى زى المرجيحه دى وتنزل واللى بيطلع المنحدر وينزل برضه وكان فيه عربيه واقفه على 4 عمدان شويه حركات كده

ندخل على الجد بقى كفايه صينى

جناح فيات وبيجو

جنطها كان تحفه

الفيات فيات برضه ياجدعان

كانت الميمورى فاضيه فكنت بستعبط شويه بس برضه الصوره اتهزت

البونتو كلاسيك

لازم اى تجديد وخلاص

الكراسى تمام بالسعر ده

اكتر عربيه اتظلمت من التوكيل اللينيا

500

!!!!!!!!!!!!!!!!!!!!!!!!!!!!!!!!!!!!!!!!!!

كفايه فيات بقى

دكر العربيات مستنيكم

مش عارف الكاميرا فى الاحمر زفت ليه كده وبتقلبه برتقالى

كانت عاجبانى الاشاره ليس الا

الكاميرا اتظبطت الحمد لله

بيوهمك انها ليدات

المعرض كان فيه ستات كتير قوى

محدش يرد لو سمحت

**mazagngi2010** · 07-06-2010 02:26 PM

المشكله ان العربيه دى سعرها بينزل الارض فى المستعمل بعد سنتين من شراها

207

الاستيكر ده عجبنى جدا فقلت لازم اصوره

عوده للصين
الكهربه الاستاتيكيه كانت مغرقه الاسبرنزا مش عارف ليه اتكهربت حوالى 4 مرات!!!!!!!!!!
m11 ب 69900

كان ناقص العزل ينط فى وشك

مش محتاجين صور فصورتهم 3*1 ال516 ب 63900

ابعاد غير متناسقه على الاطلاق

اجود انواع بلاستيك الزباله

كرهتها قوى العربيه دى علشان اتكهربت منها برضه

تسيب بقى اللى فات وتدخل على هيونداى ونطلع على الطرقه والناس كانت بتتكعبل برضه المفروض ياخدوا بالهم بقى

يامتوحش

رجع طيب تانى

نفسى الاضاءه تتغير بدل اللمد- جمع لنده- الكتير دى بصراحه بتشوه المنظر

السوناتا علشان الواحد تاه من كتر الاشاعات

السقف وهو بيفتح

حته شهبشه علشان اللى بيحب التفاصيل

مش قلتلكم كان فيه استهبال جامد من شويه عارضين

مستوحشها قوى بعد التعديل

اول مره اشوف العربيه دى نزلت امتى؟؟

انا متاكد ان الناس كانت بتضحك عليا وانا بصورها

سيبوكم بقى من غبور ولف على السوزوكى
السيلاريو 1000 سي سي -3 سلندر من افضل سيارات 2009-60 الف لو ترخص شويه قابلت هناك مبيعات السوزوكى وقاللى انه استشارى السوزوكى هنا بس ملقيتش عضويته

بنت ناس من جوه السيلاريو دى خامتها معقوله جدا

واسعه من ورا لما تقدم الكرسى انا مقدم لكم واحد ومرجع التانى

وحش واقف ثابت نفسه بين الكبار

منافس السيلاريو والبيكانتو والباند
جاك زيرو 49900 جنيه

مقبض فتح الباب كان فيه حبايه فى ايدى بس الحمد لله فرقعتها خلاص

a class العربيه دى اتولدت ميته عكس ال b

b class

انا تعبت نهايه الجزا الاول 133 صوره

ردوا براحتكم بقى

**mada121977** · 07-06-2010 03:08 PM

تغطيه ممتازه ... تسلم ايدك

**darehawk** · 07-06-2010 03:11 PM

teslam edak ya basha

**geeg_2006** · 07-06-2010 03:15 PM

ماشاء الله مجهود اكتر من رائع
الف شكر ياباشا

**sha2e** · 07-06-2010 03:17 PM

تغطيه أكثر من ممتازه
وكمان الصور كتير وحجمها مش كبير
شكرا على المجهود والتنسيق الرائع ده

**mazagngi2010** · 07-06-2010 03:26 PM

شكرا للردود ولسه البورش والمازيراتى والجاكوار والاودى والبنتلى والرينو الجديد والبى ام
بس ايه الاحباط ده ياجماعه كل دى مشاهدات و5 ردود بس
ربنا العالم بتعبى فى الموضوع ده
على فكره اخر 3 موتسيكلات ياماها مش صينى الاحمر والازرق

**hossam_elwani** · 07-06-2010 03:31 PM

مجهود رائع وصور اروع ماعادا صور العربيات الصينى صور تجيب الاشمئزاز من التقليد والاستنساخ الى بيعملوه

-

-

الموضوع: تغطية خاصة وحصرية لمعرض اوتوماك 270 صوره الجزا الاول

LinkBack

أدوات الموضوع

عرض

تغطية خاصة وحصرية لمعرض اوتوماك 270 صوره الجزا الاول - انشر الموضوع فى :

-

-

-

-

المواضيع المتشابهه

تقرير mazagngi2010 المصور(650 صوره!!) لمعرض اوتوماك 2011 الجزء الاول

اخيرا اكبر تغطيه لمعرض اوتوماك 270 صوره الجزا الاول

اقوى تغطية لمعرض اوتوماك 2010

اخيرا اكبر تغطيه لمعرض اوتوماك 270 صوره الجزا الثانى

الكلمات الدلالية لهذا الموضوع

المفضلات

المفضلات

ضوابط المشاركة