حاجه غريبه عندى فى الدهان

**Mshawky** · 08-06-2010 02:03 PM

انا كنت الاول متعود كل اسبوع اغسل عربيتى وبنفسى مبثقش اسبها لحد وبعدين قولت بدل بتشمعها ياواد ياشوقى خلاص خليها كل اسبوعين مش مستاهله اهى بتلمع وزى الفل

المهم المشكله ابتدت لما غراب ولا مش عارف عصفوره روقتنى وانا مكنتش مغطى العربيه فمن ساعتها كل امغسل العربيه واشمعها واعملها بوليش كمان احس ان فيه حاجه فى الصاج مكان الحاجه عصفوره مش عارف ليه وكأن مكانها موجود بس ممسوح

وحاجه كمان لما ببص على عربيه زى بتاعتى فى اى معرض ونفس لونها بلاقى ان الاسود هناك اسود اسود مكتوم
عندى بقيت حاسس ان الكابوت بالذات فيه زى خطوط خفيفه كده هى مش تجريح طبعا بس كانى عاملها بحته زفره مثلا

فمش مرتاح انا لشكل العربيه مش عارف ليه فانتو ايه رايكو هل فى مشكله فى حاجه ولا ايه ؟

مع العلم ان غسلى للعربيه اخره مياه بس او مياه بشامبو اطفال كمان وعلى طول مغطيها وغير معرضه للشمس

**Conspirator** · 08-06-2010 02:41 PM

للأسف فضلات الطيور بيكون فيها مواد كيماوية بتاكل الدهان وبتسيب مكانها بقع

انا كمان فى حمامة روقتلى حته فى الباب من ساعتها بقيت اول لما الاقى حاجه من دى على العربيه امسحها على طول

**mastr_n** · 08-06-2010 03:06 PM

ممكن اعرف عربيتك لونها اية؟

**Mshawky** · 08-06-2010 03:14 PM

المشاركة الأصلية كتبت بواسطة mastr_n

ممكن اعرف عربيتك لونها اية؟

اسود

**mastr_n** · 08-06-2010 03:30 PM

المشاركة الأصلية كتبت بواسطة Mshawky

اسود

بجد اللون جامد جدا بس للاسف حساس جدا جدا جدا انا بس مرة واحدة عيل ابن ستين تيت كنت واقف فى اشارة ولسة هاطلع من الاشارة لاقيتة طار على الكبوت ومعاة حتة فوطة زفرة مش باينة من التراب الى عليها ويدوبك لسة بقولة امش ياد
بس للاسف كان خدها واحدة ومن ساعتها بحس ان الكبوت عامل دواير مكان المسحة الى عملها يالا الحمد لله

للاسف الاسود اشيك لون بس عايز محافظة غير عادية انا حتى ما بقيتش اودى العربية البنزيمة تتغسل انا بقيت اغسلها بنفسى وجيبت شامبو اتنين فى واحد شامبو وشمع اسمة فورميولا وان جامد هايعجبك جربة
وبعدين حاول تغسل بسفنجة وتنشف بفوطة قطن ناعمة جدا وجرب كدة هتلاقى فرق ان شاء الله انا عربيتى سوداء زيك

**Mshawky** · 08-06-2010 03:38 PM

المشاركة الأصلية كتبت بواسطة mastr_n

بجد اللون جامد جدا بس للاسف حساس جدا جدا جدا انا بس مرة واحدة عيل ابن ستين تيت كنت واقف فى اشارة ولسة هاطلع من الاشارة لاقيتة طار على الكبوت ومعاة حتة فوطة زفرة مش باينة من التراب الى عليها ويدوبك لسة بقولة امش ياد
بس للاسف كان خدها واحدة ومن ساعتها بحس ان الكبوت عامل دواير مكان المسحة الى عملها يالا الحمد لله

للاسف الاسود اشيك لون بس عايز محافظة غير عادية انا حتى ما بقيتش اودى العربية البنزيمة تتغسل انا بقيت اغسلها بنفسى وجيبت شامبو اتنين فى واحد شامبو وشمع اسمة فورميولا وان جامد هايعجبك جربة
وبعدين حاول تغسل بسفنجة وتنشف بفوطة قطن ناعمة جدا وجرب كدة هتلاقى فرق ان شاء الله انا عربيتى سوداء زيك

بالزبط الله ينور عليك انا عندى الدواير مكان الفوطه ديه فمتغاظ منها اوى ومش عارف ليه اصلا ؟

**أبو_يوسف** · 09-06-2010 02:36 PM

الدواير دي ممكن تروح بالبولش او الكومباوند على ما اعتقد

**NoRmAl** · 09-06-2010 03:17 PM

المشاركة الأصلية كتبت بواسطة conspirator

للأسف فضلات الطيور بيكون فيها مواد كيماوية بتاكل الدهان وبتسيب مكانها بقع

انا كمان فى حمامة روقتلى حته فى الباب من ساعتها بقيت اول لما الاقى حاجه من دى على العربيه امسحها على طول :o_stupid[1]:

فعلا على فكره مخلفات الطيور دى لازم تتشال فورا وبسرعه
دى مؤذيه جدا جدا جدا للطلاء
فلازم لو بتركن تحت شجره مثلا مفيش مفر أنك تغطى العربيه
فطبيعى الى حصل دا يا شوقى وللأسف مفيش ليها حل الحته دى
بس حاول بعد كده تشيل الحاجات دى فورااااااا

**aromr** · 09-06-2010 07:42 PM

فضلات الطيور والثمر المتساقط من الشجر من اخطر الحاجات اللي بتاثر على دهان العربية

يجب عدم ترك اي اثر ومسحه فورا

تشميع العربية ممكن يحمي من تاثير الفضلات دي بس لازم تتمسح برضه