الموضوع: زهقت من الفرنساوى والانجليزي

المشاركة الأصلية كتبت بواسطة kh_talaat

والله انا بحييك على الموضوع الهايل دة

ونفسي بقى نبطل عقدة الخواجه ونرغمه على احترام البلد اللي هو جاي فيها

والمشكلة الأعجب انك تلاقي شركات مصرية خالصه ونظامها الأداري وكل اوراقها الداخلية بين الموظفين وبعضهم بالأنجليزي !!!!

طب ليه ؟؟؟

انا كنت شغال فى مكتب استشارى يعتبر اكبر مكتب استشارى فى مصر دلوقتى تلاقى الناس بتبعت ميل (بريد اليكترونى) انجليزى تطلب منك شغل واللى يغيظ ان نسبه متقلش عن 50 % مش بتعرف انجليزى كويس تقرا اللى هما باعتينو تقعد تضحك, والله مشاريع فى الرى والطرق والصرف الحى للمحليات يعنى المقاولين اللى هينفذوها مقاولين بلبده ويكون منزلين مستندات المشروع بالانجليزى عنظزه فاضيه وفارغه على الفاضى يعنى الناس فاهمه عربى لما تنزلها اللوح والمواصفات وقوائم الكميات بالانجليزى

المشاركة الأصلية كتبت بواسطة ashturbo

بالضبط كدة .

بص هيا قلة زوق ووقاحة منهم يتكلموا بلغة غير مفهومة بالنسبة للآخرين خاصة أنهم في بلدنا ولكن أنت طنش ولا كأنهم موجودين وتجاهلهم على الآخر الا لما يتكلموا أنجليزي وأتنك انت كمان عليهم لما تكلمهم وخلي مناخيرك في السما هيتغاظوا أوي .

والله انا بعمل كده بسيبهم يتكلموا فرنساوى انا بفهم شويه فرنساوى ووسط الخناق والناس عماله تتكلم وفاكرانى قاعد متقطرس اقوم فقعهم كم جمله اعتراضيه على الكلام اللى هما بيقولوا بالانجليزى علشان يفهموا انى فاهم كل حاجه وبقيت اتعمد اتكلم مع المصريين اللى بيتكلموا معاهم فرنساوى بالعربى علشان يحسو شويه

المشاركة الأصلية كتبت بواسطة kareemz

نفس السبب ان معظمنا عامل موبايله انجليزى مع انك لو شفت موبايل حد المانى تلاقى لغته المانى .. فرنساوى تلاقى لغته فرنساوى.
دى حاجه اسمها فقدان الانـتـماء

انا احييك بشده على موضوع فقد الانتماء ده بس احنا السبب فى كده احنا اقصد الشعب مش كل حاجه الحكومه يعنى انا عن نفسى ابنى لما جيت ادخله مدرسه كان اهم حاجه فيها انها تكون مدرسه لغات ومستوى الانجليزى فيها كويس مفكرتش ان الاهم ان يكون مستوى العربى فى المدرسه متقدم بس الحمد الله المدرسه طلع مستوى العربى ممتاز والولد مستواه ممتاز فى العربى , ثم العربى اساسا خلاص بينقرض مستوى ضعيف فى المدراس التلفزيون والسينما ووسائل الاعلام مستوى اللغه فيها فى انحدار , الفرانكو اراب مبهدل الدنيا , بس هنفضل كده لغايه امتى لازم ناخد موقف على الاقل نبتدى بنفسنا باولادنا بقرايبنا بمعارفنا نرجع نقرى تانى مش مجرد منسيب الدراسه يبقى كل علاقتنا بالقرا ءة هى صفحه الرياضه علشان نشوف الاهلى عمل ايه فى الزمالك او العكس لو انت زملكاوى وبيس بقى يامان

المشاركة الأصلية كتبت بواسطة mahamedaraby

ده كمان والاكبر انك تلقيه مثلا عايز شغلانه امن لعماره وطالب فى الشروط اجاده اللغه الانجليزيه طب هيعمل بيها والنبى هيقول للى طالع well come
دلوقتى اى شغلانه فى الجورنال تلاقيه طالب لغه وكمبيوتر ان شاء الله لو هيشتغل ايه

انت تعرف فى الخليج ان العربيات ال 4*4 عندهم بينزل الكمبيوتر بتاع العربيه بالعربى وكمان تقريبا جميع نسخ الويندز بالعربى واحنا هنا اتحدى اى حد حاطط نسخه وربندز بالعربى

والمشكله الاكبر اننا عشنا مع الانجليز اكتر من نص قرن تقريبا وماتعلمناش انجليزى جاين نتعلمه دلوقتى

ومعلش هو سؤال جانى هو حضرتك شغل فى الشركه تبع مترو الانفاق الخط الجديد

ايون انا شغال هناك , بس موضوع الويندوز المتعرب ده صعب اوى انفر هنا لتبدا والفأره وحاجات كده رخمه

المشاركة الأصلية كتبت بواسطة mahamedaraby

وبتتعامل مع البنك nsgb مش كده :o_stupid[1]:

ووصلت لفين ياباشا مهندس المترو هيخلص امتى

انت شغال فى المترو ولا فى البنك . على العموم المترو المرحله الاولى من العتبه للعباسيه المفروض تخلص 10/2011 المرحله التانبه من العباسيه لشارع هارون المفروض تخلص فى 10/2013