حد عاوز منظف دورة وقود ميتسوبيشي ياباني الأصلي من توكيل ميتسوبيشي

السلام عليكم



السادة الأفاضل ملاك الجميلة byd-f3 أرجو أنت تكونوا في أتم صحة وعافية



طبعا كلكم عارفين إن محرك الجميلة byd-f3 ميتسوبيشي لانسر



ووالحقيقة كنت عاوز أحافظ علي جودة أداءه دائما وبطبيعة إني كنت معايا لانسر 2008 قبل الجميلة byd-f3 كان فيه في التوكيل بتاعها -شركة مصرية- سائل تنظيف دورة الوقود ياباني أصلي ماركة ميتسوبيشي وده كان بيوصي باستعماله كل 10000 كم وبيوضع مع البنزين عند التموين بالمحطة وسعرها لا أتذكره بالظبط كان في حدود 80 جنيه ويمكن يكون غالي شوية علشان أصلي وياباني بس إحنا ماعندناش أعز من الجميلة byd-f3



لذا سوف أقوم بشراء عبوة يوم السبت القادم 12/6/2010 من توكيل -مصرية- بفرع جسر السويس بالقاهرة فإذا كان أحد الزملاء يحب يجي معايا أهلا وسهلا يبعت لي علي الخاص قبلها نتفق علي الموعد لأنها أحيانا كثيرة بتكون فيها نقص بالتوكيل لكثرة الطلب عليها



وللعلم يوجد أنواع كثيرة جدا من منظفات الوقود ومنتشرة بالأسوق ومحطات البنزين وأرخص بكثير ولكني أفضل الأصلي الياباني للحفاظ علي دورة الوقود والمحرك



تقبلوا مودتي

هل حضرتك تقصد بعد كل 10000 كم ولا ومن الاول
انا دلوقى عامل 1400كم ,استخدمه؟ ولا استنى لل 10000كم؟

عزيزى sv065 يظهر يوجد توارد افكار لقد استخدمت نوع امريكى يسمى all system cleaner تمنه42 جنيه وشعرت بفرق ما فى اداء السيارة واتمنى اقتناء الصنف الذى تقول عليه استعمله فيما بعد هل يمكن ارساله فى شركة شحن تتقاضى اجرها وترد لسيادتك ثمن المنظف ان امكن ارجو ان ترسل رقم الموبايل على الايميل وشكرا جزيلا وتعرفنا اذا كان الcleaner فرق معاك ولا لا

اقتباس:

---

المشاركة الأصلية كتبت بواسطة firro_1

هل حضرتك تقصد بعد كل 10000 كم ولا ومن الاول
انا دلوقى عامل 1400كم ,استخدمه؟ ولا استنى لل 10000كم؟

---

لا بعد 10000 كم لأن طبعا البنزين بمصر وارد يكون فيه نسبة شوائب مرتفعة والفلتر خير دليل علي ذلك وممكن يكون مختلط بمياه كمان فعلي المدي الطويل بيتأثر أداء المحرك

يعني تقدر تقول ده إجراء صيانة ووقائي

اقتباس:

---

المشاركة الأصلية كتبت بواسطة elmanahry

عزيزى sv065 يظهر يوجد توارد افكار لقد استخدمت نوع امريكى يسمى all system cleaner تمنه42 جنيه وشعرت بفرق ما فى اداء السيارة واتمنى اقتناء الصنف الذى تقول عليه استعمله فيما بعد هل يمكن ارساله فى شركة شحن تتقاضى اجرها وترد لسيادتك ثمن المنظف ان امكن ارجو ان ترسل رقم الموبايل على الايميل وشكرا جزيلا وتعرفنا اذا كان الcleaner فرق معاك ولا لا

---

الأنواع كتيرة جدا وأكيد معظمها كويس وإن كنت أحبذ الأصلي الياباني رغم إرتفاع سعره إلا أنه أضمن ويحافظ علي باقي مكونات المحرك فاليابنيون ضميرهم صاحي جدا جدا في عملهم وده سر نجاحهم

وأنا لسة ماستعملتوش في الجميلة إن شاء الله دي حتكون أول مرة أستعمله فيها وحأخبر حضرتك بالنتيجة طبعا بس إن شاء الله حأستخدمه قبل ما أغير البوجيهات علي طول لأني ناوي أجيب بوجيهات إيريديوم

بخصوص الشحن لا أعلم شركات معينة ولكن أعرف أن الشركات منتشرة مثل الـ dhl وغيرها فسأسأل عن نظامهم وأخبر حضرتك بس الأهم نجده في توكيل ميتسوبيشي لأني دائما لا أجده بيكون مسحوب لإستخدام التوكيل الداخلي

دمت بود

استاذى الفاضل هل استخدام الزيت دة حتى لو بمون 92 وهل حضرتك معتقد فية؟

اسف السائل مش الزيت

اقتباس:

---

المشاركة الأصلية كتبت بواسطة seba

استاذى الفاضل هل استخدام الزيت دة حتى لو بمون 92 وهل حضرتك معتقد فية؟

---

بالتأكيد لأنه موصي به من مصنع ميتسوبيشي لسياراتها بل بالعكس ده مطلوب أكثر في مصر لكثرة الشوائب بالبنزين والجو المليء بالتراب