الموضوع: زهقت من الفرنساوى والانجليزي

المشاركة الأصلية كتبت بواسطة khalid_mostafa

شوفوا يا جماعة ..الموضوع مالوش علاقة اوي بالإنتماء..الموضوع وما فيه ان الأنجليزي هو لغة البزنس العالمية وبالتالي المفروض الواحد يكون بيتكلم لغته و لغة البزنس .

موضوع ان الموبيل بالإنجليزي و ان الويندوز بالإنجليزي فده لأن الترجمه فاشله عندنا و بتيجي ركيكه و غالباً مبتفهمش المقصود ايه من الترجمه دي ولذلك الناس بتفضل تسيبها باللغة الأصلية بتاعتها

التفسير الي فات ده بعيد بقي عن واحد/واحده عايز يتكلم انجليزي لمجرد العوجان او ايضاح انه خريج مدارس اجنبية

ok !!

انت عندك حق فى موضوع ان الانجليزى لغه البيزنس العالمى بس مشروع محلى بتعمله فى مصر والمقاولين محليين مستنداته انجليزى ليه , الناس بتبعت لبعضها مراسلات بالانجليزى ليه مع العلم ان معظم الناس مش متمكنه من الانجليزى خاصه لغه المخاطبات , الجميل بقى فى موضوع الاجانب بقى تلاقى الفرنساوى منهم بيعرف فرنساوى( اكيد طبعا ) وانجليزى و عربى وايطالى والمانى واحنا بقى بنعرف عربى مكسر

المشاركة الأصلية كتبت بواسطة mahmoudselim

عادي يا باشا اذا دلوقتي بشوف مصريين بيكلموا بعض انجليزي ودول الخليج دلوقتي تعاملتهم كلها انجليزي ودا شيئ مستفز جدا بصراحة لان اللغة العربية هي افضل لغة علي الاطلاق في كل حاجة (علي الاطلاق) ودا طبعا راجع لان الغرب هما اقوي مننا في كل حاجة (سياسة , صناعة, تجارة ,,, الخ) بس دا ميمنعش انك تحاول علي قدر الامكان انك تتعلم لغتهم وتكلمهم بيها كمان يعني لو تقدر تقد من دلوقتي في كورس فرنساوي تبقي خبطت معلم بصحيح لانك كمان هتستفاد من تواجدهم معاك وتقدر تتكلم لغتهم بطرقة افضل بالممارسة , ليك حق انك تتضايق بس كمان عندك فرصة كبيرة جدا انك تستفاد منهم وهو دا الصح .

معلش هو اية المشروع القومي دا ال انا كمواطن مصري معرفش عنة حاجة؟ّّ!! يكونش قصدك مترو الانفاق الجديد؟

ايون مترو الانفاق الخط الثالث مفخره الصناعه المصريه الفرنسيه , انا ان شاء الله ناوى اخد كورس فرنساوى علشان افهم كويس ولاد التيت دول بيقولوا علينا ايه كل شويه وبرضه مش هكلمهم فرنساوى ان وراهم ان شاء الله لغايه ماخليهم ياكلوا فول من على العربيه زى احمد حلمى فى عسل اسود