ياريت نفكر صح زيهم ! ( موضوع مهم لمحبي السيارات و المقبلين علي الشراء ) .

السلام عليكم ,
لاحظت في الفترة الي فاتت ناس كتير اوي بتدخل تفتح مواضيع جديدة بعنواين مثل
" معايا كذا الف جنيه و عايز اجيب عربية "
" ايه احسن سيارة في حدود البتنجان الف " .

يا جماعة طبعا السعر و الميزانية من اهم عوامل شراء السيارة بس الناس بتنسى تبص لقدام !
يعني انا لما شتري سيارة بي 50 الف جنيه مثلا .. وفي فترة وجيزة بعدها ادفع اتقريبا 50 الف جنيه تاني في صيانات و بنزين و تصليحات مش ده يبقى معنى ان السيارة مكنتش مناسبة ليا اصلا ؟؟

ححكليكو مثال بجد انا لحد دلوقتي بتعجب منه
زي منتدانا الجميل ده انا برده مشارك في منتدى " انجليزي " اخر مخصص لسيارات " فيات " في المملكة المتحدة .

دخل واحد شاب عمره 24 - 25 سنة
معجب جدا بالسيارة الجراند بونتو و بيفكر يشتريها
بنفس طريقتنا هنا كل واحد حكالوا عن تجاربوا و مشاكلها و مزاياها و خلافه

المهم فهمنا ان هذا الشخص سوف يقوم بصرف مبلغ تقريبا نص تمنها في تعديللات شكلية للسيارة ! ممى يجعل المبلغ الاجمالي للسيارة اغلي من سيارة من فئة اخرى في الفيات ( البرافو )

فسألته !
طلاما معاك الفلوس دي متشتري السيارة الاعلي في الفئة او علي الاقل بدل الجراند بونتو ال 1400 هاتلك ال 1800 او اعلي ؟

يكون رده ايه ؟؟؟
مثلا اه ولاهي معاك حق !
او لآ انا بحب التعديللات و عايز عربية اعدلها !
او حتى مش معايا تمنها كله حاليا !

قالي :
I can't afford it
" لا اقدر علي تمنها "

فقتلته ازاي وانت معاك تمنها و زيادة بكتير !!
قالي:

لأ انا مش بتكلم علي سعر السيارة نفسها .. ده مش مشكلة خالص
انا بتكلم علي استهلاك بنزين عالي جدا و انا مش حستفيد منه
بتكلم علي اضافات لو باظت او حصلها حاجة مش حقدر اعالجها بنفسي او ابدلها
ده غير ان السيارة التانية اكبر حجما و انا حاليا مش محتاج سيارة كبيرة اوي كدة !

اتا قرأت الرد و زهلت !

ازاي يبقى واحد معاه فلوس مثلا BMW 525
بقوم جايب BMW 116i
علشان البنزين و الصيانة ؟؟

فده اداني فكرة عن الناس بتفكر ازاي

قبل متفكر في تمن السيارة الي انت عايزها
فكر في احتياجك !!!!!!!!!!!!1

عايز سيارة حجهما ايه و حتعمل بيها ايه ؟
و مرتبك كام و حتقدر تصرف عليها ازياي و تكلفة البنزين و الصيانة كام ؟؟

متى ممكن تكون محوش تمن سيارة محترمة .. غالية . و تييجي لقدر الله حادثة او عطل ,, و مبيقاش معاك فلوس تصلحها ! حترميها !!

او ابسط .. ممكن ميكنش معاك فلوس تحطلها بنزين كل شوية !!!

طبعا ان عارف ان في فئة كبيرة مش فارق معاها لا الميزانية و لا الفلوس
اذا كان اهلم يحفظهم الله بيصرفوا او هما الحمد الله مرتاحين و اغنياء
بس برده ده ميمنعش تفكر انت عايز السيارة لآيه ؟

ده بالعكس الفلوس الكتيرة حتفتحلك مجالات لللاختيار اكتر !


اسف علي الاطالة بس ياريت اكون وصلتلكم !
متسألش عايز سيارة بكذا !
اسأل عايز سيارة في الفئة كذا .. بسبب كذا ... و يكون سعرها في حدود .. كذا .

شكرا .

كلامك موزون و صح 100% بدون جدال

انا معاك تماما فى اللى انت بتقوله - وتقريبا انا فكرت بنفس الأسلوب بتاع صاحب الجراند بونتو.....

لأنى قبل ما لجيب الألنترا كنت عايز اجيب شيروكى موديل 2001,002 بس حسبتها انها حتبقى غولة بنزين وقطع غيار مولعة ده غير انها حتكون مستعملة يعنى اكيد مصاريف الصيانة حيكون معدن دورانها اكبر

فقررت اشترى زيرو يكون معقول فى السعة اللترية بتاعته ومصاريف الصيانة الدورية مقتصرة على تغير الزيوت وبعض الصيانات الخفيفة...

تكلفة العربية = السعر + مصاريف التشغيل

كلام مظبوط 100 في ال100 يا كريم ..يا ريت فعلا نحاول نعدل اسلوب تفكيرنا الميال الي التباهي اكثر منه الي العملية .. لانه ببساطة .. اللي حيتباهي في الزمن ده .. حيبيع هدومه.

فى مثل انجليزى بيقول ما معناه : الغنى يشترى عربية مستعملة و الفقير يشترى عربية جديدة

كلامه فعلا منطقي وما تقلقش ده تفكير الناس هنا برضه
وانا بجيب عربيتي كنت بفكر في عربيات كتير قوي
وبما اني اتجوزت وبقى عندي طفلين ومحدش يعرف يعني ايه طفلين بمصاريفهم في الزمن ده الا اللي خلف فعلا
شلت من دماغي الشيروكي المستعملة وشلت من دماغي الاوكتافيا عشان قطع غيارها
وشلت المازدا 3 عشان محطش رقبتي تحت التوكيل سواء خليجي او مصري
بدات اختيارتي تقل عشان اخد عربية ليها اعتمادية عالية وقطع غيار معمرة واستهلاك بنزين قليل حتى ولو على حساب الاداء الرياضي
وشوية حاجات كتير دخلت الحسبة لقيت الكرولا بتزيح كل العربيات من جنبها بلا منازع

ده حصل معانا لما جينا نشتري:
جبنا الشاهين 1400 زيرو بالرغم من قرب تمنها من الدايو مثلا
لكن الاستخدام: عائلي مش شبابي
الشوارع: مش حلوة
وحاجات كتير خلت الاختيار كده

وكلام سليم 100 100
وشكرا ع الموضوع

موضوع هايل فعلا ...

فكرتنى ب موضوع كنت شوفتة زمان فى منتدى تانى .. واحد كان عاوز يجيب عربية فى رينج ال60 ... كان بيقارن مابين 318 تمانينات .. وفيرنا زيرو ولانسر مستعمل ...ومفهمتش هو اساسا عاوز عربية لية ؟

ياريت الناس تفكر قبل ماتشترى عربية وتدفع فيها فلوس .. هل انا محاتجها فعلا ولا لا ومحتاج المساحة الكبيرة ولا لا .. ومحتاج الموتور الكبير .. ولا لا .

100% correct way of thinking

كلامك جميل يا أستاذ كريم
بس أنا لي تعليق على موضوع الراجل الإنجليزي
----------
انجلترا ظروفها مختلفة عن مصر
البنزين غالي جدا
التأمين عالي جدا و بيعلى كل لما موتور العربية بيكبر
--------------
يبقى أنا لو معايا فلوس أشتري عربية مثلا
2000 سي سي و هي هناك رخيصة مش غالية لو مستعملة
و لكن
مصاريف الصيانة .......... ماصريف التشغيل اليومي ......... مصاريف التأمين ........ الضرائب
كلها عوامل بتحدد اختيارهم هناك
و الكلام ده عن تجربة شخصية
لذلك معظم السيارات هناك ذات المحرك 1000 و 1300 سي سي
و يأتي بعد ذلك المحركات الأكبر
و هذا كان توضيح فقط لنظرة الأخ الأنجليزي
و شكرا

التفكير المصرى مش زى التفكير الأوروبى و ليها عوامل كتير
اهمها اسعار السيارات و متوسط الدخل
ماتقارنش واحد هيشترى عربيه بونتو فى انجلترا بسعر (ماعرفش كام) و متوسط الدخل هناك عالى
لكن هنا فى مصر كلكوا عارفين سعر البونتو و الجراند بونتو بكام و متوسط الدخل هنا ايه

لكن فى مصر لو البنزين مش مدعم كل الناس هتشترى ماروتى
و المشكله هنا فى مصر المظاهر الكذابه اللى دايمآ بنتخدع بيها

اقتباس:

---

المشاركة الأصلية كتبت بواسطة tutankhamoun

كلامك جميل يا أستاذ كريم
بس أنا لي تعليق على موضوع الراجل الإنجليزي
----------
انجلترا ظروفها مختلفة عن مصر
البنزين غالي جدا
التأمين عالي جدا و بيعلى كل لما موتور العربية بيكبر
--------------
يبقى أنا لو معايا فلوس أشتري عربية مثلا
2000 سي سي و هي هناك رخيصة مش غالية لو مستعملة
و لكن
مصاريف الصيانة .......... ماصريف التشغيل اليومي ......... مصاريف التأمين ........ الضرائب
كلها عوامل بتحدد اختيارهم هناك
و الكلام ده عن تجربة شخصية
لذلك معظم السيارات هناك ذات المحرك 1000 و 1300 سي سي
و يأتي بعد ذلك المحركات الأكبر
و هذا كان توضيح فقط لنظرة الأخ الأنجليزي
و شكرا

---

شكرا علي الردود اولا يا جماعة

انا مش بتكلم علي الموتور فقط و لو ان
النسبة تقريبا واحدة يا استاذ توت
هناك مستوى دخل عالي جدا - بنزين غالي
هنا مستوى دخل منخفض جدا ( نسبيا ) - جمارك اعلي بكثير - بنزين رخيص

فدي معوضة دي .
قبل البنزين وقبل ده كله
الاحتياج !
البنزين حتى لو رخيص برده حرام اجيب عربية 1600 ولا 2000 سي سي وانا بقضيها نايم في الزحمة علي كوبري 6 اكتوبر و لا وافق في المحور
و لا راكن عربيتي بالاسابيع !

و حرام واحد يكون محيلتوش و يشتيري سيارة تفوق مستواه المادي مثلا بالتقسيط مجرد للتباهي و بعدين يحصلها حاجة يقوم راكنها


انا شخصيا اعرف واحد صديق حوش فلوس و اشتري BMW 745 موديل 94 تقريبا
من اسبوع لبس في نخلة - كان ماشي بسرعة و العربية عومت منه في مياه

العربية عايزة موتور كامل .. و هو معوش تمنها... بيروح شغله بالميكروباس( تقريبا ب 22 الف جنيه او اكتر ) .
بينما لو كان اشتري حاجة زي لانسر مثلا او كورولا كانت حتبقى اهون شوية .

صحيح في اختلافات بينا و بينهم ( اوروبا )
بس المبدأ واحد

انما هنا الصراحة ... 70% من الناس بيشتروا عربية علشان " المنظرة " و " البتاهي " بالماركة او عدم ادراك لاحيتاجته
والنتيجة حتلاقيه يا اما بيشتم في السيارة و يديك تجارب وحشة عنها ( زي فلان من الناس الي اشتري شيري QQ بصرف النظر عن السيارة .. و يقولي جبت 140 كنت حتقلب ! )

يا اما حتلاقيه بيدعي علي التوكيل و غلاء قطع الغيار .

طب مامن الاول تحسبها صح ؟؟

يا جماعة على فكرة الدخل العالي في بريطانيا مثلا يقابله مصاريف كثيرة جدا
يعني اللي الحكومة بتديهولك باليمين بتخدوا بالشمال و الناس هناك بتشد في شعرها و مش عاجبها و بيشتموا برضه في حكومتهم ( الظاهر إن الناس كلها بتحب الشكوى )
-----------
ياباشا علشان تركب عربية هناك ...... غالي جدا
ليس ثمن السيارة نفسه و لكن مصاريف التشغيل
يعني الضرائب عالية جدا حوالي 200 جنيه استرليني سنويا لسيارة بونتو 1300
تأمين إجباري حوالي 1000 سنويا برضه على سيارة 1300
مفيش مكان بتركن فيه ببلاش :eek: :eek: :eek:
كل أماكن الركن بفلوس ماعدا المكان اللي قدام بيتك
أغلبية الطرق استخدامها ليس مجاني :eek: :mad: :eek:

-----------------------
بس كلام حضرتك أصلا مظبوط 100 % بالنسبة لموضوع التباهي و عدم الوعي الكافي لشراء ما تحتاج
يعني تلاقي النس تشتري عربية صيني جديدة ب 50000 و مستنين منها نفس الإمكانيات لعربية ب 100000
و تلاقي فعلا واحد أشترى عربية بكل ما يملك و بعدين معندوش يصرف عليها
مصر دي مشكلة
في فجوة ثقافية رهيبة عند الناس
المادة و التباهي أصبحوا شئ رهيب في حياتنا
و شكرا مرة أرخى يا كريبتون باشا على الموضوع الجميل

العفو يا استاذ توت

انا مقدرش اجادل حضرتك طبعا في موضوع انجلترا

انا بالصدفة الاخ الانجليزي دي .. وعاني لحاجة كنت عارفها بس مش في بالي او علشان اكون صريح " تناستها " :)

و ارجو من حضرتك طلب شخصي ان ميكنش فيها مضايقة ان حضرتك تحاول تشرفنا المقابلة الجاية علشان فعلا نفسي اتعرف عليك .

كلام صح جد يا كريم و فيه ناس كتير هنا بتفكر في كده.
انا لما كنت بشتري قعدت اقارن بين حوالي 8 عربيات
نيو كسنت . لانسر . صاني . ماتريكس . اوبترا .جراند بونتو .جين 2 . ياريس.
و لما قعدت احسب القيمه مقابل السعر لقيت ان الياريس افضل حاجه في مستوي السعر اللي انا محدده .
اعتماديه عاليه و استهلاك بنزين جميل و تكييف قوي و موتور محترم و قطع غيار مش حتبقي غاليه اوي زيها زي اي عربيه تويوتا .
رغم عشقي للاوربي و خصوصا الفيات خفت اجيب الجراند بونتو علشان اسعار قطع الغيار و عدم انتشارها .\

اقتباس:

---

المشاركة الأصلية كتبت بواسطة CryptonX

العفو يا استاذ توت

انا مقدرش اجادل حضرتك طبعا في موضوع انجلترا

انا بالصدفة الاخ الانجليزي دي .. وعاني لحاجة كنت عارفها بس مش في بالي او علشان اكون صريح " تناستها " :)

و ارجو من حضرتك طلب شخصي ان ميكنش فيها مضايقة ان حضرتك تحاول تشرفنا المقابلة الجاية علشان فعلا نفسي اتعرف عليك .

---

و الله يا أستاذ كريم يكون لي الشرف لمقابلكتم فكلكم ناس محترمين جدا .
و لكن المشكلة أنني في يوم الجمع لدي ظروف خاصة
و لكني سأحاول إن شاء الله أن أحظى بشرف التعرف عليكم
خصوصا أنت و الدكتور أحمد و بقية الأخوة إن شاء الله

هو ده عين العقل
لازم تشوف انت حتأدر تصرف على العربية الى هتجبها ولا لأ

اقتباس:

---

المشاركة الأصلية كتبت بواسطة tutankhamoun

يا جماعة على فكرة الدخل العالي في بريطانيا مثلا
-----------


مفيش مكان بتركن فيه ببلاش :eek: :eek: :eek:
كل أماكن الركن بفلوس ماعدا المكان اللي قدام بيتك
أغلبية الطرق استخدامها ليس مجاني :eek: :mad: :eek:

-----------------------
بس كلام حضرتك أصلا مظبوط 100 % بالنسبة لموضوع التباهي و عدم الوعي الكافي لشراء ما تحتاج

و تلاقي فعلا واحد أشترى عربية بكل ما يملك و بعدين معندوش يصرف عليها مصر دي مشكلة في فجوة ثقافية رهيبة عند الناس
المادة و التباهي أصبحوا شئ رهيب في حياتنا
و شكرا مرة أرخى يا كريبتون باشا على الموضوع الجميل

---

المعلومه ده الخاصة بالركن بفلوس فى كل الشوارع الا امام بيتك مش دقيقة يا عم نوت عن معرفة .. فى الحى التجارى و السياحى مثل اكسفورد و بيكاديللى و ما شابه ايوه .. اما فى كل الشوارع الداخلية و الضواحى التى يعيش فيها اغلب الانجليز فممكن تركن فى اى مكان ..

و اتفق معك فى ثقافة المباهاة و حب المنظرة الفاضية .. الانجليز فعلا عمليين و يميلوا للعربيات الصغيرة و الاقتصادية حتى و لو مرتاحين ماديا .. عندنا فى مصر مرسيدس و BMW اكتر منهم ..!

السيارة الاوبل Corsa و عربية اخرى انجليزى صغييرة جدا Morris مثلا منتشرة جدا عن العربيات الفاخرة .

اقتباس:

---

المشاركة الأصلية كتبت بواسطة electroman

المعلومه ده الخاصة بالركن بفلوس فى كل الشوارع الا امام بيتك مش دقيقة يا عم نوت عن معرفة .. فى الحى التجارى و السياحى مثل اكسفورد و بيكاديللى و ما شابه ايوه .. اما فى كل الشوارع الداخلية و الضواحى التى يعيش فيها اغلب الانجليز فممكن تركن فى اى مكان ..

و اتفق معك فى ثقافة المباهاة و حب المنظرة الفاضية .. الانجليز فعلا عمليين و يميلوا للعربيات الصغيرة و الاقتصادية حتى و لو مرتاحين ماديا .. عندنا فى مصر مرسيدس و BMW اكتر منهم ..!

السيارة الاوبل Corsa و عربية اخرى انجليزى صغييرة جدا Morris مثلا منتشرة جدا عن العربيات الفاخرة .

---

ياباشا أنا كنت عايش هناك
لندن أصعب مكان تلاقي فيه مكان تركن فيه .... و الركن مش ببلاش
و الأماكن السكنية يكون معلق فيها يفط تقول الركن هنا للسكان فقط ........ و الحي بيكون مديك بادج تحطه على العربية علشان لما ييجي بتوع المرور يلاقوا البادج على عربيتك فميدوكش مخالفة
إنما لو أنت مش من المنطقة و ركنت في مكان مخصص لأهل الشارع فقط
هاترجع تلاقي مخالفة ب 80 جنيه استرليني معلقة على الزجاج الأمامي يا عسل

أما موضوع الركن في الضواحي البعيدة عن لندن فيمكنك الركن و لكن
أذهب إلى مركز الضاحية ...... لن تستطيع الركن مجانا أبدا
يعني مثلا لو نقول إن مدينة 6 أكتوبر من ضواحي القاهرة
يبقى أنا ممكن أركن في أي مكان من مدينة 6 أكتوبر إلا مركز المدينة اللي موجود فيه المول التجاري الخاص بالمدينة و مركز الأعمال
على أساس أن معظم ضواحي بريطانيا مقسمة إلى مناطق سكنية و كل منطقة سكنية لها مركز تجاري يخدمها
............................
و لو مثلا رحت لمكان الركن الخاص بسوبر ماركت ........... يبقى لازم تشتري من السوبر ماركت حاجات فيما لا يقل عن 10 أو 15 أو 20 جنيه استرليني حتى يتم اعطائك الفرصة للركن المجاني ........... غير ذلك تدفع ثمن الركن
و شكرا

ده اسلوب صحيح فى التفكير 100 %
و أعتقد انه ينطبق على معظم ما يريد الانسان شراؤه , سواء سيارة أو اجهزة كهربائية أو الكترونية أو اى مما يترتب على اقتناؤه مصاريف تشغيل او صيانة مستقبلية

اقتباس:

---

المشاركة الأصلية كتبت بواسطة tutankhamoun

ياباشا أنا كنت عايش هناك


أما موضوع الركن في الضواحي البعيدة عن لندن فيمكنك الركن و لكن
أذهب إلى مركز الضاحية ...... لن تستطيع الركن مجانا أبدا
يعني مثلا لو نقول إن مدينة 6 أكتوبر من ضواحي القاهرة
يبقى أنا ممكن أركن في أي مكان من مدينة 6 أكتوبر إلا مركز المدينة اللي موجود فيه المول التجاري الخاص بالمدينة و مركز الأعمال
على أساس أن معظم ضواحي بريطانيا مقسمة إلى مناطق سكنية و كل منطقة سكنية لها مركز تجاري يخدمها
............................
و لو مثلا رحت لمكان الركن الخاص بسوبر ماركت ........... يبقى لازم تشتري من السوبر ماركت حاجات فيما لا يقل عن 10 أو 15 أو 20 جنيه استرليني حتى يتم اعطائك الفرصة للركن المجاني ........... غير ذلك تدفع ثمن الركن
و شكرا

---

انا عشت فى لندن ايضا 8 شهور غير 5 زيارات قصيرة و صحيح مكنش عندى عربية خاصة لكن لم الاحظ مع كثرة ركوب سيارات الاصدقاء
حكاية دفع تمن الركنه فى كل حته خاصة خارج وسط لندن .. عموما انا سكنت جنوب غرب لندن فى Richmond و
Twickenham .. فى كل حى فى بريطانيا هناك ما يسموه High street و هو الشارع التجارى .. هذا الشارع بالذات صعب
الركنة ببلاش اما الضواحى كالتتى سبق ذكرها ففعلا الموضوع اسهل بكتير و الاساس هو الركن المجانى ...
عموما كل الانجليز بيفضلوا نزول المدينة بالمترو اسهل و اسرع و ارخص من البنزين .. ياريت يكون عندنا شبكة مترو ضخمة 20
او 30 خط زى عواصم اوربا و امريكا هو ده افضل حى لمشكلة المرور ..

ثم انت باذات مش مفروض تشيل هم الركنه علشان الملك توت بقناعه الذهبى و العجلة الحربية ليه تحية و معاملة خاصة !!!

اقتباس:

---

المشاركة الأصلية كتبت بواسطة CryptonX

شكرا علي الردود اولا يا جماعة

انما هنا الصراحة ... 70% من الناس بيشتروا عربية علشان " المنظرة " و " البتاهي " بالماركة او عدم ادراك لاحيتاجته
والنتيجة حتلاقيه يا اما بيشتم في السيارة و يديك تجارب وحشة عنها ( زي فلان من الناس الي اشتري شيري QQ بصرف النظر عن السيارة .. و يقولي جبت 140 كنت حتقلب ! )

يا اما حتلاقيه بيدعي علي التوكيل و غلاء قطع الغيار .

طب مامن الاول تحسبها صح ؟؟

---

+100000000000000000000000000

اقتباس:

---

المشاركة الأصلية كتبت بواسطة CryptonX

السلام عليكم ,
لاحظت في الفترة الي فاتت ناس كتير اوي بتدخل تفتح مواضيع جديدة بعنواين مثل
" معايا كذا الف جنيه و عايز اجيب عربية "
" ايه احسن سيارة في حدود البتنجان الف " .

يا جماعة طبعا السعر و الميزانية من اهم عوامل شراء السيارة بس الناس بتنسى تبص لقدام !
يعني انا لما شتري سيارة بي 50 الف جنيه مثلا .. وفي فترة وجيزة بعدها ادفع اتقريبا 50 الف جنيه تاني في صيانات و بنزين و تصليحات مش ده يبقى معنى ان السيارة مكنتش مناسبة ليا اصلا ؟؟

ححكليكو مثال بجد انا لحد دلوقتي بتعجب منه
زي منتدانا الجميل ده انا برده مشارك في منتدى " انجليزي " اخر مخصص لسيارات " فيات " في المملكة المتحدة .

دخل واحد شاب عمره 24 - 25 سنة
معجب جدا بالسيارة الجراند بونتو و بيفكر يشتريها
بنفس طريقتنا هنا كل واحد حكالوا عن تجاربوا و مشاكلها و مزاياها و خلافه

المهم فهمنا ان هذا الشخص سوف يقوم بصرف مبلغ تقريبا نص تمنها في تعديللات شكلية للسيارة ! ممى يجعل المبلغ الاجمالي للسيارة اغلي من سيارة من فئة اخرى في الفيات ( البرافو )

فسألته !
طلاما معاك الفلوس دي متشتري السيارة الاعلي في الفئة او علي الاقل بدل الجراند بونتو ال 1400 هاتلك ال 1800 او اعلي ؟

يكون رده ايه ؟؟؟
مثلا اه ولاهي معاك حق !
او لآ انا بحب التعديللات و عايز عربية اعدلها !
او حتى مش معايا تمنها كله حاليا !

قالي :
I can't afford it
" لا اقدر علي تمنها "

فقتلته ازاي وانت معاك تمنها و زيادة بكتير !!
قالي:

لأ انا مش بتكلم علي سعر السيارة نفسها .. ده مش مشكلة خالص
انا بتكلم علي استهلاك بنزين عالي جدا و انا مش حستفيد منه
بتكلم علي اضافات لو باظت او حصلها حاجة مش حقدر اعالجها بنفسي او ابدلها
ده غير ان السيارة التانية اكبر حجما و انا حاليا مش محتاج سيارة كبيرة اوي كدة !

اتا قرأت الرد و زهلت !

ازاي يبقى واحد معاه فلوس مثلا BMW 525
بقوم جايب BMW 116i
علشان البنزين و الصيانة ؟؟

فده اداني فكرة عن الناس بتفكر ازاي

قبل متفكر في تمن السيارة الي انت عايزها
فكر في احتياجك !!!!!!!!!!!!1

عايز سيارة حجهما ايه و حتعمل بيها ايه ؟
و مرتبك كام و حتقدر تصرف عليها ازياي و تكلفة البنزين و الصيانة كام ؟؟

متى ممكن تكون محوش تمن سيارة محترمة .. غالية . و تييجي لقدر الله حادثة او عطل ,, و مبيقاش معاك فلوس تصلحها ! حترميها !!

او ابسط .. ممكن ميكنش معاك فلوس تحطلها بنزين كل شوية !!!

طبعا ان عارف ان في فئة كبيرة مش فارق معاها لا الميزانية و لا الفلوس
اذا كان اهلم يحفظهم الله بيصرفوا او هما الحمد الله مرتاحين و اغنياء
بس برده ده ميمنعش تفكر انت عايز السيارة لآيه ؟

ده بالعكس الفلوس الكتيرة حتفتحلك مجالات لللاختيار اكتر !


اسف علي الاطالة بس ياريت اكون وصلتلكم !
متسألش عايز سيارة بكذا !
اسأل عايز سيارة في الفئة كذا .. بسبب كذا ... و يكون سعرها في حدود .. كذا .

شكرا .

---

بص يا اخ كريبتون ... الكلام منطقي فعلاً و كلام مظبوط 100 100 .. و الفرق في التفكير هاقولك جه منين .. و هاقولك تفكيري انا كمان ايه و ازاي ..
اول حاجه احب اقولك .. طريقه التفكير دي .. بره مصر انت بتتعلمها و بتتعلم ازاي تفكر و ازاي تتصرف و ازاي تعمل كل حاجه .. عكس هنا .. انا ملاحظ الهمجيه ماليا البلد .... فاصبح زي ما انت بتقول ... الفلوس كتيره و اللي معاه قرش محيره يجيب بيه حمام و يطيره و الكلام ده غير منطقي .. هنا : معاك فلوس : اجري هات زيرو .. ممعاكش فلوس .. هات مستعمل ..
انا تفكيري مش كده .. انا باشوف انا محتاج ايه .. و محتاج العربيه قد ايه ..و متوسط التصليحات و العمر الاقتصادي و سعر البيع بعد المده المطلوب منها العربيه .. و كمان متوسط سعر التعديلات اللي هاتتعمل فيها .. و فوق كل ه متوسط جزء الدخل المخصص للعربيه كام ..حدد النقط دي .. هاتحددلك كيرف شريحه العربيه .. هايطلعلك شريحه معينه فيها كذا بديل .. تحدد البديل الانسب منهم .. هاتلاقس العربيه المناسبه ليك ..
يعني انا بالنسبالي .. انا شريحتي في البي ام اي ثرتي .. و 318 .. فتره بعد التخرج .. و لحد الجواز .. تركب 318 فيها تعديلات في المكنه و كده .. تقضي معاك فتره الجواز و كده .. بعد 5 سنين ترزع مكنه 25 اسود .. بعد نهايه الخدمه ترزع 12 سلندر و تعيشلك يومين .. و كده يكون اجمالي العمر بتاع العربيه 10 سنين ... و كميه التعديلات اللي فيها كبيره و معموله بحساب ... ده غير ان احنا مستوردين قطع غيار مستعمل .. و فيه عوامل عرضيه برضه لازم تتحسب ..بعد 10 سنين هايكون سعر العربيه رخص شويه انما ماوقعش .. و هاتكون انت راكب 12 سلندر 5000 سيسي مش اي حد راكبها .. و تبقي باشا و تجيبلك فلوس ..
انا كنت اتكلمت في موضوع تاني عن عدم انحيازي للزيرو .. لانه ببساطه الكيرف بتاعه شديد قوي و يقطم الوسط .. و متوسط تكلفتها اكتر من القديم .. ببساطه لان العربيات القديمه متهالكه و عمرها قديم اولريدي .. انما الجديد تكلفته النسبيه عاليه , ده غير انه بيتاثر باسعار الموديلات الاحدث منه .. ده غير ان التعديلات نفسها مكلفه و العموله غاليه و و و .. و بعد 5 سنين هاتبيع بنص التمن .. و تبقي خساره بحته .... يبقي كده خراب بيوت .. في حين ان انت لو فكرت صح .. ممكن تكسب من العربيات ..
حل تاني انك تركب كل سنه عربيه .. تغير يعني .. يعني لو معاك 50 الف بتجيب عربيه عليها طلب شويه و سوق اعاده تدويرها ماشي حلو .. و تشتريها و تبيعها بعد سنه .. و هكذا .. نفس النظام لو واحد سالك في حوار المعاقين او ليه سكه في اي اعفاء جمركي من اي نوع .. تطلع مصلحه و مكسب .. بس دي عاوزه واحد سالك و ظروفه تسمح .. انما ماتمشيش معايا لاسباب خاصه هنا ..
حل تاني برضه للجماعه الي بيسافرو كتير .. خليك مع التريبتك .. هاتجيب عربيه تريبتك هاتيجي رخيصه .. و تاخد تجديد في تجديد تقعد بيها 6 شهور او حاجه .. تسافر و ترجع بيها تاني ..
الحلول كتير بس الي يعمل .. و دي وجهه نظري الشخصيه ..

اقتباس:

---

المشاركة الأصلية كتبت بواسطة CryptonX

انا شخصيا اعرف واحد صديق حوش فلوس و اشتري BMW 745 موديل 94 تقريبا
من اسبوع لبس في نخلة - كان ماشي بسرعة و العربية عومت منه في مياه

العربية عايزة موتور كامل .. و هو معوش تمنها... بيروح شغله بالميكروباس( تقريبا ب 22 الف جنيه او اكتر ) .
بينما لو كان اشتري حاجة زي لانسر مثلا او كورولا كانت حتبقى اهون شوية .

---

لو في مصر (اكيد طبعاً في مصر .. النخل بقي و بتاع) .. شوفلي العربيه و بياناتها .. و ان كان هايبيع او لو عاوز قطع غيار ... كله موجود ..بس لو هايبيع انا شاري .. بس مافيش 745 موديل 1994 ..
ياما 740 موديل 90 و طالع .. ياما 745 موديل 80 و طالع ..
مع تحيات :
johnny X

قال الهولندي هوب ستيفنز المدير الفني لنادي هامبورج إنه غير مهتم بالإنجاز الذي حققه مهاجم الفريق محمد زيدان بالفوز بكأس الأمم الإفريقية مع المنتخب المصري.

وأضاف ستيفنز في تصريحات لمجلة بيلد الألمانية "لقد تحدثت مع زيدان عقب نهاية البطولة، وأكدت له أنني غير مهتم بما فعله مع المنتخب المصري، وأنني انتظر مستواه الحقيقي مع هامبورج".

وكان زيدان قد أكد أن إدارة النادي الألماني قد طلبت منه التوجه إلى زيوريخ يوم الأربعاء للانضمام إلى الفريق في مباراته أمام زيوريخ في دور الـ32 لكأس الاتحاد الأوروبي يوم الخميس.

وقاد زيدان المنتخب المصري للفوز بكأس الأمم الإفريقية للمرة السادسة في تاريخه بعد تغلبه على الكاميرون في المباراة النهائية بهدف دون رد، وأحرز هدفين في مرمى الكاميرون في دور المجموعات.

وطلب المهاجم المصري الحصول على يومين راحة في القاهرة، وهو ما رفضته إدارة النادي التي قالت إنه "يرتبط بعقد مع هامبورج وليس في القاهرة".

ونقلت بيلد تصريحات عن زيدان يؤكد فيها أنه عازم على العودة إلى مستواه الحقيقي مع الفريق الألماني في النصف الثاني من الموسم.

وعانى اللاعب الحائز على لقب كأس الأمم الإفريقية من ابتعاده عن التشكيل الأساسي لهامبورج لفترات طويلة في النصف الأول من الموسم والذي أحرز خلاله هدفا واحدا.

يذكر أن ستيفنز سيرحل عن هامبورج بنهاية الموسم الحالي ليتولى تدريب إيندهوفن الهولندي، ويعد يورجن كلوب المدير الفني لماينتس هو الأقرب لتولي تدريب هامبورج، وهو ما قد يكون في صالح زيدان الذي تألق تحت قيادة كلوب خلال فترة إعارته إلى ماينتس.

------------------------------------------------------------

معلش يمكن الموضوع بعيد شوية، بس انا شايف انه متوافق

كلامكوا جميل ما شاء الله واضح إن في روح وعي متناميه بين أوساط الشباب بغض النظر عن إمكانيات كل واحد . بس أنا فعلا اتفق مع إن صعب نقارن مصر بيوروب في إختلاف كبير حتى لو كان عندنا جمارك كبيرة بس المحصلة إنه في الأخر هتلاقي إن العربية أقل من ١٦٠٠ cc سعرها واحد هنا وهناك تقريبا

فعلا هو متطلبات السيارة بالنسبة للشخص هو الفيصل في شراء السيارة وعلى قد حدوده وإمكانياته

لكن فزوره عايزة مشورة :

لو امكانياتك تسمح تجيب عربية كبيرة كويسة وغالية طبعا بغض النظر عن فكرة التباهي أو المنظرة تجبها مرة واحدة وأهي تعيش معاك حتى لما عيلتك تكبر ويتعدد افرادها واكيد العربية في الفئة دي بتحتفظ برونقها وقيمتها لفترات طويلة

أو تمشيها small car زي الانسر أو الإلنترا كام سنة وبعدين تجيب الفئة الاكبر على أساس انك هتكون في مرحلة فعلا محتاج عربية أكبر وفي فئة أعلى؟ إنت كدة أكيد هتبيع التانية وأكيد هتخسر فيها وأكيد دفعت صيانات وخلافه عليها وترجع تكرر نفس الكرة مع الجديدة طيب مكان من الاول هي عربية واحدة وخلاص. مش عارف مجرد خواطر طرأت على ذهني
أرجو مناقشتها وإبداء الرأي فيها. وعلى فكرة نسبة كبيرة من الأوروبيين بيفضلوا شراء سيارة كسر زيرو زي ما بنسميها هنا وطبعا كلنا عارفين ليه.

Thanks
Eng.Sherif Shaker

اقتباس:

---

المشاركة الأصلية كتبت بواسطة Xpert

لو في مصر (اكيد طبعاً في مصر .. النخل بقي و بتاع) .. شوفلي العربيه و بياناتها .. و ان كان هايبيع او لو عاوز قطع غيار ... كله موجود ..بس لو هايبيع انا شاري .. بس مافيش 745 موديل 1994 ..
ياما 740 موديل 90 و طالع .. ياما 745 موديل 80 و طالع ..
مع تحيات :
johnny X

---

هي موديل 90 فعلا يا باشا :)
معرفش هو عمل فيها ايه بس
علي مااعقتد انه ناوي يبلدها بحالتها ب Chrysler 300M مستعملة .

شريف باشا فينك يا عم ليك واحشة و الله مختفى فين بس؟

ردى على فزورتك :

لو إشتريت العربية الكبيرة هاتعجز معايا فى إلتزامات تانية و فى الوقت نفسه آجلا أو عاجلا هاتصغر و تقل فى نظرى و أجيب حاجة جديدة مش هاقعدها معايا 15 سنة يعنى آخرها معايا لما تقول إيه 8 سنين كحد أقصـــــــى إلا لو بنتكلم فى الكبير أوى ذى مرسيدس و بى إم و أودى و إنت طالع و فى الحالة دى مش هاتقعد أكثر من 10 سنين لأن الجديد ليه رونقه برده و الإنسان بطبعه متطلع :)

الموضوع دا كان مستخبي فين ياكريم ؟!!
بجد موضوع هايل واول مرة أخد بالي منه
أنا معاك إن في ناس كتير بتجيب العربية من أجل المنظرة علشان يقول أنا راكب كذا ولا كذا بدون مراعاة للاحتياجات الفعلية أو للمقدرة على تحمل مصاريفها ..يعني تلاقي الواحد راح اتدبس في 140 ولا 150 ألف جنيه تمن عربية وياريت فلوسه وفي جيبه ولكن ياإما سالف ياإما تقسيط والحسابة بتحسب ..طيب هاتلاحق على مصاريفها الدورية ولا البنزين ولا الأقساط ولا التأمين لو هاتأمن ولا ولا ...!!
مثال بسيط يؤكد اتفاقي مع أفكارك
لما كنت اشتريت الاسبيرانزا حسبتها إني مش محتاج أكتر من كده دلوقتي وبالسعر دا وحسبت هادفع كام وهاخد إيه في المقابل ..وبعد مابعتها لقيت إن بفضل الله كان تفكيري سليم لأني استعملت السيارة لمدة سنة وبعتها زي ماشتريتها ..يعني كأني ركبتها سنة كاملة ببلاش !!
ولما غيرت قارنت بين حاجات كتير قوي ..وفعلاً كنت عايز عربية قوية وكبيرة وبالفعل كنت هادفع كتير بدون داعي دلوقتي ..وحجزت وسحبت الفلوس في أكتر من حاجة ..لغاية ماربنا وفقني للفوكاس اللي معايا ..أنا شايف إنها كانت اختيار موفق لأني دفعت فيها تقريباً نصف تمن مثيلتها 2008 والحمد لله حالتها ممتازة وتُلبي متطلباتي من العربية في هذه الفترة (بالمناسبة لو حصل وكنت هاغير قريب برده هاجيب فوكاس 2008 فعلاً متميزة)

اقتباس:

---

المشاركة الأصلية كتبت بواسطة وائل عطية

الموضوع دا كان مستخبي فين ياكريم ؟!!
بجد موضوع هايل واول مرة أخد بالي منه
أنا معاك إن في ناس كتير بتجيب العربية من أجل المنظرة علشان يقول أنا راكب كذا ولا كذا بدون مراعاة للاحتياجات الفعلية أو للمقدرة على تحمل مصاريفها ..يعني تلاقي الواحد راح اتدبس في 140 ولا 150 ألف جنيه تمن عربية وياريت فلوسه وفي جيبه ولكن ياإما سالف ياإما تقسيط والحسابة بتحسب ..طيب هاتلاحق على مصاريفها الدورية ولا البنزين ولا الأقساط ولا التأمين لو هاتأمن ولا ولا ...!!
مثال بسيط يؤكد اتفاقي مع أفكارك
لما كنت اشتريت الاسبيرانزا حسبتها إني مش محتاج أكتر من كده دلوقتي وبالسعر دا وحسبت هادفع كام وهاخد إيه في المقابل ..وبعد مابعتها لقيت إن بفضل الله كان تفكيري سليم لأني استعملت السيارة لمدة سنة وبعتها زي ماشتريتها ..يعني كأني ركبتها سنة كاملة ببلاش !!
ولما غيرت قارنت بين حاجات كتير قوي ..وفعلاً كنت عايز عربية قوية وكبيرة وبالفعل كنت هادفع كتير بدون داعي دلوقتي ..وحجزت وسحبت الفلوس في أكتر من حاجة ..لغاية ماربنا وفقني للفوكاس اللي معايا ..أنا شايف إنها كانت اختيار موفق لأني دفعت فيها تقريباً نصف تمن مثيلتها 2008 والحمد لله حالتها ممتازة وتُلبي متطلباتي من العربية في هذه الفترة (بالمناسبة لو حصل وكنت هاغير قريب برده هاجيب فوكاس 2008 فعلاً متميزة)

---

يا ريت كل الناس تفكر زي كدة
و فعلا الموضوع ده ينطبق مش بس علي العربيات علي كذا حاجة تانية
( موبايلك مش بكامرتين؟؟؟ يع !!! lol )

والله انا في دماغي الموضوع ده من شهر او اكتر بس خفت اكتبه مليش استجابة :)
بس واضح الحمد الله ان في ناس " بتقكر صح " كتير :)

اقتباس:

---

المشاركة الأصلية كتبت بواسطة CryptonX

هي موديل 90 فعلا يا باشا :)
معرفش هو عمل فيها ايه بس
علي مااعقتد انه ناوي يبلدها بحالتها ب Chrysler 300M مستعملة .

---

خلاص يا باشا شوفه و ان كانت لسه موجوده قوللي ;)