بيجو 505 ولافيات 132

**islambana** · 12-02-2008 03:44 PM

بسم الله الرحمن الرحيم

السلام عليكم ورحمه الله وبركاته
هذه اول مشاركه لي في المنتدي لقد نويت شراء سياره وقد قررت ان اختار من احد النوعين البيجو505 1600سي سي او ال132 1600 سي سي
اود معرفه ايهما اكثر ثبات علي الطريق وارخص في قطع الغيار واسهل في عمرته ويتحمل السفروماهي متوسط اسعارها عندما تكون بأفضل حاله حيث اني من مقيم في الصعيد واسافر شهريا الي القاهره مسافه 500 كيلو وماهي الفروق بين البيجو 505 وال 504

اسف علي الاطاله

**hazem_khidr** · 12-02-2008 09:29 PM

اهلا و سهلا بيك اخ عزيز
ال505 موتورها 2000 سي سي و ليس 1600 و هو نفسه موتور ال 504
من ناحيه التحمل و الثبات ف ال 505 اقوي بكتير من ال 132
لكن اسعار قطع الغيار لو اصلي بالتاكيد حتبقي اغلي
لكن لو اتكلمنا علي الاعتماديه يبقي ال 505 تكسب بجداره بس لو حالتها نضيفه

**islambana** · 12-02-2008 11:47 PM

مشكوور يا حازم بيه بس علي الرد معلش هتغبك معايا امال ايه الفرق بين ال505 موديل الثمانينيات التي تباع ب 35 الي 45الف وال 505 موديل التسعينيات والتي تباع ب 60000جنيها ومشكور مقدما

**fahd_628** · 13-02-2008 12:52 AM

انا رأى بيجو 505 عربية تحفة بجد

و فية موديل على ما اعتقد منها اسمة طيارة اعتقد هوة دة الأغلى

**hazem_khidr** · 13-02-2008 03:20 AM

العفو يا اسلام باشا.
الفرق كله فرق موديل كل ما بتعلي بالموديل كل مما التمن يزيد.
يعني من موديل 80 الي 86 نفس الشكل
من اول 86 تم تغيير لتابلوه و بقي اشيك بكتير و دا بيسموه تابلوه طياره لانه عريض اوي و شكله تحفه الصراحه.
و بتبقي معظمها بجنوط سبور شكلها رصين جدا و فرش الابواب متغير و الجرايد و المريات و الاكصدامات و الفوانيس الخلفيه.
لكن نفس العفشه و الموتور علي ما اعتقد
ما عدا ال sti كانت بموتور 6 سلندر 2500 سي سي .
كنت عمل موضوع في بيجو عن ل 505 فيه معلومات كتير عنها حاول تبحث عنه و تقرأه

**Meedo** · 13-02-2008 08:39 AM

طبعا بيجو505 بدون تفكير

**amgad29** · 13-02-2008 09:16 AM

اخونا العزيز الأستاذ حازم كان عامل موضعين رائعين عن السيارتين اللي بتسأل عنهم و ده اللينك بتاعهم:

http://www.nilemotors.net/Nile/showthread.php?t=480

http://www.nilemotors.net/Nile/showthread.php?t=168

اعتقد هتلاقي كل اللي بتسأل عنه فيهم

**TAG_Turbo0** · 13-02-2008 09:27 AM

505 من غير كلام
بس مفيش 505 1600 كلها 2000

**Xpert** · 13-02-2008 02:16 PM

ال 505 قطع غيارها غاليه .. ال 504 قطع غيارها غاليه قوي .. الفرق بين ال 505 ال تمانينات و التسعينات زي ما اتقال كده .. و فيه اختلافات بسيطه في العفشه و الموتور كمان .. و خد بالك ان فيه كمان 505 تسعينات بتاعه وجيه اباظه .. هاتلاقي الغطاء بتاع التنك الناحيه التانيه و غطاء التنك ماشي مع السوكه ..
عموماً لو انت بتدور علي حاجه استخدام شاق هاتجيب 505 .. لو بتدور علي حاجه استخدام كويس تجيب يا 132 او دوجان ..

**islambana** · 13-02-2008 07:01 PM

انا متشكر جدا علي الردود الجامده دي ومش عارف من غيركم كنت عملت ايه علي فكره انا منزل موضوع الاستاذ /حازم علي جهازي بس لو في صور توضح الفرق بين العربيتين وهي ثابته لغايه سرعه كام ومشكورين مقدما