و يكون متغطي بكاوتش او خرطوم ..... و طويل لاني هاربطها في شجرة عالرصيف و الشجرة في حوض يعني هتبقى بعيدة سنة عن البايك
منين يا ترى؟
و ازاي احمي البايك من خرابيش مخالب القطط و الكلاب بالذات الشنط و الكرسي؟
عرض للطباعة
و يكون متغطي بكاوتش او خرطوم ..... و طويل لاني هاربطها في شجرة عالرصيف و الشجرة في حوض يعني هتبقى بعيدة سنة عن البايك
منين يا ترى؟
و ازاي احمي البايك من خرابيش مخالب القطط و الكلاب بالذات الشنط و الكرسي؟
هو انا اكيد معرفش حاجة عن البايك بس حبيت بس اققلك الف مبروك عليه =)
غطاء كويس ولو مستعجل دلوقتي ممكن ملاية قديمة وتتربط كويس من طرفيها أنا عن نفسي باستعملها تحت الغطاء لانه بتبقي ناعمة علي الدوكو وباغطيها بغطاء واتر بروف .....................السلسلة اي سلسلة بالمتر من عند بتوع مواد البناء فيه في شارع دمشق ناحية توكيل الفولكس محل كبير وهاتجيب خرطوم مايه يكون طري وناعم وتغلف السلسلة بيه كحل مؤقت او دائم
طيب مفيش جنزير بايكات مكسي؟
السلسلة لو اتمسكت بيها تعتبر سلاح ابيض :(
مشيها جنزير وأهي تنفع ساعة الجد برده:C_laugh[1]:
لو عيز جنزير تشد بية مقطورة ناحية الوكالة بعد اليليفزيون فى محل بيبيع جنازير شكلها يخض
انت عندك موتوسيكل نوعة اية
هات جنزير نضيف وما تسترخصش لانه بعد الشر بيتقص بمقص حديد
كمان انزل العتبة عند السنترال بتاع الشركة المصرية للاتصالات
روح لمحل يحيى رشدان
اشترى قفل شيزا cisa
ده بيعمله بتاع 250
بس نضيف
لان بتوع المجوهرات بيستعلموه
الا عملت ايه فى موضوع الجراج
أنا ولا أحمد!
أنا عندي سي بي ار 954 وأحمد عنده شادو 750
الحمد للة فية ناس زى حالاتى ملهاش فى الكورة ازيكو يا باشوات
أنا قصدي علي الجنزير ..........بس القفل أكيد هيبقي أصعب لو ماركة محترمة بس الحرامي هايقص السلسلة أسهله بكتير وهايوصل لنفس النتيجة علشان كده باقترح ان مالوش لزمة المبالغة في تمن القفل ممكن يجيب حاجة معقولة برده وفي تمن معقول..........والأهم جهاز الانذار لو ببيجر كمان يستاهل يدفع فيه ال700 جنيه
باشا انتا لسا فاكر شارع دمشق انا عارف الراجل ال انت بتتكلم عليه ده
ان شاء الله هاركب جهاز الانذار في اقرب وقت
المحل بتاع cisa ده فين يا سعد؟
سنترال الأوبرا و لا العتبة؟
مفيش خالص جنزير مكسي جلد او كاوتش جاهز؟
و مفيش جراجات في المنطقة للاسف :( ...... هاركنه عالرصيف و الوك الجادون و احاول اجنزره في الشجرة ...... + الانذار ..... لو بعد كل ده اتسرق يبقى نصيبي كده
يا احمد ماتخافش مش هيحصل اى حاجة من ال انت بتقول عليها خالص ..............صدقنى لو فكرت فى الكلام ده هتتعب اعصابك ....................انتا جنزرها فى الشجرة والانذار وانسي وصدقنى عمرها ما حد هايقدر يقربلها ده الانذار بيفضح الدنيا...................... وصحيح انتا فى الدور الكام بالنسبة للانذار يعنى وبعدين فى حاجة انتا ناسيها....................
انتا تحط الموتوسكل مثلا جمب الرصيف وتحط العربية جمبه بالضبط بكده العربية هتقفل على الموتوسكل ....................وهتعمله امان جامد جدا وطبعا لو انذار البايك اشتغل جمب العربية العربية انذارها هايشتغل وهتصدع الناس ال حواليك فى العمارة ويعدوا يقولولك ياعم احمد اطفى المحركات بتاعتك .........
http://www.oncycles.com/products/ong.../MCK00011a.jpg
أنا عندي واحد زي ده بس مش هاقدر أفيدك تجيبه منين...........بس بدل فكرة الخرطوم خلي اي سروجي يعمله جراب قماش زي يتاع الخيام موضوع سهل متعقدهاش يعني:colsmil:
http://www.insulation-online.co.uk/i...flex_strap.gif
ده كمان عازل لمواسير التكيف فكرة جامدة برده ومجربها قبل كدة
الغطاء تعملة عمولة فى الوكالة عند بتوع القماش يجبلك قماش شماسى المتر ب 10 جنية والفتفصيل 30 جنية هياخد حوالى 6 متر يعنى الحسبة حوالى 80 جنية ودة مش ممكن يعدى دوافر القطط ولا يعدى الهوا
اما بالنسبة للجنزير فا انا بروح عند ى حداد واخلية يلحم حلقاتة حرصا اكتر وغير كدة الموتوسيكل تقيل وكمان جنزير وصراحة الى هيعرف يقطع الجنزير ويفك مسوجر الموتوسيكل واكيد انة تحت البي عندك فا هوة اكيد يستحقة على المجهود العظيم دة
الحمد لله و بعون الله ثم العقيد خالد اشتريت جنزير تقيل جدا و الحلقات بتاعته ملحومة لحام صلب
اشتريت 3 متر عشان الشجرة في حوض زي ما قلتلكم
و خليت سروجي سيارات كساهولي بالجلد
و اشتريت القفل الشيزا من عند رشدان في العتبة ...... قفل متين فعلا ...... شكرا لاحمد سعد
الغطا هاشتري اي غطا عربية معفن ب 20 و لا 30 جنيه من أي سريح و ابقى اتقله بطوبتين عشان لو الغطا تفصيل هيحسس اي حد معدي بأهمية الموضوع
فاضل باذن الله تركيب الانذار و ربنا يسهل