عاجل جدا : مرايه الصالون سقطت فجأه

**semsem8100** · 08-06-2010 04:33 PM

فجأه وأنا جاى أركب العربيه ( صنى 2010 ex أوتو ) وجدت مرايه الصالون اللى ملزوقه فى البربريز الأمامى ساقطه فى دواسه العربيه مش عارف أسوق من غيرها حد يعرف ممكن تتلزق أزاى تانى وهو أنا علشان أروح التوكيل لازم يكون فى ميعاد الصيانه ولا ممكن أروح فى أى وقت لو حسيت أن فى حاجه مش مريحانى أنا عملت صيانه الالف فى أبو غالى بس بصراحه ماستريحتش أوى حسيت أنهم بيعملوا كده مشى حالك فبقول اروح مودرن أبو رواش قريب منى أظبط شويه حاجات ويعلموا موضوع المرايه ده بالمره .العربيه عامله 2000 ك حتى الان ولا أيه رأيكم

**samsong** · 08-06-2010 05:47 PM

طبعا روح لهم واعمل كل الملاحظات وربنا يوفق ولا تقلق انا حصلت معي بس عملتها بره عند واحد بتاع زجاج مشهور وانا واقف علشان الوقت

**أبو_يوسف** · 08-06-2010 06:08 PM

اعملها بسيليكون افضل من اللزق الأنبوبتين عند اي حد بتاع زجاج ب 5 جنيه
بس اتأكد ان مكان المراية في الزجاج سليم لان المنطقة دي بيبقى لونها اسود ولو لاقدر الله فيها شرخ ممكن مايبانش..
لو في حاجة اطلع على التوكيل انت لسه في الضمان..

**Ahmed.TV** · 08-06-2010 09:46 PM

فعلا فى لزق سليكون مخصوص عشان تلزق بيه الزجاج او اى حاجة على الزجاج هو ده اللى حيظبطلك الدنيا

**heshamzaky** · 08-06-2010 09:49 PM

يا باشا العملية سهلة اى محل بتاع زجاج سيارات تديلة 5 جنية و هو بيلزقها اللزق الى بيحطة ما بيفكش الا لو لا قدر الله كسرت الزجاج علشان تفكة

**semsem8100** · 08-06-2010 11:57 PM

ياريت الاخ samsong يقولى على بتاع الزجاج اللى أنت عملتها عنده

**Bishoy.Girgis** · 09-06-2010 12:21 AM

المشاركة الأصلية كتبت بواسطة ahmed.tv

فعلا فى لزق سليكون مخصوص عشان تلزق بيه الزجاج او اى حاجة على الزجاج هو ده اللى حيظبطلك الدنيا

+10000000000000000000

**أبو_يوسف** · 09-06-2010 09:55 AM

انت ممكن تعملها بنفسك طالما مفيش عندك حد بتاع زجاج..
- هاتفك قاعدة المراية وتنعمها كويس من بقايا اللزق القديم أو بقايا الزجاج.. والموضوع دا عايز صاروخ أو مبرد
- تحط شوية سليكون اسود على القاعدة(ممكن تجيب انبوبة صغيرة على اد استخدامك) وتسيبه شوية وبعدين تحط القاعدة على الزجاج وتلزقها بشريط سيلوتب لمدة يوم
- تاني يوم تركب المراية في القاعدة بتاعتها..

ملحوظة: في انواع تانية بتلزق غير السيلكون زي الانبوبتين وكدا بس انا بفضل السليكون لان الحاجات التانية بتكون جامدة ولو لاقدر الله وقعت المراية بتقع بجزء من الزجاج نفسه

**heshamzaky** · 09-06-2010 10:11 AM

على فكرة يا جماعة اللزق الى عند بتاع الزجاج انبوبة صغيرة زى بتاعت الاوهو فى الحجم و لزقها جامد جدا جدا بس لازم فعلا تشيل اللزق القديم من على الحديدة بتاعت قاعدة المرايا و الانبوبة دى اعتقد ب 5 جنية بالكتير