استعلام عن المخالفات مرور النزهة

**Conspirator** · 08-06-2010 11:25 AM

السلام عليكم

أنا كنت عايز أستعلم عن مخالفات العربيه من على الموقع بتاع المرور بس للاسف مرور النزهة الجديدة مش موجود على الموقع بس اسمعت انه مندرج تحت مرور تانى ؟؟؟

حد هنا مرور النزهة وبيعرف يستعلم عن المخالفات يقولى ازى

شكرا

**korkor** · 08-06-2010 12:44 PM

جرب مرور مصر الجديده

**Amrrr** · 08-06-2010 03:08 PM

المشاركة الأصلية كتبت بواسطة korkor

جرب مرور مصر الجديده

بالظبط كدة هو مرور مصر الجديدة

**enayat** · 08-06-2010 05:22 PM

النهارده رحت اسجل عربية 128 باسمي في الشهر العقاري انا البائع والمشتري لان العربية بتوكيل المهم الموظف بص في الرخصة وقالي تاريخ انتهاء الرخصة متعدل فيه فلازم تجيبي شهادة بيانات المشكلة عندي ان العربية مرور النزهة وهيا نمر قديمة قلت اسافر القاهرة اجيب شهادة بيانات وبالمرة شهادة المخالفات علشان انقل الرخصة مرور المنصورة ليا كذا سؤال
1- شهادة المخالفات والبيانات هيطلعوا من مرور النزهه ولا مرور مصر الجديدة ؟ولا لازم اروح مرور النزهه وهو يحولني علي مرور مصر الجديدة؟
2- لو هاروح مرور مصر الجديدة اركب ايه من رمسيس؟
3- لما اجي اطابق البصمة هل لازم اجي بالعربية ولا ممكن الورق بس لان بصراحه مبحبش اسوق في القاهرة وزحمتها

**yoko** · 08-06-2010 05:25 PM

١- على حسب النمر طالعه منين يعني أنا النمر القديمة الرخصة النزهة والنمر كانت من بين السراسات أو حاجة كده مش فاكر فلازم مرور النزهة الأول
٢- أي حاجة نازلة مدان الجامع
٣- لازم العربيه

**yoko** · 08-06-2010 05:54 PM

المشاركة الأصلية كتبت بواسطة enayat

معلش تاعباك معايا بس ممكن اعرف شهادة البيانات بتتكلف قد ايه؟
وصاحب العربية القديمة كان مطلع ليا براءة ذمة من مرور مصر الجديدة يس من سنه ابقي انا كده اروح مرور مصر الجديدة مش كده؟

أيوه كده يبقى مصر الجديدة والشهادة لو فيها مخالفات بتدفعها لو مفيش بتدفع ٥ جنية ونص تقريبا!!!

**enayat** · 09-06-2010 06:24 PM

المشاركة الأصلية كتبت بواسطة yoko

أيوه كده يبقى مصر الجديدة والشهادة لو فيها مخالفات بتدفعها لو مفيش بتدفع ٥ جنية ونص تقريبا!!!

انا قلت احكيلكم علي الي حصل معايا يمكن حد يستفيد رحت النهارده نيابة مرور مصر الجديدة وطلعت شهادة مخالفات الحمد لله ولا مخالفة مع اني واخده مخالفة ركن في الممنوع في المنصورة من 3 شهور بس ايه الي حصل انا معرفشي واخدوا 10 جنية خمسة معونة شتا وخمسة رسم ميكنة الشهادة بس الغريبه بقي ان قالوا ليا ان شهادة البيانات تطلعبها من مرور النزهة يعني كان لازم اروح الاتنين لان انا في الاصل مرور النزهة والحمد لله طلعت كمان شهادة البيانات ب 9 جمية بس الاهم من ده كله معاملة الناس في مرور مصر الجديدة ومرور النزهة فعلا حاجه راقية جدا
نزلت بقي علي بلدنا المنصورة قلت اوثق عقد البيع في الشهر العقاري لقيت فرق السما من الارض في معاملة الموظقين امبارح الموظف قالي عاوز شهادة بيانات لان تاريخ انتهاء الرخصة متعدل جبتها النهارده ودخلت عليه وقلت خلاص الحياة بقي لونها بمبي اخدها مني موظف تاني جمبه وراح باصص في التوكيل وقالي الختم مش واضح!!!!!!
قلت له نعم؟
ماانا كنت امبارح هنا والاستاذ قالي تمام راح باصص ليا وساله قاله لا توكيلها تمام
قلت في نفسي الحمد لله الدنيا تقريبا هترجع تنور ثالي صوري البطاقة والتوكيل ورخصة العربية طبعا كنت مجهزاهم بعد توجيهات الزملاء في المنتدي قلت له معايا بص فيهم تخيلوا قالي ايه!!!!!!!!!!!!!
لا صوري البطاقة والرخصة في ورقة واحده مش ورقتين

لا تعليق
عظيمة يامصر