ياااااا حلااااوة....ضبط لحوم ودواجن وأسماك فاسدة بمطعم "مؤمن"

**أحمد علاء** · 10-06-2010 10:15 AM

المشاركة الأصلية كتبت بواسطة eng.geo

هو مش المفروض اتقفل ؟
انا لسة كنت جنب لفرع اللي في تريامف وكان فاتح

شكرا لتنبيهك
عايز بس أوضح مش أعارض
انا كان قصدي كلمة معاكسة
يعني هو المفروض يبقي مطعم كويس ..... ولكن طلع عكس كدة
بس عشان كدة قلت عكس كلمة مؤمن
ولو كان مؤمن ده انسان بتكلم عنه مكنتش قلت كدة عشان ده هتبقي كلمة في وش انسان مهما كان هو
ومرة تانية شكرا ليك

وانا اعلم انك لا تقصد ولا اشك في نيتك فأنت إنسان محترم ولا ازكيك على الله
ولكن كما يقال خانك التعبير بالضد ولقسوة اللفظ أثرت ان انصحك وقد تم.
جزاكم الله خيرا على تقبل النصيحة بصدر رحب
في حفظ الله

**SunSet** · 10-06-2010 11:22 PM

المشاركة الأصلية كتبت بواسطة pro_samir

يانهار ملوش ملامح انت بتتكلم بجد ؟ !!!

و الله أعلم مين اللي كل باقي الفار !

مكلتوش عندة غير مرة واحدة مكانش متنضف اصلا بيسيبوة باللبابة بتاعتة !

هو ايه اللي باللبابة ده ؟

**MRBEBO** · 11-06-2010 02:38 PM

المشاركة الأصلية كتبت بواسطة muslima

هو ايه اللي باللبابة ده ؟

بتهيئلي يقصد الشريط الاسود اللي في بطنه

**aymanemo** · 11-06-2010 02:57 PM

copy from Alyoum Alsab3:
يا جماعة آل مؤمن ناس متدينين جداً وعلى خلق ودى مجرد شكوى كيدية من موظف اخطأ فى حق شركتة وتم عقابة وقدم هذه الشكوى نكاية فى الشركة والموضوع كلة مجرد تكهنات والحمد لله ان واثق ومتأكد بنسبة 100% ان مفيش حاجة زى كدة حصلت وانتم يجب ان تعرفوا ان مؤمن شركة مصرية 100% والمستفديين من جراء اثارة هذه الاشاعات معروفين (وهى شركات منافسة اجنبية) ودة غير بعض المتطرفين دينيا اللى بيحبوا يشوهوا صورة رجال الاعمال المصريين المسلمين على وجة الخصوص ويارب يكون عندنا وعى ومنصدقش كل اللى يتقال ونقول جميعا للى يقول كدة نحن على ثقة بأن مؤمن فعلا مؤمن

**MRBEBO** · 11-06-2010 03:11 PM

المشاركة الأصلية كتبت بواسطة aymanemo

copy from alyoum alsab3:
يا جماعة آل مؤمن ناس متدينين جداً وعلى خلق ودى مجرد شكوى كيدية من موظف اخطأ فى حق شركتة وتم عقابة وقدم هذه الشكوى نكاية فى الشركة والموضوع كلة مجرد تكهنات والحمد لله ان واثق ومتأكد بنسبة 100% ان مفيش حاجة زى كدة حصلت وانتم يجب ان تعرفوا ان مؤمن شركة مصرية 100% والمستفديين من جراء اثارة هذه الاشاعات معروفين (وهى شركات منافسة اجنبية) ودة غير بعض المتطرفين دينيا اللى بيحبوا يشوهوا صورة رجال الاعمال المصريين المسلمين على وجة الخصوص ويارب يكون عندنا وعى ومنصدقش كل اللى يتقال ونقول جميعا للى يقول كدة نحن على ثقة بأن مؤمن فعلا مؤمن

يا راجل حرام عليك مؤمن ايه بس

انت مشفتش الردود هنا شكلها ايه ... ده لو على الردود اللي في الموضوع ده بس مفروض يتحرق مش يتقفل

مؤمن اكله مش مظبوط من زمان ومعظم اللي كانوا بيكلوا عنده قطعوه لعدم نضفته

**Abdo_Eldesokey** · 11-06-2010 04:00 PM

من زمان كل الناس مش بتطيق مؤمن ده وكله بيفضل كوك دور عنه

بس أنا بردوا مقدرش أبطل Fast Food ، بس بقيت أختار الأماكن الي آكل فيها

أحكيلكوا على موقف مش هتصدقوه

عندنا في المنصورة مطعم اسمه Panda لسه فاتح قريب ، ما شاء الله مطعم أكله رائع وأصحابه قمة في الاحترام

اتصلت بيه مرة أطلب دليفري ، فطلبت واحد هوت دوج سوري ، الراجل قالي طب تحب حضرتك تجرب حاجة تانية مكانه ، قلتله : هوا مفيش ولا إيه ؟ قالي لأ موجود بس ده بنجيبه جاهز من برة ومش عارفين معمول ازاي ، لكن عندنا برجر لحم بلدي إحنا الي عاملينه وواثقين من اللحمة بتاعته ، الصراحة الموقف عجبني

ده إلى جانب إنه أول مطعم في حياتي أشوفه مطبق المقاطعة ، مفيش بيبسي كله سبورت وشويبس ، حتى الكاتشب مش هاينز وجايب نوع تاني

وأنصح كل المنصوراوية يجربو المطعم ده

**M.Elsheikh** · 11-06-2010 05:49 PM

حسبى الله ونعم الوكيل

**misoalex** · 12-06-2010 05:11 AM

من مصدر موثوق منه من داخل مطعم مؤمن

كل الى انتم بتاكلوه فاااااااااااااسد ولو شفته قبل ميطلع ليك فى الصوره النهائيه مستحيل تاكل بره تانى

حتى السلاطات بتبقى بايظه وبيضربوها فى الخلاط ويحطو عليها الاضافات بتاعتهم

**Raul_7** · 12-06-2010 06:03 AM

كله زي الزفت واللهِ..

مين اللي قال Mac كويس!! هي ده لحمة أساسا!! ده شوية عك في عك, وبصراحة أنا خلاص قاطعته خالص لإنه فعلا مبيعملش حاجة غير إنه يدمر البطن مش أكتر.

على فكرة mac بيتعامل مع فراجلو وأنا واحد معايا في الشغل كان بيشتغل هناك بيقولي بلاش تاكل من mac وقعد يقولي اللحمة بتعدي على مراحل غريبة وبتتحط في مية عشان تنفش وكلام بصراحة...حاجة تقرف.

بالنسبة لمؤمن و KFC دول مكلتش منهم بقالي بتاع 5 سنين كده.

Cookdoor قاطعته من كام شهر كده عشان من سيء لأسوأ, ويا سلام لما كلمت بتاع خدمة العملاء, ما شاء الله عليه حافظ مش فاهم, خلاني قفلت وقلت باي باي Cookdoor.

Hardees بحالات

Prego يعني...مش قد كده برده.

الوحيد اللي كلت منه من فترة وحسيت إني كلت لحمة فعلا كان Burger Joint.

............................

على فكرة أنا جعت, هقوم أروح المطبخ آكل جبنة بقى. :)