الموضوع: ابحث عن شقة فى التجمع الخامس او الثالث واطلب المساعدة

انا بدور على شقة فى التجمع الخامس او الثالث بس عايز استفسر عن بعض الأشياء و بعض الجوانب القانونية انا قدرتى المادية على قدى يعنى اخرى 100 الف جنيه المهم لقيت ان الفلوس اللى معايا ممكن تجيب شفة اسكان شباب او استثمارى او اسكان تعاونى مساحات صغيرة يعنى 64 متر او 70 متر بس لما سالت تهت اكتر يعنى كل واحد يقولى مساحة شكل واحد يقولى 64 متر والتانى يقولى على شقته 70 متر وواحد يقول على شقته 77 متر والتانى يقول 82 متر بصراحة مفهمتش حاجة ومعرفتش ايه هى صافى المساحة فى الشقق دى المشكلة التانية مشكلة قانونية يعنى شقق اسكان الشباب عرفت انه غير مسموح ببيعها عشان كده اللى عايز يبيع بيعمل توكيل بيع للشخص اللى اشترى منه فهل ده قانونى وهل ممكن تيجى الدولة وتقول ان التوكيل ده غير شرعى وتاخد الشقق من الناس اللى اشتراتها وبالنسبة للاسكان التعاونى لقيت ان ممكن يتم عمل تنازل فى الجهاز ويتم نقل الملكية فهل فعلا ده صح ولا فى اجراءت تانية بالنسبة للاسكان الأستثمارى لقيت ان الفلوس اللى بيدفعها كل شهر كتير جدا حوالى 690 جنيه لمدة طويلة جدا يعنى الواحد ياجر ايجار جديد احسناله الواحد دلوقتى محتار بالنسبة للمكان يعنى اشترى فى التجمع الخامس ولا الثالث وفى اى حى افضل وهل اشترى اسكان تعاونى ولا شباب مين الأحسن واللى مافيهوش مشاكل قانونية وكمان المنطقة الأنضف والعمارات الأفضل ياريت اللى راح التجمع وعنده خلفية عن الشقق هناك يقولى رايه
ياريت تنصحوا اخوكم بدل ما اضيع القرشين اللى حيلتى

المشاركة الأصلية كتبت بواسطة hobyana47

التعاونيات فى اى مكان مضمون لانه مسموح بنقل ملكية الوحده باسمك

اما اغلب شقق التجمع عليها حظر بيع والقانون بيمنح الجهاز حق سحب الوحدة والغاء التعاقد فى حالة البيع
ناس كثير بتشترى ومش بيهمها الموضوع ده
لاكن دى الناحية القانونيه
واحترس كل الحرص لو اللى باعلك الشقه اتوفى لاقدر الله يصبح التوكيل اللى باعلك بيه الوحده لاغى وليس من حقك استخدامه

شكرا على رد حضرتك وياريت لو فى عندك معلومات اكتر عن المنطقة ياريت تقولها