-
دليل اعطال التيجو + m11
الى كل الاخوة برجاء المشاركة من اصحاب السيارة فقط واضافة اى اعطال حدثت للسيارة
الهدف الرئيسى هو وجود دليل سهل وواضح يتيح لباقى الاعضاء الاستفادة من الخبرات السابقة لأصحاب السيارة
برجاء عدم التعليق على أى عضو سواء بشكل جارح أو غير جارح - بمعنى انا داخل علشان اتعلم حاجات فى عربيتى - أو انى افهم مشاكل العربية الللى هاشتريها وعليه مش عايز أضيع وقت فى قراءة مشاركات ليس لها اى قيمه غير انها بترفع الضغط وتحرق الدم فقط
برجاء عدم المشاركة بأى مشكلة لم يتم محاولة حلها بعد
برجاء فى حالة الاستفسار عن اى مشكلة عدم التتطرق الى مشاكل اخرى
لا توجد اى مشكلة فى تكرار العطل أكثر من مرة - بل يفضل اعادة كتابة الاعطال فى حالة تكررها مع الاعضاء - وذلك لتحديد مدى ظهور تلك المشكة بالسيارة - وتحديد اذا كانت سوء استخدام أم عيب صناعة
ارجو من الاعضاء فى حالة الامكانية - تصوير قطع الغيار وطريقة تركيبها اذا أمكن
ارجو من الاعضاء المساهمه فى تحديد النقاط المطلوبة معرفتها فى اى عطل وحله
النقاط المقترحة فى أى مشكلة
موديل السيارة:
أول يد - أو ثانى يد ..... الخ:
عدد الكيلو متر وقت العطل (اذا امكن):
متوسط استهلاك البنزين (اذا امكن):
السعة اللترية:
وصف المشكلة أو العطل :
تكلفة الاصلاح :
تكلفة قطع الغيار ان وجدت :
تحديد مكان الاصلاح (خاصة اذا كان خارج التوكيل):
هل تم الاصلاح ام مازالت المشكلة قائمة:
رجاء من مشرف منتدى الاسبرانز فى حالة وجود أى تعليقات خارج الموضوع برجاء حذفها
ارجو من الجميع المشاركة
-
فكره رائعه اشكرك عليها
انا معايا تيجو 2000 سى سى
عملت بيها 4000 كيلو والى الان الحمد لله كل شئ تمام ومفيش مشاكل
بس انا حاسس ان يوجد فرق بين فتحة السقف والصاج وخايف يسمح بمرور مياه او يعمل بارومه
ولاكن لا توجد اعطال الحمد لله
وهتابع الموضوع الرائع
-
فكرة جميلة ...
معايا اسبيرانزا تيجو 1600 - 2010
الحمد لله عاملة 4850 كيلو وكله تمام باستثناء...
عند الكيلو 3400 تم تغيير غطاء الرداتير وكوليهات خراطيم المياه عشان كان فيه نقااط ميه لما أركن والمياه الخضراء كانت بتنقص بسرعة غريبة.
والحمد لله والشكر لله كلوا تمام حتى الآن
-
انا معي تيجو 1600 عامله 5000 والموتور بيسقف
-
صباحكوا زي الفل ان شاء الله
موديل السيارة:m11
أول يد - أو ثانى يد ..... الخ:أول يد
عدد الكيلو متر وقت العطل (اذا امكن):
8000 .زنة خفيفة في الشكمان احيانا"تم الموافقة من الضمان علي وصلة امامية علشان سوستة الشكمان"
10000 . غربلة مع الفرامل البسيطة احيانا " تم طلب طنابير امامي علشان فيها ريجة خفيفة-عيب تيل علشان ناشف جدا-"
متوسط استهلاك البنزين (اذا امكن):
جوة البلد 11لتر لكل 100 كيلو
علي السفر مش اكتر من 7.5 لتر لكل 100 كيلو
السعة اللترية:1600
وصف المشكلة أو العطل :فوق مع العداد
تكلفة الاصلاح : مجاني علي الضمان"الكشف و التركيب ان شاء الله"
تكلفة قطع الغيار ان وجدت :مجاني علي الضمان" وصلة شكمان و طنابير"
تحديد مكان الاصلاح (خاصة اذا كان خارج التوكيل):صياناتي كلها في ابو غالي طمان باي
هل تم الاصلاح ام مازالت المشكلة قائمة: مرحتش اركب و مكسل بس العيوب غير مؤثرة لحد دلوقت "12000 كيلو "
-
باشكر كل الاعضاء على المشاركة خصوصا الاستاذ هيما لرده المنظم جدا
رجاء من اجمل ناس فى الدنيا لو فيه حاجة ناقصة فى البيانات المطلوبه عن العربية فى الاعطال نبعت لمشرف القسم علشان يزودها بحيث فى النهاية يكون فيه شكل ثابت لوصف العطل وحله
أرجو عمل مواضيع منفصلة لل m11 وال 516
برجاء من مشرف القسم مسح مشاركتى بعد فترة حتى يكون الموضوع للمشاكل وحلولها فقط
-
موديل السيارة: تيجو 1600 (موديل 2010)
أول يد - أو ثانى يد ..... الخ: اول يد
عدد الكيلو متر وقت العطل (اذا امكن): 1200
متوسط استهلاك البنزين (اذا امكن): متوسط 10لتر/100كم
السعة اللترية: 1600
وصف المشكلة أو العطل : عضة فتيس وتربيط عفشة
تكلفة الاصلاح : على حساب الضمان
تكلفة قطع الغيار ان وجدت : على حساب الضمان
تحديد مكان الاصلاح (خاصة اذا كان خارج التوكيل): جوة توكيل تكنوسيرفس 2
هل تم الاصلاح ام مازالت المشكلة قائمة: بالنسبة للفتيس نوعا ما اما العفشة فمازال هناك مشكلة
-
عندى سيارة m11 اسبرانزا وضعتها على جهاز كشف اعطال وتم تسجيل كود رقم p 1612 ارجوا معرفة العطل
-
انا اول مره اشوف الموضوع من سته سنوات
ليه ماكملش
-
حتي الان لقيت الاتي
When you check Chery Tiggo car engine light came on code P1612 the reason should be Engine Light ON (or Service Engine Soon Warning Light). However Chery manufacturer may have a different definition for the P1612 OBD-II Diagnostic Powertrain (P) Trouble Code. So you should chech it on our car models.
Content Relevant URLs by
vBSEO 3.6.0 PL2