زهقت من الفرنساوى والانجليزي
انا شغال فى شراكه مصريه فرنسيه لتنفيذ مشروع قومى كيير ومعظم المديرين اللى عندنا فرنساوين ومن جنسيات تانيه طول النهار بيرطنوا مع بعض بالفرنساوى حتى لو فى حد مش بيعرف فرنساوى وسعات انجليزى قال يعنى مراعاه لشعورنا طبعا المصريين اللى شغاليين فى الشركه دى لو بيتكلموا فرنساوى لما يكون فى حوار بين واحد خواجه فرنساوى ومصريين بيتجاهل المصريين وبيتكلم فرنساوى مع الخواجه ولو عاوز يقول حاجه للمصريين بيقولها بالانجليزى علشان الخواجه يفهم اللى مطهقنى ليه احنا اللى بنتكلم فرنساوى وانجليزى مع العلم بان فى خواجات كتير موجودين بيعرفوا عربى زى القرود ليه بقى احنا بنتكلم فرنساوى وانجليزى وهما مش بيتكلموا عربى احنا اصحاب البلد واحنا اللى بنديلهم مرتباتهم اللى بيروحوا يصرفوها فى بلادهم هل احنا شخصيتنا ضعيفه ولا هما اللى شخصيتهم قويه ولا العربى صعب , تفتكروا لو واحد راح اشتغل فى فرنسا ولا المانيا يقدر يتكلم انجليزى حتى ولا حد بيعبره , ليه بنقبل كده على نفسنا , علشان اكل العيش مر ولا احنا ملناش قيمه الكل بيلطش فينا وخلاص .