ربنا يخليك :E_braces[1]:
عرض للطباعة
قرارك صح فاظفر بذات الدين تربت يداك
انا فعلا بقيت مذبهلل من البنات اللي بقت سبوور اكتر من الولاد
اول بنت حبيتها في حياتي من 7 سنين الموضوع اتفشكل (انا اللي فشكلت) تفتكروا ليه؟
عشان انا كنت عايز اتقدم لها و هي مش عايزة !!!!!!
بجد بنات الجيل ده منهم كتير عايزين الحرق ...... الله يحرق الدش عالتليفزيون عالنت عالاعلام الغربي عالاعلام العربي في يوم واحد
الاخ صاحب الموضوع
انت شكلك راجل محترم جداااااااااااااااااا ومتدين علشان كدا اقولك انك فى الاول دخلت بيت غلط
البنت كانت خارجه معاك بالمينى جيب يبق اكيد وانت اول يوم تروح تشوفها كانت كدا برضوا
يا اخى اتقى ربنا فى نفسك وفى عيالك علشان تجبلهم ام بالمنظر دا لما تختار بنت اختار بنت صح علشان تتجوز مش بنت تمشى معاها
يا اخى الكريم هل البنت دى تنفع تبق زوجه وتربى اجيال هيا ممكن تربى فعلا عيال البنت هتبق رقاصه والولد هيبق طبال دا انت راجل متدين واكيد عايز عيالك يكونوا عارفين ربنا
اعتزر لو كلامى رخم بس بجد يعلم الله كم انا بقوله بهدف انى خايف عليك
أبو كمال باشا ... مقدرش أزعل منك :colsmil: ...
بص هو مش سبور ولا حاجة زى ما إنت فاكر ...
أنا بس بقارن و بشوف إيه ممكن يتعمل عشان ميظلمش واحدة ممكن تكون بنت كويسة قوى و تأخد بالها منه و تكون أمينة عليه و على أولاده ...
لأن سماتها الشخصية بتفرق مش بتتغير .... الكذب و الأمانة و النفاق و اللسان الى زى السم و بقيت الحاجات ...
طالما فى حاجات مقدور تتغير و البنت عندها قابلية للتغيير ... ليه لأ طالما كل حاجة متوافرة فيها حلوة ...
الدين ممارسة ... يعنى لو إنت بعدت عن الدين هيبعد عنك ... قربت منه هيقرب منك .... بس تكون أصلا إنت عايز ..
و ده أنا شايفة المهم .... عشان مايضعش واحدة ممكن تكون فيها حاجات كويسة صعب يلاقيها تانى بس هيتعب معاها شوية لحد ما تبقى فى التمام من كله ...
أحسن ما يأخد واحدة محجبة و متدينة لكن ما خفى كان أعظم ....
و يا سلام لو لقى الإتنين ...
بس أنا عايزه يكون Flexible عن كده عشان يشوف إللى مش متشاف و يقدر يعدل إللى محتاج يتعدل ....
صاحبك ياما إتلسع ... هههههه
فكك تماما من النوع دا
العينة دي من البنات " مع احترامي ليك " ينفعوا للتسلية... خروجات .... صحوبية...
لكن جواز و ارتباط
90% من البنات الي بشوفهم اصلا لا يصلحوا
الواحد حتي لما يصاحب او يمشي مع واحدة شوية مش عايز واحدة توجعلوا دماغه....
انا بصراحة احتقر هذه النوعية من البنات
تصرف موفق جدا واحيك علية لا تخوض فى تجربة احتمال كبير جدا عدم اكتمال العلاقة
إنت فهمتنى غلط ...
أنا ضد تماما البنت المدخنة ... .
أنا بتكلم على إن ساعات تعرف ولاد بيدخنوا ....
و حضرتك بتقول إن إللى بنت إللى تعرف ولاد بالمنظر ده يبقوا ..............
75% من أعضاء المنتدى مدخنين .... معناها إنهم شباب كده؟؟؟ لأ طبعا دول زى الفل ...
و لو طبقت نظريتك عامة يبقى شباب المنتدى هنا مايفنعش يعرف غير البنات الوحشين قوى ..
و ده طبعا كلام مش منطقى ...
ربنا يهديها و يهدينا و يرزقها زوج صالح
و يرزقك زوجه صالحه
بس دعوة للأخوة اللي خاضوا شوية في كلام عنها يستغفروا ربنا لانهم سمعوا من طرف واحد و ميعرفوهاش متزعلوش من كلامي ممكن بكون كلامكم عادي و ممكن يكون خوض في الاعراض فبس الواحد يتقي الشبهات و ممكن تكون بحالتها دي احسن مننا كلنا عند ربنا محدش عارف الدنيا مفيهاش ملايكه كلنا خطائيين
Too Risky!
عموما
الموضوع ممكن يحير خصوصا لو سنها صغير و ممكن يشكلها زي ماهو عايز ده لو هوا عرف يستحوذ عليها
امر اخر هو الاب و الام و الاخوة, بيئتهم شكلها ايه
اري ان قرارك هوا الاصوب لان شكل البنت فاقدة القدوة
في فرق بين البنت الي تعرف ولاااااااد بيدخنوا
والبنت الي كل صحابها الولاد والبناااااات بيدخنوا ويشيشوا وحاجات تانية:rfds:
في فرق كبير....
البنت الي بتدخن دي اعرف بنسبة 80% انها بايعة الحياة و ما فيها و معندهاش اي مبدا عايزة تمسي عليه " مش حكم سطحي لكن عن تجربة "
بص حضرتك عملت الصح و لو مكنتش عملت كده كنت هتندم بقية حياتك .. أنا مش بلومها أو بقول هى مش كويسه .. هى بس مش مناسبه ليك .. وده كان هيعيشك فى عذاب و تعيش على أمل انها ممكن تتغير و ده ممكن يحصل و ممكن لأ.
انا معاك ان التربيه بتفرق كتير و مادام البنت من بيئه كويسه فاحتمال كبير انها تتغير .. ممكن بكره او بعده تقتنع ان الحجاب ده مش حاجه هتفقدها بالعكس دى حاجه هتكتسبها و هتزيد بيها .. ربنا سبحانه وتعالى مفرضش حاجه عشان يعذبنا بالعكس ربنا أدرى بمصلحتنا فين و كل أوامره و نواهيه لمصلحتنا فى الدنيا قبل الاخره .. واللى بيفكر بيشوف الكلام ده بعينه .. زى ما ربنا حرم الخمر و لحم الخنزير والقمار و الزنا وكل حاجه وحشه لمصلحتنا فى الدنيا قبل الاخره .. برضه حرم التبرج وفرض الحجاب لمصلحتنا فى الدنيا قبل الاخره.
لازم الانسانه اللى ترتبط بيهه تكون مقتنع بيها تماما .. مبقولش انها تكون برفكت .. بس تكون انت مقتنع بيها بمميزاتها و عيوبها .. لو ده محصلش صدقنى هتعيش فى عذاب.
أولا : كل ما هتشوف واحده محجبه هتتمنى ان مراتك تكون زيها لأن دى حاجه نفسك فيها فى مراتك وتفتح معاها الموضوع و تكون هى لسه مش مستعده فيحصل مشاكل.
ثانيا : كل ما هتحصل مشكله بينكم هتندم انك مسبتهاش من الاول مع ان كان واضح ان تفكيركم مختلف .. وده هيرفع لك الضغط و يخليك تمشى تكلم نفسك.
زى ما قلت لك الله أعلم .. ممكن ربنا يهديها بكره بس انت متاخدش قرار مصيرى على أمل ممكن يحصل و ممكن لأ.
أحييك على شجاعتك و ربنا يوفقك لما فيه الخير.
بص
البنت ديه مش سكتك
و انت عملت المفيد متأخر
لو عايز تجرب و تشوف ممكن تتغير ولا لأ اتفضل جرب مش هتخسر حاجه
بس الطريق ده من الحياه هيبقى بالنسبالك خيال علمى
يعنى بويز يكلموها على الموبايل و هير فريندز اند باديز و خروج لأماكن ماسمعتش عنها و حكايات كتيره انت مش فى دماغك
و بعدين هتلاقى كل حاجه غريبه عنك من اول اللبس لغايه التليفون مرورا بالماشيه و الخروج
انا اسمحلى حنظر للموضوع بطريقه يعنى عملية شويه
بص لاخواتها هل هما كده برده ونفس الطبع؟ هل البنت والدتها توفت وهى صغيرة يعنى اعدادى مثلا؟ هل الاصدقاء الاولاد بيكلموها على الموبيل فى اى وقت او معاهم نمرتها مثلا؟
لو اخواتها نفس الطبع ( يبقى تخلع بهدوء يبقى العيب عيب الاب والام الله يرحمها) وهى مش ليها ذنب فى كده وساعتها يبقى تحترم صراحتها معاك ما هى كانت ممكن تقضيها شات ونزول وتقولك انا بره باجيب حاجه او مع صاحبتى وكمان بالليل فى الخفا شات وفيس زفت بوك الله يلعنه ويلعن اللى اخترعه حديث الساعه حاليا على ايه مش عارفز
المهم لو انت حاسس فى امل فى التغيير وانك حتقدر تملا حياتها وتعوضها النقص اللى مفتقداه وعوضته فى الاصدقاء والشات والفيس زفت يبقى توكل وكمل اما لو انت ليس لديك المقدره على ذلك ربنا يوفقك فى غيرها وبجد الله يكون فى عونك الاختيار بقى صعب اليومين دول
الله يخرب بيت ميلودى وامثالها وكل ما يدمر بناتنا وشبابنا
تسمح لى ياباشا اقول رأيي
اى بنت للارتباط بها بيبقى مطلوب انها تتميز بعده صفات ان تكون متدينة و متعلمة و جميلة و من عيلة طيبة و تكون خفيفة الدم و تعرف تطبخ كويس و تعرف تربى اولادها كويس و تكون دلوعه وقت الدلع و محتشمة و رقيقة المشاعر ومرهفة الاحاسيس و تقدر تتحمل مسئولياتها فى الزواج وتكون صادقة و أمينة و ذكية ولماحة ومحافظة على رشاقتها
وبتحب الرياضة اللى العريس بيشجعها
و طبعا استحالة تكون فيه واحدة كاملة المواصفات فتلاقى ان فيهن من لديها بعض المواصفات وبعض المواصفات غير مكتمل .
الموضوع عاوز له تركيز فى نقطه واحدة ... هل البنت دى بالتدريب منك لها ممكن توصل لنقطة " تتقى الله فيك ام لا"
وعلى فكرة يا باشا الشكل والمظاهر الخارجية ليس دليل على تدين الانسان وحسن تقواه
و البنت دى كانت معاك واضحة وصريحة و حاولت انها تصلح من نفسها علشانك
وموضوع شلة الشيشة دى عندك حق و الفيس بوك ده بتفكرنى مع احترامى الكامل لحضرتك بأغنية أبو الليف
فكرتنى مره بواحد أعرفة سلم على بنت من اياهم بعد ان وجدها فجأة محتشمة المظهر الخارجى وسألها ايه اللى عملاه ده قالت "علشان أتخطبت بقى و مبخلهوش يلمس أيدى حتى ومفهماه انى معرفش كمبيوتر ده يعنى ايه و رسمت عليه الدور صح انها انسانة خام ومتدينة جدا "
القرار واضح من قبل ما الموضوع يتكتب وانا مؤيد قرارك جدا
لكن فى جزء حابب اعلق عليه
من كلامك فهمت ان البنت سنها صغير ووالدها متولى رعايتها خصوصا ان والدتها متوفيه
الاب اللى زى ده بجد ربنا يعينه ويقويه على حياته
اب لبنات بدون ام
رجل = اب + ام
معادله بتكون صعبه خصوصا لو البنات فى سن زى ده
هايتغاضى عن الكثير و يزيد فى التدلل تعويضا عن ما افتقدته البنات من حنان ورعايه
وده مش معناه ان البنت مالهاش ذنب
لا ليها ذنب باردو فى اختيار طريقه حياتها وتحمل المسئوليه
ويمكن اللى انت عملته ده يكون سبب فى تفكيرها واعادت حسابتها فى اتخاذ قرارتها فى المستقبل وتغيير حياتها للاحسن
وربنا يوفقك
أنا بحقد عليك ، لأنك لقيت منتدي وناس تنصحك صح ، وتقولك على اللى فيه مصلحتك
أنا كنت في الموقف تقريبا من 15 سنة ، ودلوقت بضرب نفسي بالجزمة علشان كملت واتجوزتها ، على الرغم من انها عملت كل حاجة كنت عاوزها قبل الخطوبة ولكن الطبع بيغلب التطبع ، ورجعت ريمه لعادتها القديمة بل العن من الأول. أنت لا تتخيل حجم الجحيم الذي اعيش فيه حاليا ،
حبيبي ، أخلع فورا ، وماتكملش ولو جات لحد عندك وباست على الجزمة ، المعووج معووج ولن يعدله شئ
طبعا مفيش انسان او انسانه كامله او زى ما احنا بنكون عاوزين
وفعلا المظاهر مش كل حاجه انما بتدل على مكنون و مضمون الانسان
يعنى مثلا مفيش تفاحه قشرتها الخارجيه فاسده وهتلاقيها من جوه شهد
و اسمحلى اعترض مع حضرتك الطيبون للطيبات
مادام الراجل بيدور على واحده تتقى ربنا فيه و تحرسه هو و بيته واورده يبقى باذن الله ربنا هينولهاله
اولا لانه ساب بنت خاف على دينه معاها
وثانيا لانه بيدور على واحده تدفعه للطريق الصح
والنت اللى انت بتقول عليها فى يوم من الايام هتتكشف على حقيقتها وتتفضح وتنتهى العلاقه فى ثانيه واحده لان الغش عمره ما كان حل
من الواضح يا رجاله ان الكل بيتلككوا علشان يتكلموا فى الموضوع ده
ومن الواضح بردوا ان الخطوه اللى قام بيها صاحب الموضوع نالت اعجاب وتقدير كل اللى شاركوا فى الموضوع
ومن الواضح وديه بقت حقيقة زى الشمس ان كل البنات محتجين انهم يتغيروا أو ان الرجالة تبدأ تلبس طرح (جمع طرحه)
ومن الجميل اننا نذكر الاخ صاحب الموضوع أن البنات على قفا من يشيل فى الفترة ديه والكلام غير قابل للنقاش
واضح انك انسان عاقل
و صدقني التفكير بالعقل هو الافضل
سيبك من موضوع القلب دا
لان بعد الجواز لو ماكنش الزوجين الاساسيات ميلوهم فيها زي بعض هتلاقي الخلافات علي طول موجودة
و انت شخصيه و هي شخصية تانيه خالص
و بعدين الزواج دا رزق من الله يعني ماتئولش حرام اسيبها لاننا شخصيتين مختلفتين لان ربنا اللي بيرزق لا انت و لا غيرك
و تسيبها دلوئتي بدل ما تتجوزها و تلاقي الاختلاف بينكم في كل شئ و يوصل للطلاق و الضحيه في الاخر الاولاد
و ربنا يهديها و يهدينا جميعا و يثبتنا
و علي فكره انا مش بعيب فيها لان دلوئتي دا بئي العادي يعني فيه كتير اوي كده, هي تحتاج واحد نفس شخصيتها
و ما تستغربش الحال دلوئتي فيه رجاله فري و حلوين كده كتيييييييييييييييير للاسف
بالعكس دلوئتي بئي فيه اللي بيطلب من مراته البسي كذا و اعملي كذا و لا حول و لا قوة الا بالله
اعتقد انك تاخر الخطوبه علي قد ما تقدر و حاول تعملها اختبار تاني ممكن تكون هدايتها علي ايدك و تاخد سوابها خدوا بالاسباب
ممكن ربنا بعتك ليها علشان تهديها و ربنا بيسبب الاسباب جرب تاني مش هتخسر حاجه