الموضوع: هويدي موتورز إيديا 2 الجزء الأول

السلام عليكم
الكلام اللي ها أكتبه ده كلام أكيد بخصوص أيديا
-------------
أولا أنا إسمي طارق
ومالك سياره أيديا 2 علشان تكونو عارفين فيه نوعين
من أيديا فيه أيديا 1 و أيديا 2 الصوره اللي موجوده عندكم دي
بتاعه أيديا 1 اللي سعرها 38900 جنيه
عموما أيديا 2 غير موجود منها جديد حاليا وأعتقد أنها نزلت
موديل 2007 فقط ولم ينزل منها موديل بعدها
عموما أنا إشتريت السياره موديل 2007 بتاريخ 26 -1-2008
والسياره ضمانها 40 ألف كيلو سعرها كاش كامله مانوال 49900 جنيه
يعني 50 ألف وأنا إشتريتها تقسيط علي 4 سنوات من البنك بنسبه 50 في المائه
يعني دفعت النصف والنصف الأخر من البنك بفائده 11 في المائه حوالي 13 ألف زياده
علي أربع سنوات يعني وقفت كده ب 63 ألف سيبكو من فرق القسط
المهم أنا كنت معجب جدا بالسياره وعملت لها سمعه طيبه لكل من يسألني عنها
كنت بقول فيها شعر
بعد شهر لقيت البطاريه باظت قلت وارد بطاريه مش مشكله رحت التوكيل قام فك
لي بطاريه من سياره أخري عند ما وصلت ل 16 ألف كيلو طنابير الفرامل الأماميه
والتيل باظو رحت ليهم وقلت لهم إزاي طيب التيل ممكن لكن الطنابير لا يمكن
دي أكيد خامه زفت لأن الطنابير المفروض تشتغل 10 سنين المهم
قالولي إدفع ثمن التيل والمصنعيه وإحنا ها نغير لك الطنابير من عندنا
طبعا في الأول قالو سوء إستعمال يعني من الأخر لا تدوس فرامل
في أي حاجه إخبطها بس ماتدوسشي علي الفرامل هههههههههه

ربنا يكون في العون ويسترطريقك
وشكرا على المعلومة