قرار بالانفصال

**blazer** · 10-06-2010 06:38 PM

المشاركة الأصلية كتبت بواسطة noramagdy

بالبلدى كدا "دى مش من توبك" - هى هتلاقى الى بيدور على الاستيال بتاعها

قرارك صائب 100% - الى عاشت 20 أو 25 سنه متطبعة على طبع واسلوب حياه ، مش ممكن تتغير فى مكالمة تليفون

أحسن حاجه تعملها - لاتضيع وقت - وابدء فى البحث عن زوجه - واستفيد من هذه التجربة فى بحثك

ربنا يوفقك فى بنت الحلال الى تحفظ عرضك وتصون كرامتك

دا لو كانت اصلا فى نيتها انها تتغير
او عاوزه تتغير
ممكن تكون عجباها عيشتها كدا

**omar-saad** · 10-06-2010 09:57 PM

الكلام كتر اوى
والمشاركات وصلت ل271 مشاركة
واراء ومواضيع مفتوحة
هوة الموضوع مش كمية ولا صعب للدرجادى
اللى عايز يتجوز
يدور على الاسلاااااااااااااااااااا ااااااااااااااام وطاعة الله فى كل حاجة
وربنا عمرة ماهيديلة غيرالحاجة الكويسة
اللى كاتبهالة وكل واحد فى الدنيا دى على اد نيتة وعملة
وربنا يوفقنا جميعا لصالح الاهمال ويرزقنا الزوجة والذرية الصالحة
انما هانقعد نلف وندور ونتعب من الكلام يمين وشمال
هوة طريق واحد فقط اللى لازم نمشية
هوة ابتغاء مرضاة الله فى كل حاجة بنعملها

**lancerevolution** · 11-06-2010 12:02 PM

و إظفر بذات الدين
من الأخر
خليك فى الأقاليم هتلاقى فيها القطة المغمضة بجد

**tameraast** · 11-06-2010 08:28 PM

:Ta_clap[1]

المشاركة الأصلية كتبت بواسطة MoToRiZeR

مفيش حاجة إسمها "طريقة" للجواز سوي في بلدنا العزيزة و بعض دول العالم اللي تشاركنا الأسلوب المجتمعي "الجميل" .. و الطريقة المتداولة في بلدنا هي الصالونات .. لدرجة إن ساعات تلاقي واحد بيقول ناس "دورولي علي عروسة" ... فا تقوم فلانة تشوف واحدة .. و تقول أه و الله دي تنفعله! فا هو يقولها يعني رأيك كدة؟! و ياخد الحج و الحجة و يروح يشوف الواحدة!

مينفعش تروح لواحدة لا تعرفها ولا تعرفك .. و إنت كل اللي شايفه فيها إنها واحدة هتبقي مراتك لو الموضوع مشي .. مش شايف فيها الإنسانة ولا الدماغ ولا أي حاجة ولا شايف إنها كائن مستقل .. يعني حتي يوم ما تقولها متلبسيش كذا .. ده مش حب و تقدير ليها ده خوف علي نفسك الناس تقول شوفوا الراجل الهزق سايب مراته تلبس إيه! يعني بإختصار إنت لسة متعرفهاش .. هتقولي محترمة و أهلها و لبسها و خالها و جدها و جوز عمتها .. ممكن أجبلك مليون واحدة جميلة و محترمة و مقفول عليها من يوم ما إتولدت قطة مغمضة و متعرفش حاجة في الدنيا و أهلها ناس يتحطوا عالجرح يطيب .. هل تتجوز أي واحدة فيهم و خلاص مدام ده ال standard الوحيد !؟ شق البطيخة و عالبركة علي رأي أبو الليف! طب بلاش .. هل إنت ترضي إنك تكون راجل علي واحدة فقط لأن هي أصلاَ معندهاش شخصية !؟ يعني "أي واحد" هيمشيها عالعجين متلخبطوش و هتسمع كلامه .. طب بلاش .. هل الواحد يرضي يروح يقول لواحدة ميعرفهاش إعملي كذا عشان إنتي "هتبقي" حتة مني .. و هو لا يعنيها لسة لأن ده كلام بصيغة المستقبل يا عالم هيحصل ولا لأ بس هو وجهة نظره إن "مراته" اللي هي أي واحدة أي كان هتكون مين هي ولا غيرها مينفعش تلبس كدة .. فا بيقولها كدة عشان تتوافق مع الشروط .. و ممكن هي تعمل كدة عشان ترضيه عشان هي عايزة تتجوز و تخلص .. و يتجوزوا .. و تسقط الأقنعة .. و يالا بينا نتكلم عن العيال اللي هيكبروا شايقين أبوهم و أمهم مولعين في بعض .. و ساعتها يا هتكمل و إنت مش طايق حياتك و تموت و إنت حياتك ضايعة و مكتئب .. يا تطلقها و تعيش عيالك في بيتين و يا سلام بقي لما يدخل في الموضوع جوز أم و مرات أب .. كلمني عن السعادة اللي هيبقي ولادك فيها.

أنسب طريقة للجواز إن محدش يتجوز صالونات و كل واحد يبقي سيد نفسه و قراره.

انا ساعات بشوف شباب بيقولوا انا مش هختار اللي هتجوزها هسيب أهلي يختاروا عشان خبرتهم أكتر! يعني فيه إنعدام شخصية أكتر من كدة!!!؟

**tameraast** · 11-06-2010 08:30 PM

المشاركة الأصلية كتبت بواسطة lancerevolution

و إظفر بذات الدين
من الأخر
خليك فى الأقاليم هتلاقى فيها القطة المغمضة بجد

قطه مغمضه مين ؟؟؟؟؟؟؟؟؟؟؟؟؟؟؟
يا عم صلى على النبى

**mohamedbook** · 12-06-2010 09:54 AM

المشاركة الأصلية كتبت بواسطة د.أحمد سمير

قال رسول الله صلى الله عليه وسلم : "إياكم وخضراء الدمن ، قالوا ومن خضراء الدمن يا رسول الله ..قال : المرأة الحسناء في المنبت السوء "

والمنبت السوء هو الأهل الذين لا يضعون اعتباراً حقيقياً لشرع الله وأوامره ونواهيه

الرك على البيت .. إذا صلح الراعي صلحت الرعية

نصيحة قبل أن تقدم على أي مشروع ارتباط .. بص على البيت الأول وطبيعة الحياة فيه .. فإن رأيته منبت خير توكل على الله فلا يتبقى بعد ذلك سوى الانسجام بينك وبينها ..

وإن رأيت البيت منبت سوء فابتعد حتى لو كانت آخر نساء الدنيا

تقبل خالص مودتي

حديث ضعيف وياريت تتحقق من كلامي وشوف الاحاديث الضعيفة