اسبيرانزا 620

**Dr MNM** · 08-06-2010 02:29 PM

السلام عليكم دة تقييمى لاسبيرانزا 620 بعد 3500 كيلو و قبل صيانة 5000 كيلو
العيوب 1) من يوم ما جبت العربية من المعرض و الشنطة كانت بتعلق ساعات فى القفل و بمرور الوقت بقت تعلق فى الفتح من الريموت و يوم الجمعة كنت فى المطار بالقاهرة و حلفت ميت يمين ماهى قافلة اجيبها كدة اجيلها كدة استحالة و رجعت طول السكة من القاهرة لطنطا بشنطة مفتوحة طبعا كنت متضايق جدا و قلت فى عقلى ياواد فى داهية دة كالون شنطة مايساويش اربعين جنية بس بصراحة انا بحب ابقى دقيق فى التفاصيل يعنى لو دة عيب ظاهر يبقى ما خفى هو اعظم المهم فى التوكيل كان كل الموضوع مسمار القاعدة مش مربوط كويس فى ثوانى ظبطة و بفت الشنطة اكتر من رائعة و سلسة جدا من غير تغيير كالون
2)تزييق الكرسى هو مش واضح اوى بس انا قولتلكوا انى مابعديش اى هفوة فى عربيتى و هاروح لسروجى كويس و اعرفكوا النتجة
3)المشكلة الكبرى حدفة يمين بتبتدى بسيطة و هوبة العربية تطير منك يمين روحت لواحد مشهور فى طنطا خمس ايام متتالية و بردوا ماتحلتش
روحت لتوكيل بريدجيستون الراجل قاسها على الكمبيوتر قاللى فى عجلة مقدمة عن عجلة ممكن يتعملها زرجينة فى التوكيل بس الاحسن تسيبها على وضع بلادها لان كل موديلات الاسبيرانزا فيها العيب دة طلعت من عندة على التوكيل المهندس ضحك و قاللى مافيش الكلام دة و ادانى ميعاد يوم الخميس يرفع العربية و يشوف اية المشكلة و بصراحة معاملتهم فى التوكيل اتحسنت اوى اوى
ماعدا ذلك العربية اكتر من رائعة فخمة جدااااا شيك جدااااا مريحة و ثابتة و قوية جدااا انا فعلا بستغرب انها فى السعر دة
وشكرا

**hemaa_82** · 09-06-2010 07:57 AM

ربنا يباركلك فيها ان شاء الله

**max_ziro** · 12-06-2010 09:57 PM

ربنا يباركلك فيها اخيرا حد من ملاكها معانا فى المنتدى
طبعا بعد ما تظبط الحجات دى عايزين تقييم بيقى شامل كامل متفحص متحمبص لانها سعات بتوزنى و خصوصا ان سعر اعادة البيع ليها حونين ف دة بيخلينى افكر فيها ..

**evram** · 13-06-2010 04:59 PM

يعني انا دلوقتي محتار هي ولا تيجو 2000 الفخامة ولا العلو و بعدين احب اسال حضرتك سوال اية مشكلة السخونة سمعت انة ممكن تجيب وش سلندر

**faragalla** · 28-06-2010 01:31 AM

المشاركة الأصلية كتبت بواسطة evram

يعني انا دلوقتي محتار هي ولا تيجو 2000 الفخامة ولا العلو و بعدين احب اسال حضرتك سوال اية مشكلة السخونة سمعت انة ممكن تجيب وش سلندر

مشكلة السخونه بتكون بسبب ترموستات الحراره اللى فى الكوعه و ده بيتغير ب 70 جنيه و غير كدا العربيه زى الفل و احسن من التيجو و ده فى رائيى اشخصى

**evram** · 28-06-2010 01:56 AM

يعني اخلي والدي يشوفة لانو عايز يديني ال 516 و يجيب واحدة تانية و محتار مابين تيجو و 620 او كومودو

**faragalla** · 28-06-2010 02:03 AM

الكومودو فيه منها شكاوى كتييير و من الوكيل قطه الغيار فخليك فى الاسبيرانزا اضمن

**hanycapoo** · 28-06-2010 03:38 AM

اوعى والكومودو يا افرام بص فية عربية اسمها رينو داستر انا شوفتها فى معرض اوتو ماك كانت الكاملة منها ب 130 الف عربية شياكة موووووت ونظيفة وتوكيل محترم خش على اليوتيوب وشوف الفيديو بتاعها وربنا يوفقك duster