عملت حادثه بالالنترا الغاليه
الحمد لله
يوم الخميس اللي فات جاللي تليفون ان حمايا وحماتي عملو حادثه كبيره
قومت واخد مراتي بسرعه ورحت اشوفهم كان الكلام ده الساعه 3 بالليل
وانا طالع الكوبري قبل المسشفي كان فيه ملفين شمال في يمين وكنت ماشي 80 وخدت الملف الشمال ووانا باخد اليمين لقيت فجائه في وشي موتوسيكل طالع عكسي راكب عليه اتنين شكلهم مبرشمين حاولت اتفداهم علي قد ماقدر بس شلتهم بالعربيه وكان المنظر مؤلم قوي المهم نزلت من العربيه متغاظ قوي وكانت مراتي منهاره جدا مرضيتش ابوص عليهم حتي من كتر الغيظ منهم
المهم لقيت العربيه مدمره عاوزه فانوس وشبكه ورفرف واكصدام وكبوت يعني حسبه 6000 جنيه
ولما اتصلت بالشرطه الصراحه جت في 5 دقايق ولما روحت القسم كانو بيعاملوني معامله كويسه بس برده كان مقبوض عليا
وهوا ده اللي حصل وحسبي الله ونعم الوكيل في كل مستهتر وربنا يخلف عليا خير وينتقم منهم