سؤال بخصوص عداد البيتلز-----

**sakr84** · 15-06-2010 08:53 AM

عايزين نتقابل قريب يا جماعه بجد احسن حاجه فى مقابلتنا انها مش لتبادل الخبرات فى العربيه وخلاص لا اجمل حاجه بجد بتكون فى المقابله انها بتدعم الروابط الانسانيه بين الاعضاء وبجد كان ليا الشرف اخر مره انى اتعرف على احمد حسن وابو هاشم وبجد الناس دى ناس محترمه وزى العسل وياريت اشوفكم قريب ان شاء الله

**ali_elnadry** · 16-06-2010 01:02 AM

اخى الطيب انا دخلت هنا مخصوص لسببين:
1.انى بموووووووووت فى حاجة اسمها نيل موتورز.
2.انى بمووووووووووووت فى الفولكس بيتل القديمة
بص يامعلم الفولكس علشان تبريد هوا(زيت)مينفعش تقرص على الغيارات خصوصاً التالت يعنى متعاملهاش على انها 131 او اى فيات اسد يعنى بمعنى اصح
ولازم تحس بالعربية لأنك بجد راكب اجمد عربية فى العالم
آسف د رأى انا وبس

**hosamsief** · 16-06-2010 05:12 PM

و الله يا عم تامر انا عاوز اشوفك اوى لاني فعلا حاسس اننا كلنا مشتركين فى شى جوهرى يعكس عقلية قوية قدرت تختار شيى متميز و جميل بالرغم من قدمة و انا متأكد ان مساحه الاتفاف بين كل الاعضاءا هتكون اكبر من اختيار للبيتلز و اختار بقى الموعد علشان و الله عاوز اتعرف عليكم بجد

**ahit** · 17-06-2010 03:44 PM

السلام عليكم ورحمة الله وبركاته

بصراحة العلامة دى شدتنى كتير لكن للأسف مالقتش إجابة شافية

لأن عندى غالباً لما بنقل للرابع من سرعة 50 بحس إن العربية بتسقف و بتتكتم و بحس إنى نقلت بدرى !!!

كمان لما قريت المانوال مالقتش أى حاجة بتتطرق للعلامة دى خالص مش عارف ليه .

و على فكرة العلامة دى موجودة فى كل العربيات لكن مكانها بيختلف من عربية للتانية

و الله يا تامر إنت و هاشم و الدكتور أحمد رشدى و كلكم واحشنى جداً
و إعزرونى اليومين دول مش بادخل كتير عشان قرفان جدا فى الشغل
لكن إن شاء الله نتقابل قريب و يمكن أقابل هاشم النهاردة بالليل فى المكان المعتاد اللى فى المعادى

**hosamsief** · 21-06-2010 12:10 PM

استاذ احمد حسن و الاستاذ هاشم و جميع الاخوة مالكي الاسطورة و معذرة لعدم حصر كل الاسماء اللى شاركت معانا فى المنتدي الجميل ده انا عضو بيتلزاوى جديد و عاوز اتعرف عليكم و اشوفكم بجد يا ريت فى اقرب فرصه ليكم تقولولى علشان انا عاوزاشوفكم بجد انا من الاباجية يعنى جار الاستاذ احمد حسن و مش عارف اشوفه و تليفوني اهو 0115385321

**smsmxxxxxx** · 21-06-2010 02:46 PM

اهلا بيك بين اخوانك البيتلزاوية

يا باختك يا عم طلعت جار احمد حسن دا من احسن الناس اللى عرفتها هو و هاشم

انتا عربيتك موديل ايه وسنة كام وموتورك كام سي سي

----------------

محمد سالم

**hosamsief** · 21-06-2010 03:44 PM

عربيتى موديل 1980 و 1300 سىسى لونها سن الفيل

**hosamsief** · 21-06-2010 03:46 PM

الاخ محمد سالم واضح انك اشتريت العربيبة تقريبا فى شهر مارس اللى فات يعنى قبلى بتلت شهور و تلاقيك بقيت دلوقتى استاذ فى الصيانه و كل حاجه عاوز اخد كورس عندك ينفع

**smsmxxxxxx** · 21-06-2010 05:08 PM

يا باشا انتا تنور

انا شارى العربية شهر 7 اللى فات يعنى من سنة تقريبا

والفضل في اى معلومة اعرفها يرجع لاخوتى احمد حسن وهاشم واحمد سالم وغيرهم كتير

انا حضرت مقابلتين معاهم واتعلمت حجات كتير

اتمنى انك تيجي مقابلة هتستفاد جدا

دا غير ان اى مشكلة تقابلك تقولها هنا فى المنتدى
اكيد هتلاقي حد حصله نفس المشكلة وتعرف حلها ازاى واتكلفت كام
لان للاسف اكبر لصوص هما ميكانيكية البيتلز وتجار الاستيراد
لما بيلاقيك عندك فكرة مبيعملش عليك شغل جامد

------------------
محمد سالم

**hosamsief** · 22-06-2010 01:08 PM

و الله كلامك مظبوط المية فى المية انا مش عارف لية الاستغلال ده اول ما يعرف انك لسه جديد فى الموضوع ده يعمل عليك شغل على كبير و طبعا يحسسك ان الموضوع خطير و محتاج علاج فوري و تدفع انت مهو انت مش فاهم حاجه ...... حسبي الله و نعم الوكيل