-
مشكلتى مع المرور
انا عربيتى ينتهى الترخيص فى 1/6 /2010
لما رحت المرور من اسبوعين بسال على المخلفات لقتهم حطين 3 الف جنية مخلفات فى حتت انا مرحتهاش اصلا ومعرفش عنها حاجة اتكلمت مع وكيل النيابة انا تبع مرور القوات المسلحة بجد راجل فى قمة الوقاحة وحاجة زفت واتخنق معاة مش ممكن شب عندة لسة صغير انا اكبر منة اصلا عندة بتاع 24 سنة بيتنطط على الناس اوى وعايش الدور المهم عندى مخلفات
سير عكسى 1500 فى حتة انا مرحتهاش ومعرفش ارحا طيب وعندى
320 ج صف تانى وربنا يعلم انى بردة معملتهاش
وعندى مخلفت زنون وانا معنديش زنون اصلا ومخلفات غريبة الشكل
المهم اتكلمت مع الموظف قلى انى ممكن امشى بيها فى شهر سماح قلت كويس اشوف وسطة وربنا يسهل ونزل المبلغ حرام بجد
امنهردة راجع من السينما بليل اوى كمين الرخص ادتهم الرخص قلولى الرخصة منتهية قلتلة فى شهر سماح قلى دة فى المرور لكن متمشيش بيها وهيدينى وصل 24 ساعة ولولا انى حظى انى معاية واحد صحبى ظابط شرطة كانت اتسحبت طيب دة حرام ولا حلال بجد بلد عيزة الحرق :I_angr1[1]:
-
بلد عايزه الحرق يا فتدم انا دفعت مخلفات 3000 في 8 شهور بس وكنت هعيييييييييييط
-
مخالفة الزينون فكرتنى بعادل امام فى مسرحية شاهد ماشفش حاجة لما راح يدفع فاتورة التليفون و هو معندهوش تليفون
-
أنا بقيت بخاف و أنا نازل بالعربية من قطاع الطريق دول
5 مخالفات رادار في نفس المكان و نفس الظابط
و السسرعات بقى : 91 , 95 , 100 , 92 , 93
-
انصح بالبدء في اجراءات التجديد قبل الموعد بشهر عشان المفاجآت من هذا النوع
-
والله يا استاذ تامر حالى من حالك انا كان جايلى 3400 مخالفات فى حتت فى اسكندريه انا عمرى ما رحتها و لا اعرف حد فيها و جبت وسطه خفضتهم 1400 جنيه بالعافيه فادمكش حل غير وسطة اما تعمل معارضة فى المرور و بتاخد زى رخصه مؤقته منه و بيتحددلك ميعاد جلسه فى نيابه المرور
-
نفس الشئ حصل معايا و كنت مسافر بره مصر أكثر من 6 شهور و رجعت أثناء التجديد وجدت أني عامل مخالفات سير عكسي و كسر أشارة و سير بدون الحزام في محافظات عمري ماروحتها و في الوقت اللي كنت مسافر فيه
دخلت لوكيل النيابة ووريت له جواز السفر و تاريخ السفر و تاريخ العودة و تواريخ المخالفات
الراجل بص لي و قالي مايمكن حد تاني هو اللي كان راكب العربية ؟؟
المهم كلمت واحد صاحبي عنده مكتب أيجار سيارات فأتصرف هو مع واحد في المرور معرفة شال المخالفات كلها (أكثر من 3000 جنيه) مقابل 500 جنيه
- المهم لما سألته ازاي عملها قالي أبدا .... بيرحلها علي واحد تاني
- و لما قولت له ما هو كده حرام .... أنا مستعد أدفع المخالفات دي و أمري لله بس ماتروحش لحد تاني
- صاحبي رد عليا و قالي ..... أن نفس الشئ ممكن يكون حصل معايا واحد برضه جاب واسطة و رحلهم عليك
بصراحة لما عرفت اللي بيحصل ده مشيت متضايق و قولت حسبي الله و نعم الوكيل
بس يومها دخلت تاني لوكيل النيابة و قولت له أديني دفعت مخالفات ماليش ذنب فيها و ماعملتهاش بس من النهاردة لو فيه مخالفة واحدة جت لي بعد كده مش هأدفعها و هأجدد و اخد حقي منكم بالقانون و أفضحكم لأني بأطبق القانون اللي أنت ماتعرفش عنه حاجة و سيبته و مشيت
و فعلا الحمد لله جددت بعدها مرتين ماكانش في عندي أي مخالفات
-
ربنا على الظالم بجد حاجة تقرف بس انا بدى تحزير لكل قلى عايز يرخص الحكومة مستنية على غلطة او تمشى بظابط شرطة فى شنطة العربية
Content Relevant URLs by
vBSEO 3.6.0 PL2