ارجوكم للاهميه
عايز مقارنه بين فيات بونتو كلاسيك 2010 و رينو لوجان 2010
وشكرا
عرض للطباعة
ارجوكم للاهميه
عايز مقارنه بين فيات بونتو كلاسيك 2010 و رينو لوجان 2010
وشكرا
اتا كمان عاوزه اعرف البونتو كلاسيك ايه نظامها احسن ولا اللانوس 2010 انا معايا ماروتي
هما العربيتين مختلفين خالص عن بعض
بس اللى اقدر أفيدك فيها هى اللوجان بحكم انها معايا
اللوجان عربية عائلية من الدرجة الأولى
واسعة جدا من جوة + الشنطة واسعة
مرتفعة عن الأرض لدرجة مستحيل تحك فى مطب
موتور معقول، مش قوى ولا ضعيف يعتبر اداءه متوسط
كمية كماليات ممتازة فى السعر ده (إيموبلايزر - إيرباج للسواق - 4 زجاج كهرباء - تكييف وسنتر وسي دي أوديو - فوج لايتس امامية وخلفية - كمبيوتر رحلات - تحكم في الأضواء الأمامية)
توكيل محترم (فرع العبور خصوصا)
أسعار قطع الغيار معقولة جدا حاليا وبترخص باستمرار بحكم الانتشار الكبير.
العيوب بالنسبة لي:
1- الصاج ضعيف نسبيا خصوصا الرفارف.
2- فى عضة فى المارشدير وسخونة عند دواسة البنزين (والاتنين بيتعالجو سهل فى التوكيل)
بس برضه المفروض العربية متنزلش بيهم.
ranoosh
البونتو كلاسيك أفضل اللانوس فى كل شيء إلا توافر قطع الغيار ورخص الصيانة
ونصيحة بلااااااش تشترى الشيفروليه لانوس!
أنا سوقت البونتو
بصراحة ركوبة مريحة جدا وناعمة وشنطة واسعة
الرؤية فيه ورا مش قد كده
فراملها أحسن حاجه فيها ، ممتازة فوق الوصف
بس موتورها ضعيف فعلا ، 60 حصان مع أنها 1300 سي سي
يعني لو مش بتاع جري أو مش هاتحمل عليها ، يبقى هاتكون مناسبة جدا
عربية حلوة فعلا ، بس أنا لو هاشتري مش هاشتريها وهاشتري بيكانتو
قطع غيار أرخص وأقل في أستهلاك البنزين وسهلة في إعادة البيع وموتورها 67 حصان 1100 سي سي
أما اللوجان يفيد فيها ملاكها