الموضوع: مساعده فى شراء فلتر للمياه

دى صوره الجهاز اللى سالت عليه


مواصفاته
filter RO Regular

مرحلة 1
شمعه مبدئى مكونه من ألياف السليولوز بدقة 5 ميكرون تحجب الشوائب، الرمال، الأتربة، الحشرات وألياف الصدأ.
مرحلة 2
شمعه كربونى نشط تؤكد إزالة الكلور الزائد فى المياه ومشتقاته والمواد العضوية والغازات والطحالب

مرحلة 3
شمعه مدمج مكونه من غشاء بدقة 1 ميكرون لتأكيد عدم وجود شوائب بالمياه، وبداخله لوح كربونى مصمت لإمتصاص الكلور ومشتقاته و المواد العضوية كما يوجد مضخة 24 فولت تعمل على سحب المياه من الفلترة إلى وحدة المعالجة.

مرحلة 4
تعمل نظرية التناضح العكسى عن طريق الغشاء الإسموزى بدقة 0.0001 ميكرون بسعة 75 جالون ويعمل على حجز الأملاح والمعادن الثقيلة والمواد العضويةوالفيروسات والبكتريا بنسبة من 75 الى 85 ثم تخزن المياه فى خزن بسعة 12 إلى 14 لتر وذلك لتوفير المياه.

مرحلة 5
وهى عبارة عن شمعة من شجر جوز الهند والتى تعمل على إمتصاص الغازات والرائحة التى تتكون من الخزان إن وجدت.

المشاركة الأصلية كتبت بواسطة نينو

انا بنصح بي كل الناس شركة اوشن بجد ناس في منتهة الامانة و ضمان محترم و صيانتهم ممتازة
و عندهم جميع الاسعار و كل اللي يناسبك حسب احتياجك و ممكن تقسيط كمان لو كدة ممكن ابعتلك رقمهم علي الخاص لو مش ممنوع هنا و اي خدمة يا باشا

نوعه ايه
انا اهم حاجه عندى انه يكون فعلا بينقى المياه وهل هو احسن من Tank bkn اعتقد ان tank هو اشهر واحد فى مصر

المشاركة الأصلية كتبت بواسطة al_manara

انا كمان بدور علي فلتر . بس قريت كتير ان الفلتر يفضل يكون مرحله واحدة او مرحلتين . وبلاش الي بيشيل الاملاح لان دة مضر بالانسان لان الطبيعي ان جسم الانسان بيحتاج نسبة الاملاح الموجودة بالمياة . فياريت الاعضاء يفيدونا اكتر بخصوص الانواع .

هو هيبقى مضر اكتر لما نشرب كميه الامرح الرهيبه اللى موجوده
يبقى الاحسن انها تتشال !

up !!!!!!!!!!!!!

مقتبس من مشاركة سابقة لـ أحمد كمال

انا عندي فلتر ro ماركة waterworld من شركة النقية ..... شركة محترمة جدا جدا و كل معاد صيانة هما اللي بيفتكروا و يتصلوا بيا يحددوا المعاد ........ لو حد عايز نمرتهم ابعتهاله لو ادارة المنتدى ماتمانعش

و ده امريكي و تقريبا 6 مراحل

بقاله معايا سنتين ميته زي الكريستال

سعره 1500 جنيه و الصيانة السنوية شاملة الانتقالات و قطع الغيار و المصنعية و كل حاجة 300 جنيه

النهاردة و هما بيعملوا الصيانة كان معاه جهاز شبه الترمومتر الديجيتال بيقيس نسبة الاملاح الذائبة في المية

اخدت منه الجهاز و مليت كوباية بمية الحنفية و كوباية بمية الفلتر بنفسي (عشان محدش يقول انه عملوا عليا شغل و بتاع)

النتيجة الصاعقة

مية الحنفية : 250

مية الفلتر: 20 !!!!!!!!!!!!!!!!!


مرحلة ال ro فعلا لو تعبانة بتبوظ ...... مراحل الفلتر عندي تفصيلا هي:

1- مرحلة الشوائب .... لحجب الاتربة و الشوائب الصلبة ...... بتتغير كل 3 شهور (الجديدة بتبقى لون الحليب و اللي بتتشال بتبقى لون الكاكاو !!!!)

2- مرحلة الكربون المفتت ..... لازالة الغازات و الروائح بالامتزاز ...... بتتغير كل 6 شهور

3- مرحلة الكربون المصمت ..... لازالة الكيماويات ..... بتتغير كل 9 شهور

4- طلمبة رفع ضغط الماء ...... بتتغير اما تبوظ

5- الغشاء membrane الخاص بعكس الضغط الاسموزي ro .... بيتغير كل ما بيبوظ ..... الحمد لله بقاله سنتين عندي و 3 سنين عند الوالد سليم ..... ده الثقوب اللي فيه 1 على الالف من الميكرومتر ...... ما بيفوتش و لا املاح و لا شوائب و لا اي حاجة

6- مرحلة جوز الهند (فيها مركب من جوز الهند لاضفاء طعم بسيط غير ملحوظ للماء و لكن محبب جدا)

7- مرحلة ال calcite لاضافة الاملاح بعد ما المرحلة الخامسة نزعتها تماما حيث ان الماء منزوع الاملاح ضار ... بس بتضيف ملح بسيط ..... عبارة عن خرطوشة شفافة فيها بلي صغير من الملح بيعدي عليه المية ..... بتتغير اما تخلص ..... بقالها سنتين عندي و شكلها قدامها سنين على ما تخلص

8- التانك المفرغ المعقم و الحنفية




غير انه يمكن اضافة مراحل اخرى للجهاز مثل manual flush لغسيل الجهاز او ultraviolet (لمبة اشعة فوق بنفسجية) لقتل اي ميكروبات بالماء


الصراحة الجهاز ممتاز و ميته انضف من المعدنية و املاحها اقل بكتير و انا مبسوط منه جدا و احنا بنشرب منه و بنملا منه القزايز و بنطبخ و بنغسل الخضار و الفاكهة و اللحوم بيه ..... يعني عايشين عليه ...... غير ان بعد اول سنة انت بتدفع 300 بس كل سنة يعني 25 جنيه في الشهر (ارخص بكتير من المية المعدنية) ........

المشاركة الأصلية كتبت بواسطة al_manara

انا كمان بدور علي فلتر . بس قريت كتير ان الفلتر يفضل يكون مرحله واحدة او مرحلتين . وبلاش الي بيشيل الاملاح لان دة مضر بالانسان لان الطبيعي ان جسم الانسان بيحتاج نسبة الاملاح الموجودة بالمياة . فياريت الاعضاء يفيدونا اكتر بخصوص الانواع .

المفروض ان الفني اللي بييجي يركب الفلتر ده بيكون معاه جهاز مخصوص لقياس نسبة الأملاح اللي موجوده في المياه بعد ما تعدي على الفلتر
و هو بيقدر يتحكم في نسبة الأملاح اللي في المياه عن طريق مفاتيح موجوده في الفلتر
و حضرتك بتكون واقف جنبه و بتذوق طعم المياه عشان لازم يكون فيها نسبة من الأملاح عشان يكون في طعم للمياه لأنه بدون الأملاح دي المياه طعمها بيمرر

الكلام ده بالنسبة للفلتر ال5 مراحل ذي اللي موجوده في تاني مشاركة