تعاطفوا مع عز

**auto-masters** · 13-02-2008 01:29 AM

المشاركة الأصلية كتبت بواسطة eng_mkhalaf

يا جماعة بما أنى عضو فى مجموعة عز الصناعية واحب أقول أن العلانات دية شر لأبد منة ولازم يعملة لأن دلوقتى احنا فى منعطف الطريق و to be or not to be والتفاصيل مش هقدر أقول عليها بس بالنسبة للمجموعة السنتين القادمين هيفرقوا جامد قوى لو أتلعبوا صح وربنا ييسر الحال

لو سمحت يا بشمهندس؟أنت معانا ولا مع التاتيين؟
يعني أنت بتحب أحمد عز ولا بتكرهه؟
ورايك سعر الحديد كدة طبيعي؟
والسنتين الي جايين هتفرق مع عز بس ولا معاكم كلكم؟يعني بيظبط مرتباتكم يعني ولا اية؟
وأنت بتاخد كام في الشهر؟

***********************
"تم حذف هذا الجزء لتعارضه مع قواعد وقوانين المنتدى-الإدارة"

**casperinoo** · 13-02-2008 01:33 AM

ده اعلانتهم متخلفه قوي ...نقصلنا شويه اد كده ونبقي اقوي شركه في الوطن العربي ....مش فاهم هو عايز ايه.يعني نلم تبرعات ونروح نشتري حديد ...او نطالب بزيادة الاسعار لوضع شركة عز المصريه في المقدمه....ربنا يخده
..برده زي الاعلان بتاعه اللي بيجيب دكتور ومدرب وشوية حجات كده ...وبرده مبفهمش هو عايز ايه

**casperinoo** · 13-02-2008 01:39 AM

المشاركة الأصلية كتبت بواسطة auto-masters

لو سمحت يا بشمهندس؟أنت معانا ولا مع التاتيين؟
يعني أنت بتحب أحمد عز ولا بتكرهه؟
ورايك سعر الحديد كدة طبيعي؟
والسنتين الي جايين هتفرق مع عز بس ولا معاكم كلكم؟يعني بيظبط مرتباتكم يعني ولا اية؟
وأنت بتاخد كام في الشهر؟

:p:p:p:p:p:p:p

ياعم الباشمهندس معانا طبعا...ومالك داخل حامي عليه كده.
..وايه علاقة الشجاعه بالاسئله اللي انت سألتها ..انا شايف ان فيها حجات خاصه من الطبيعي ان الواحد ميقولش عليها

**meza** · 13-02-2008 01:56 AM

بالراحة شوية يا أستاذ أوتو :)

المهندس خلف ... طول عمره معانا
كمان إنت شكلك ماصدقت لقيت حد من عز تقوله كل اللى جواك :D

كلنا شايلييين بجد من الشركة دى ........ لكن العتب على اللى سمحلها توصل للمرحلة دى .... و طبعاً إنتوا عارفين مين ;)

الراجل مهما راح أو جه برضه تاجر عاوز يكسب و مش هيشبع و لو أخد فلوس البلد كلها ..... و أكيد مش هيقول لأ حرااااام دول غلابة المصريين دول .....

**hazem_khidr** · 13-02-2008 04:26 AM

طب ايه رايكو نستورد حديد من الصين اكيد حيبقي رخيص
ولا انت مش معايا يا محمد يا خلف :):):)

**TAG_Turbo0** · 13-02-2008 11:10 AM

مين الى رخص
النهارده فى الشركه كانو بيقولوا وصل 5200

**Powert** · 13-02-2008 02:09 PM

سعر الحديد وصل حتى الان 5100 :(:(:(

وقريباً لن يستطيع شراءه حتى الاغنياء لان في اشاعة انوا يوصل ارقام فلكية

بس اللي هيهدي تمنه الشركة الهندية اللي هتعمل مصنع حديد في السويس بس بعد 3 سنين :D:D:D

**Xpert** · 13-02-2008 03:05 PM

عز يتعاطف معانا .. الحديد وصل 4700 و عم عز متربع علي عرش القمه ... و النبي يا عم عز .. اتبرعلي و لو بسيخين .. اتبرعلي باللي تقدر عليه (تحت شعار : عاوز اتجوز يا عم عز) هههه