يعني الواحد في القاهره يشتري منين سمك و جمبري مش مستورد و مجمد و طلعان عينه؟ اشترينا بربوني من كارفور طلع بلاستيك و مالوش علاقه بالبربوني اللي كنت اعرفه زمان - معقوله لازم نسافر اسكندريه عشان نجيب سمك؟
عرض للطباعة
يعني الواحد في القاهره يشتري منين سمك و جمبري مش مستورد و مجمد و طلعان عينه؟ اشترينا بربوني من كارفور طلع بلاستيك و مالوش علاقه بالبربوني اللي كنت اعرفه زمان - معقوله لازم نسافر اسكندريه عشان نجيب سمك؟
ايوه
لازم تيجي اسكندرية وانا اعزمك علي سمك
لو نفسك فيه
:) يا باشا تسلم - انا اصلا اصلا من اسكندريه لكن المسافات بعدت للاسف - الفكره ان معقوله العاصمه مافهاش سمك مش مستورد؟؟ ازاي؟ معلش هي مش تناكه ولا حاجه بس المستورد دا اصلا الواحد مش بيطمنله مش بس حكاية الطعم.اقتباس:
المشاركة الأصلية كتبت بواسطة 2faster
ممكن حضرتك تجرب سوق العبور بس خالي بالك ان اصلا دلوقتي فيه منع للصيد فلو عايز سمك طازة يبقى مش قبل شهر 9
و فى اسكندريه برده المجمد يا باشا كتير قوى ...... مافيش صيد اليومين دول موقوف .... بس هايبتدوا يصطادوا بدايه شهر سبعه و المراكب ترجع على نص سبعه ان شاء الله
معلومه جديده موضوع وقف الصيد دا - ماكنتش واخد بالي منها - طب و لما الصيد يرجع هل في مكان معين في القاهرة غير سوق العبور معروف انه مش بيبيع المجمد؟ يعني زي الحلقه في اسكندريه كدا ولا مافيش غير سوق العبور؟
يا باشا انت مش تنك و لا حاجةاقتباس:
المشاركة الأصلية كتبت بواسطة casio2000
و انا زيك كده ميعمرش دماغي الا الفرش
انا معرفش غير سوقين:
واحد عند ميدان الجامع و سمكه حلو بس غالي اونطه
وفي سوق تاني في الحي التامن ورا المنهل ممكن تلاقيه رخيص بس انا بطلت اجيب منه عشان حاسس انهم بيصطادوه من المجاري
بالنسبة لسوق العبور انا نفسي اجربه, و احب اسمع من الاعضاء رأيهم فيه لغاية اما الوقف ينتهي
في قناه اسمها فتافيت بتجيب برامج طبيخ أجنبي مترجمه - الست عامله حلقه بتعمل اكلات مختلفه أساسها الجبنه - و بتحكي عادي جدا انها راحت محل الجبنه عشان تجيب الانواع المختلفه اللي حاتشتغل بيها - محل جبنه - محللللل مخصوص جبنننننننه - و احنا في العاشر من رمضان بقالنا تلات اسابيع نجيب الجنه البيضا من أماكن مختلفه و نرميها زي ما هياقتباس:
المشاركة الأصلية كتبت بواسطة dojuar
على فكره مره رحت سوق العبور دا و لما قربنا من العنبر اللي فيه محلات السمك كان حايغمى علينا من ريحه العفن