الموضوع: إلى أصحاب الـ 505 و من كان

السلام عليكم و رحمة الله و بركاته

كان عندي ملحوظة قبل استفساري عن كم حاجة
و هي إني لاحظت أن الـ 505 مواضيعها قليلة جداً جداً و المرات اللي اللي ذكرت فيها قليلة
أنا مش عارف هي الـ 505 انقرضت و لا ايه بالظبط.... مع إني مع الوقت بيزيد إعجابي بيها

المهم... أنا كان عندي بعض الاستفسارات و الطلبات للبيجو 505 و هي:
أنا بدور على كتالوج الـ 505 و مش لاقيه خالص و بدور على كتب الصيانة الخاصة للـ505 و كمان مش لاقيه
و السبب
إني أول مرة أجدد عربيتي الـ505 موديل 1983 من كله
و لقيت حاجات بتركب مع مسمار الرجلاش للفوانيس الأمامية تخليك تتحكم في الفوانيس من جوه الصالون زي العربيات الجديدة، يعني ممكن ترفع و تنزل الفانوس و انت قاعد جوه و لما سألت قالولي إنها بتشتغل بضغط الهوا و اللي بسمع عنه ان العربيات الجديدة بمواتير كهربا غالية المهم لما سألت أكثر من واحد عشان أشغلهم قالوللي صعب اوي و عايزة موالو طول بال و احنا معندناش
و كان عندي 3 لمبات تحت عداد الـrpm لمبة منهم بتنور لما العربية تشتغل و اللمبتين التانيين كااااانوا بينوروا بالتدريج مع استهلاك البزين و حاولت برضوا أشغلهم معرفتش
فيا ريت لو حد يفيدني في المشاكل ده و يا ريت لو يدلني على حد يشغللي التكييف و يوصلي التوصيلات بتاعته الفابريقة عشان لقيت في خراطيم هوا صغيرة مش راكبة مكانها و بعضها مش موجود بتركب في التكيف و الكربيراتير و الاسبراتير و حاجات تانية مش عارفها
يا ريت حد يلحقني قبل ما ابقى عامل زي الراجل ده
و أنا آسف إني طولت عليكم

بس يا ريت ترفعلي نسخة من الكتالوج كامل و ان كان أغلبه باللغة الفرنسية