عرض للطباعة
:confused::confused::confused:محتارة جدا محتاجة عربية ضروري لظروف شغلي فالقاهرة وسكني فالشيخ زايد وامكانياتي فحدود 55000 وعايزة عربية ما افكرش اعمل فيها حاجة قبل سنتين ع الأقل نصحوني كتير باللانسر او النوبيرا بس حقيقي محتارة جدااااااااا ياريت لو تقولولي رأيكم بسرعة اي عربية منهم تتحمل المشوار يوميا وتكون مريحة وتكاليفها ومصاريفها أقل:eek::eek::eek:
اولا اهلا بيكى عضوة معانا فى المنتدى
ثانيا بالنسبة لموضوع العربية فانتى موضحتيش الاتى:
1 - هل انت اتعملت السواقة و لا لسه حاتتعملى
2 - هل انتى عايزاها مستعملة و لا ممكن تدفعى ال 55 الف مقدم و تقسطى الباقى
3 - انتى عايزاها مانيوال و لا اوتوماتيك
لو انت فعلا بتقارنى بين الاثنين دول بس انا رأيى الشخصى خليك فى اللانسر 98 -99 لو مانيوال
بس المهم انك تكشفى على الرعبية كويس و ما يكونش ملعوب فيها كثير ( فابريقة بالكامل على قدر الامكان + كيلومتر قليل + شاسيه من تحت سليم + كبس موتور كويس )
و ربنا يوفقك
أولا أهلا بيك معانا فى نايل موتورز
ثانيا أنا من رأيى نوبيرا طبعا أكبر وأقوى وأريح من الانسر لكن فى نقطة مهمة
انت بتقولى ان شغلك فى القاهرة وسكنك فى الشيخ زايد والنقطة دى فى صالح الانسر عشان 1300 واستهلاكها للبنزين أقل من النوبيرا لأن النوبيرا 1600 فانت لو حاطة فى اعتبارك استهلاك البنزين فالانسر تبقى أفضل عشان 1300 واستهلاكها حلو فى البنزين لكن يعيبها عن النوبيرا :
أضيق وأخف يعنى مش ثابتة زى النوبيرا بعد 120 كم وموتورها أقل قوة من النوبيرا
وفى نقطة كمان من حيث أسعار قطع الغيار طبعا معروف ان اليابانى أسعاره أغلى من الكورى فكذلك الوضع بين الانسر والنوبيرا حيث ان النوبيرا قطع غيارها أرخص من الانسر
لكن الاتنين قطع غيارهم ممتازين ومعمرين
لو مش حاطة فى اعتبارك نقطة استهلاك البنزين وعايزة عربية قوية ومريحة يبقى النوبيــرا
الخلاصة:
العربيتين كويسين وممتازين وانا أرشحلك نوبيرا
احنا بنتكلم فى مستعمل يبقى لازم تتوقعى انك حتصلحى حاجات فى العربية فى اى ةقت... و بالتالى العربية الافضل هى العربية اللى حالتها احسن بغض النظر عن الموديل و النوع
العربيتين عامين كام الف؟
النوبيرا مانيوال ولا عادة؟
العيوب الموجودة فى كل عربية؟ (حاجات عايزة تتصلح و البائع قالك عليها)
مطلوب فى كل واحدة كام؟
سواقتك كويسة ولا لا؟ (النوبيرا عربية كبيرة و ممكن تكون صعبة شوية عليكى)
MMamdouh
اشكركم على سرعة ردكم واحب اوضح للجميع نقطتين اولا انا كان معايا عربية طلعت رووووووووووووووحي واخيرا بعتها وللأسف كرهتني فالسواقة فكنت باعتمد على زوجي فمعظم المشاوير ودي حاجة مش عملية خالص.
الحاجة التانية اني كنت كويسة فالسواقة بس من سنة ما سوقتش خالص يعني هاجيب من الأول . كمان العربيات اللي بادور فيها ولقيت سعرها كاش مناسب لانسر99 اوتوماتيك ب55 الف ونوبيرا 2002 56 الف لحد 58 حسب الحالة واوتوماتيك
سؤال كمان من فضلكم العربية بتعمل متوسط كام الف كيلو فالسنة لو استعمال معقول وبالنسبة لحالة اي عربية انا ان شاء الله مش هشتري غير لما ارفعها في التوكيل واخد عنها ريبورت
بلاش نوبيرا اوتوماتك...خ لليكى فى المانوال
النوبيرا اكبر من اللانسر فا ممكن تكون اصعب فى السواقة لكن متورها اقوى و حتستحمل المشورة و التكيييف لكن طبعا على حساب البنزين
اللانسر قطع غيارها غالية مقارنة بالنوبيرا او الدايو عموما بس النوبيرا ليها مشكلتين كدة مقرفين شوية ممكن تواجهى واحدة بس منهم لو سواقتك كويسة
فكرتى فى لانوس؟؟
MMamdouh
ايهاب حضرت معك لانسر ممكن تقوللي هي مانيوال وللا اوتوماتيك وياريت كمان لو تقولي عيوبها للعلم
لا للأسف مافكرتش في اللانوس باحس انها واطية شوية وبصراحة ما ركبتهاش قبل كده مش عارفة هلل هي واسعة وهارد ووركر وللا لأ
بتختلف... فيه ناس بتقول 10000 فى السنة بس الموضوع مش كيلوات بساقتباس:
المشاركة الأصلية كتبت بواسطة rona
ممكن ال 10000 دول اتعملوا على طريق سريعو اللى سايق حاطت خامس و مريح الموتورو بالتالى ال 10000 دول مبيهروش الموتور
و ممكن واحد سواقته كلها جوة البلد و العشرة كيلو بيقطعهم فى ساعة زى حالاتى و بالتالى ال 10000 كيلو يقابلوا 100000 ساعة الموتور كان داير فيها
و ممكن تكون عربية ايجار و ملعوب فى عدادها
الاضمن حد يكون ثقة يفحص العربية كويس و يفضل يتقاس كبس الموتور و يتكشف على شايسة و حوض العربية لبيان اذا كانت اتخبطت خبطة جامدة و لا موتورها ضعيف او كدة
MMamdouh
وايه مشكلتين النوبيرا؟ سمعت عن وادة منهم جلب العجل الأمامي بتتاكل بسرعة صح وللا فيه تاني لو فيه تاني يبقوا 3 مشاكل وربنا يستر
واحدة منهم جلب المقصات و احس حل لحد دلوقت تغيير المقصات بالكامل بمقصات اسبانى
المشكلة التانية اللى ممكن متحسيش بيها هى الفرامل و دى مبتبنش الا فى الجرى الجامد و استعمال الفرامل بعنف... لو سواقتك عاقلة مش حتحسى باى حاجة
المشكلة التالتة هى الرشاشات بس العبد لله لقى ليها حل قاطع و مبقتش مشكلة خالص
MMamdouh
انا هارفعها فالتوكيل قبل ما اتفق ع الشراء ان شاء الله والمفروض ان الريبورت هيوضح حالتها بالظبط بس مش عارفة هل هيوضح كبس الموتور واللعب فالعداد وللا لأ
ليه بلاش اوتوماتيك فالنوبيرا؟
اللعب فى العداد حيبان لما نقارن حالة العربية بالعداد... يعنى مينفعش عربية عاملة 20000 كيلو فقط و يكون كرسى السواق عايز ينجد و هابط و طارة الدركسيون و كاوتش الدواسات متاكل و الرسومات اللى على دراع النور و المساحات ممسوحين
برضة وجود الحاجات دى جديدة نوفى فى عربية عاملة 150 الف يحسسك ان العربية اتغير فيها حاجات عشان يبان شكلها كويس و هى بتتباع و ما خفى كان اعظم
ممكن تروحى محطة كالتكس ناصية عباس العقاد و النحاس و هما بيقيسوا كبس الموتور و بيعملوا تقرير عن العربية و كذلك محطة موبيل اللى فى الطيران (بعد تقاطع الطيران و النصر فى اتجاة السابع)
MMamdouh
وايه الرشاشات دي بصراحة مش عارفاها يا أخ ممدوح وشكلك كده الحل اللي لقيته انك لغيتها خالص
حصل مشاكل كتير مع ناس قبل كدة و مبيتصلحش... بيتغير بواحد استيراد و الموضوع مش رخيصاقتباس:
المشاركة الأصلية كتبت بواسطة rona
اعتقد انتى مش عايزة وجع الدماغ دة :)
MMamdouh
صح افادكم الله واشكرك على نصايحك الغالية يا ممدوح وياريت لو فيه اي حاجة تيجي ع بالك فالموضوع ده توضحها لي اكون شاكرة لك جدا
always at your service
MMamdouh
بصي انا عن نفسي افضلك لانسر 99
اولا ثابتة جدا مش خفيفة ولا حاجة
استهلاك بنزين معقول جدا
موتور تحفة ومعمر والعداد بتاعها ديجتال فصعب يتلعب فيها مش زي الانالوج
قطع غيار كويسة
واسعة مش ضيقة بس مش زي النوبيرا
ولو ماشية لحد 150 الف كم وخدي باللك هايكون عداد مظبوط تبقى كويسة وصاحبي لسه جايبة واحدة
99 ماشية 140 ب 54 الف
النوبيرا كبيرة عليكي و 1600 استهلاك البنزين هايبقى كتير خاصة ان مواتير الدايو مش موفرة في البنزين
لا افضلها تماما بعد 100 الف خاصة في شوارعنا الجميلة
والاولا واخيرا حالة ثم حالة
1000 شكر كريم على نصيحتك الغالية هتخليني ارجع افكر زي الأول في اللانسر
بصى يا ستى
انا عربيتى لانسر كريستالة موديل 99 مانيوال و كنت شاريها مستعملة و كانت عاملة 54000 كم و كان معظمها فابريقة
انا دلوقت عامل بيها 80 الف كم و غيرت فيها مساعدين اماميين و دول سعرهم فى السوق زى سعر النوبيرا
و غيرت طبعا السيور ( دينامو و كاتينة و باور و بلية الكاتينة و اويل سيلات جموعة الكاتينة )
اسعار قطع الغيار فى السوق ممتازة ، و بالنسبة للتوكيل اغلى شوية طبعا بس انا وصلت لقناعة تامة انى ادفع اغلى شوية و اجيب الاصلى و اركبه فى التوكيل احسن من ميكانيكى مش متخصص و يبوظ قطعة الغيار و يبوظ العربية
انا مقتنعة تماما بموضوع اني اروح التوكيل لو فيه حاجة عايزة تصليح او تغيير خصوصا ان فالعربيات زي ما بيقولوا الجديد رخيص لأنك بتغيره مرة واحدة بأصلي ومش هتفكر فيه تاني غير ما تروح تغيره استيراد او مستعمل وكل شوية يرجع نفس العيب بس عايزة اسألك عندك فكرة عن اللانسر الاوتوماتيك وهل فيها مشاكل؟
بالنسبة للاوتوماتيك مفيهاش مشاكل بالنسبة للانسر بس هى حاتبقى ضعيفة شوية على الموتور 1300 سى سى
بالنسبة للنوبيرا سمعنا ان ناس كثير كانوا بيغيروا الفتيس كله و العربيات جديدة فما بالك بمستعمل
رأي شخصي..
اللانسر سواء كانت مانيوال ولا اوتوماتيك.. افضل ليكي..
انتي مش محتاجة مواتير علشان تشدي ولا تجري ولا الحركات دي..
محتاجة استهلاك بنزين قليل .. و في الموضوع ده اللانسر تكسب..
قطع غيار اللانسر علي فكرة لو مكانتش قريبة قوي من اسعار النوبيرا هتبقي اغلي بحاجة بسيطة قوي..
غير انها علشان ياباني هتكون قطع غيارها معمرة عنها..
عربية ناعمة وزي الفل..
نصيحتي خليكي ف اللانسر..
وربنا يوفقك..
1000شكر وطبعا رأي حضرتك في الاعتبار
رأيي الشخصي الزيرو ثم الزيرو...و في الفئة دي عندك البردوا كليسا أوتوماتيك...مش هايصرفي عليها حاجة غير البنزين و الزيت لمده 3 - 4 سنين....و مابتسهلكش بنزين خالص....و في نفس الوقت صغيرة و عمليه و مناسبة للمدن و سواقتها سهلة جدا جدا
انا معايا لانسر 99 اتوماتيك و وصلت بيها ل130 ألف
أى سؤال انا تحت امرك
العربية ثباتها حلو جدا
استهلاك البنزين 10.5 كم/لتر داخل المديتة و 13.5 علر سرعة ثابتة 90-100
قطع الغيار الأصلى غالية بس محترمة
كلامك صح و غلطاقتباس:
المشاركة الأصلية كتبت بواسطة rona
صح اننا نركب قطع الغيار الاصلية حتى لو غالية لان الغالى رخيص و الغالى تمنة فيه و القطع الغير اصلية مش بس حتبقى اقل كفائة من الاصلى لكن ممكن تسبب مشاكل و اضرار فى قطع تانية و بالتالى كلامك صح اننا نجيب الاصلى
الغلط فى جزئية التوكيل لان اولا التوكيل بيبيع قطع الغيار اغلى من برة بكتير... مثال على كدة حساس TPS كان فى التوكيل ب 185 و برة ب 125 و هو هو بالمللى و دة طبيعى لان لو الوكيل باع بسعر المحلات او اقل منها محدش حيشترى من برة و محدش حيتاجر في قطع غيار العربية دى اساسا
الجزئية الاهم هى المصنعية اللى فى المتوسط بتبقى 100 جنية فى الساعة و دة رقم كبير جدا... لو اخدنا فى الاعتبار ان صيانة 40000 فى الدايو شاملة سير كاتينة و شداد و سيور دكييف و دينامو و بوجيهات و فلاتر الخ الخ و بتتحسب الصيانة دى انها بتاخد 6 ساعات... يعنى 600 جنية مصنعيات غير بتاع 30% زيادة فى قطع الغيار... حرام جدا خصوصا فى عربية برة الضمان و ماشية 6 او 7 سنين... عند الميكانيكى الصيتنة دى بتتكلف من 80 الى 120 جنية بالكتير اوى
الحل هو شراء قطغ الغيار الاصلية من تاجر كويس مبيبعش مضروب و عمل الصيانات عند ميكانيكى محتر اما قصة التوكيل دى فا صرف فلوس على الفاضى
MMamdouh
نسيت اضيف ان من كام سنة واحد صاحبى جاب لانسر 99 كانت عاملة 32 الف و طلعنا بيها مارينا كل اسبوع لمدة شهرين الصيف و عملنا بيها 10000 كيلو فى الشهرين دول
العربية كنا بنمشى بيها و التكييف شغال و على الاقل فيها 3 اشخاص بشنطهم و العربية شغالة زى الفل... اللانسر بتستحمل كويس
MMamdouh
1000شكر يا جماعة بجد افدتوني كتير وادعو لي الاقي حاجة مناسبة
بالمناسبة.. في عربية لانسر كريستاله هنا في النتدي للبيع..
لو نويتي علي لانسر خلاص توكلي علي الله وشوفيها..
وخلي حد من الناس الجامدين بتوعنا ف المنتدي هنا يبصلك عليها..
بس تقدر يااستاذ ممدوح تدلنى على ميكانيكى وكهربائى كويس للانسر اوتوماتيك اواى حد بيفهم فيها كويس انا ساكن فى الهرم بس مش مشكلة اى مكان ممكن نحاول نروحله لانى بصراحة متابع تعليقاتك وبتدخل عى مواقع اجنبية وبسم الله ماشاء الله فاهم كويس فاذا عارف ناس كويسة قولنا نروحلهم لانى جايب واحدة اوتوماتيك 96 وعايز اعملها صيانة واشوف حالتها
والله انا أرشح لك الانسر . بس المهم انها تكون عربية حالتها نظيفة . انا معايا لانسر 2001 أتوماتيك 1300 وعامل بيها لغاية دلوقتى 150000 كم والحمد لله العربية زى الفل . وبالنسبة ليكى 1300 مش قليل والعزم هيكون كويس حتى وانتى مشغلة التكييف . ومن ناحية قطع الغيار : صدقينى الفرق بينها وبين الكورى مش كتير قوى بس معمرة جداً .
راى شخصى : اتوكلى على الله وهاتى لانسر أحسن
انا مش عندى حصر بميكانيكية اليابانى لانى مش متعمق فيه اوى بس فى المنطقة عندنا واحد بيشتغل فى اليابانى (معظمة لانسرات) و كورى و ناس كتير شكرت فيه بس انا شخصيا مجربتوش... لو عايز ممكن تبعتلى على الخاص و انا اديلك العنوان بالتفصيلاقتباس:
المشاركة الأصلية كتبت بواسطة ابراهيم
اما الكهربائى فا انا بتعامل مع واحد كويس فى الدقى له برضة فى الكورى و اليابانى لو تحب ابعتلك تفاصيل المكان على الخاص
MMamdouh