الموضوع: فانتازيا مواصفه وسعر

السلام عليكم الرجاء من الافاضل الاعضاء تشورو على ادامى مواصفه من الفانتازيا الخليجلى السعودى وهى جنط 17 طاره مالتى تاتش سكرين مثبت سرعه زينون وبخاخ فتحه سقف حساس خلفى بخلاف العادى الزجاج والسنتر والريموت وصحيح كمان 4 ارباج بمفتاح و6 اسطوانات كل ده ب 180

تحذير بس ان الخليجى بيتقولوا انه مفيهوش تصفيح صاج من تحت العربية , فاتاكد من الموضوع دا قبل الشراء علشان مهم

بالنسبة للسعر فالسعر طبعا ممتاز جدا , التوكيل بيبيع المواصفات اللى انت كتبتها دى بالجنط ال 16 بزيادة فرش جلد طبيعى ب 207 الف و ممكن تنزل ل 200 الف على ما اعتقد عند الموزعين و المعارض.

يا جماعه موضوع التصفيح ده للمقاولين اما الشخص العادى غالبا مش هيحتاجه ولو هحتاجه هركبه بكام يعنى 500 جنيه ولا حاجه لو حد يعرف بكام وفين يقولى

السعر كويس جدا بس مشكلة الخليجى الضمان يعنى لاقدر الله لو فى مشكلة فى اى حاجة حتكون مشكلة ومحدش حيسعدك فيها و مش حتعرف تعمل صيانتك فو توكيل غمرة و دة احسن مركز عن تجربة دى نصيحة خليك فى الضمان احسن العربية مش رخيصة و فى موديل ب 180
سببورت فى جنوط و ضمان ارتوك اوتو

يا جماعه موضوع التصفيح ده للمقاولين اما الشخص العادى غالبا مش هيحتاجه ولو هحتاجه هركبه بكام يعنى 500 جنيه ولا حاجه لو حد يعرف بكام وفين يقولى

حضرتك دى نصيحة مش اكتر , فى مصر المطبات مبتبقاش مدهونة و الواحد ساعات بيبقى ماشى بسرعة و يفاجا بمطب فى وشه و بيخده على سرعة فالعربية بتحك جامد اوى من تحت فى المطب و كمان فى مطابات كتير العربية بتحك لوحدها عليه لو مش على سرعة و اللى اعرفه ان الخليجى اقل ارتفاعا من على الارض من الوكيل ب 4cm .

بالنسبة للضمان فانا اعتقد ان الوكيل بيبيع الضمان ب 7000 جنيه (يا ريت تتاكد انه ضمان مش صيانة بس) فبكدا يتحل موضوع الضمان لو قلقان منه.

اما موضوع التصفيح فمش عارف الصراحة حضرتك اتاكد لو الخليجى مفيش تصفيح تحت الموتور يبقى نصيحة بلاش احسن , لو فى تصفيح صاج تحت الموتور بس مش تحت العربية بالكامل يبقى حضرتك اللى تحدد , اما بالنسبة للتصفيح بكام و ينفع يتركب و لا لأ فانا الصراحة معرفش خالص بس معتقدش انه يبقى ب 500 جنيه , دا بالميت فى رايى (تخمين مش معرفة ) 5000 جنية .
حضرتك اسال و شوف و قارن و اسال ملاك الA5 الخليجى علشان يكون عندك فكرة احسن و مبروك مقدما العربية تحفة (بس سحبها ضعيف اوى و يا ريت تجربه بنفسك قبل الشراء موضوع السحب و خصوصا مع التكييف علشان متتفاجاش)