السلام عليكم
انا اسف جدا عشان عنوان الموضوع مش موضح محتواه اوى لانى هسأل على حاجات متفرقه و مش هعرف اكتب ده كله فى العنوان
المختصر المفيد , هحاول اكتب بطريقه تساعد اللى هيحاول يقرا الموضوع
العربيه لانوس جوليت 2 موديل 2000
اول حاجه :
انا عندى العربيه النور الصغير اللى بينور مع التابلوه بينور الاشارت بس بلون اصفر شكله غبى جدا , مفيش مكان اصلا لنور صغير فى الفانوس , المكان مسدود و لما رحت لكهربائى قالى كده , قالى غير الفانوس بقى عشان حوار الليدات ده
سؤالى : مفيش مكان ابدل منه الفوانيس دى بفوانيس تانيه جديد و ادفع الفرق ؟
او ملهاش حل تانى غير انى اغير الفوانيس ؟
لان الاشارات و هى منوره اصفر كده مع النور ده شكلها زباله الصراحه
------------------------------------------------
تانى حاجه :
العربيه جايه بالجنط الاصلى بتاعها , ناوى اغيره و اجيب جنط مومو بس فى المستقبل مش دلوقتى . ما علينا
الجنظ مخربش و فى حبه صدا كده , عايز اصنفره و ارشه ,
سؤالى : هيتكلف كام الحوار ده و اعمله فين
و هل لو اتباع يجيب مبلغ كويس ولا لأ ؟
------------------------------------------------
تالت حاجه :
انا قريت موضوع تغيير الفرامل فى اللانوس و مش عارف اقول اد ايه انبهرت بيه , لان فعلا العربيه كل صحابى اللى ركبوها قالولى مفهاش فرامل اساسا بالنسبه للعربيات اللى معاهم
( رحت كشفت عليها طبعا و شيكت على كل التيول و الطنابير و الراجل قالى ده الطبيعى بتاع الدايو )
مشكلتى فى الحوار ده بقى , مفهتش اى حاجه منه خصوصا انى طور الله فى برسيمه فى موضوع قطع الغيار , قريت كميه اسامى حاجات معرفش عنها اى حاجه
سؤالى :
فهل موجود فرع لنايل موتوز مثلا اجيلكوا و حد يتولى الموضوع ده من الاف للياء , وظيفتى انى اقف جنبه اتفرج بس
و ده لثقتى فى الناس هناك فعلا من مجرد ردود بعض الاعضاء مثل المبدع
MMamdouh :)
و الموضوع يتكلف كام بالظبط ؟
متأسف جدا للأطاله , لكن كل ما اسأل حد فى حاجه كل واحد يقول كلمه
فقلت انا اسأل ناس فاهمه و عارفه العربيه احسن
شكرا ..
المفضلات