أخواننا المصطافين أحذروا شوارع الإسكندرية مراقبة بالكاميرات في الصيف

http://img411.imageshack.us/img411/8806/1250zn.jpg

أكد اللواء عادل لبيب محافظ الإسكندرية أن المحافظة انتهت من تركيب شبكة مراقبة تليفزيونية متكاملة لكافة الميادين وشوارع الإسكندرية.

وأكد لبيب أنه لا يمكن للمواطن التعرف على مكان الكاميرات أو الزوايا الخاصة بالتصوير، وذلك لرصد الأحداث على مدار اليوم خاصة الحوادث وحالات التكدس المروري التي تتطلب التدخل العاجل.

وأضاف محافظ الإسكندرية في تصريحات لصحيفة "المساء" الثلاثاء أن الكاميرات التي تكلفت نحو 68 مليون جنيه ستغطي الكورنيش والشوارع الرئيسية والميادين وتربطها بغرفة عمليات المحافظة.

وأشار لبيب إلى ان السعة التخزينية للكاميرات والشبكة التليفزيونية المتصلة بها إلى ثلاث سنوات.

الخبر منقول من كونتاكت كارز .

عشان محدش يقول أحنا مقولناش وأسكندرية تنور بيكم وأن شاء الله الجميع يقضي أجازة سعيدة .

اسكندرية منورة باهلها

يعنى هتصور وانا بالمايوه :36_1_58[1]: يافضحتى

ده على أساس إن المصايفين هم بس الليي بيعملوا حوادث على الطريق و مخالفات

اقتباس:

---

المشاركة الأصلية كتبت بواسطة mohamedrefaay

اسكندرية منورة باهلها

---

تسلم يازوق .

اقتباس:

---

المشاركة الأصلية كتبت بواسطة mahamedaraby

يعنى هتصور وانا بالمايوه :36_1_58[1]: يافضحتى

---

هههههههههه ولا يهمك الراجل ما يعبهوش مايوهه .

اقتباس:

---

المشاركة الأصلية كتبت بواسطة muslima

ده على أساس إن المصايفين هم بس الليي بيعملوا حوادث على الطريق و مخالفات

---

لا يافندم على أساس أنهم مايعرفوش وبنحذرهم عشان مايصرفوش فلوس الأجازة كلها مخالفات .

اقتباس:

---

المشاركة الأصلية كتبت بواسطة muslima

ده على أساس إن المصايفين هم بس الليي بيعملوا حوادث على الطريق و مخالفات

---

ههههههههههههههههههههههههه ههههههههه
لا بس هما يعتبروا مصدر دخل كبير للمرور
يعني مثلا لو 3 عربيات مركونين في الممنوع وفيهم واحده ملاكي اسكندريه
حتلاقي العربيتين التانيين متكلبشين وهي مش متكلبشه
المصيف مزنوق وجاي يقضيله كام يوم ويمشي فحيدفع زي الباشا
انما اهل البلد ممكن يرخموا ويسيبوا العربيه يومين في الكلابش
وشوفتها مره في لانوس ملاكي اسكندريه علي رصيف الكورنيش
فضل يومين بالكلابش ولا في دماغه واللي مش عاجبه يتحرق
-----------------------------------------
بس ربنا يستر وزي ما بيطوروا البلد يطوروا العقول اللي بتتعامل بالتطوير ده

مش مسامحينكم في الفلوس اللي بتهبشوها مننا واستقصادنا في الرايحة والجاية :36_1_61[1]:
السنة اللي فات اخدنا مخالفة عشان الزجاج كان فيها حتة شرخ صغيرة

اقتباس:

---

المشاركة الأصلية كتبت بواسطة mahamedaraby

يعنى هتصور وانا بالمايوه :36_1_58[1]: يافضحتى

---

ههههههههههههههه
انزل باليل :F_eyeb1[1]:

اقتباس:

---

المشاركة الأصلية كتبت بواسطة نور القمر

مش مسامحينكم في الفلوس اللي بتهبشوها مننا واستقصادنا في الرايحة والجاية :36_1_61[1]:
السنة اللي فات اخدنا مخالفة عشان الزجاج كان فيها حتة شرخ صغيرة

---

ههههههههههههههههههههههههه ههههههههههههههه
اول مره اسمعها دي
وكانت تحت مسمي ايه ؟؟؟؟
كمان معروف ان القاهريين اغنيا يا نور
يعني بتيجي تصيفي وتدفعيلك 15 ولا 20 باكو في كام يوم
فلازم المرور ياخد حقه منك
هو الاسفلت والرمله اللي بتمشوا عليهم وترموا عليهم بواقيكم دي ببلاش؟؟؟

ركبوا كاميرات ب 68 مليون ... مش كتير شوية ؟؟؟

طبعا انت قصدك 10 او 15 باكو من فئة البريزة
المخالفة كانت تحت مسمى الامن والمتانة لكن واقعيا كانت تحت مسمى الهبش وانتهاز الفرص والاستقصاد
وغيرنا الزجاج واتشرخ تاني يعني لو جيت السنة دي تاني هناخد نفس المخالفة

تحت مسمى ( أمن ومتانة ) أهي غلاسة ورزالة على خلق الله وخلاص .

اقتباس:

---

المشاركة الأصلية كتبت بواسطة نور القمر

طبعا انت قصدك 10 او 15 باكو من فئة البريزة
المخالفة كانت تحت مسمى الامن والمتانة لكن واقعيا كانت تحت مسمى الهبش وانتهاز الفرص والاستقصاد
وغيرنا الزجاج واتشرخ تاني يعني لو جيت السنة دي تاني هناخد نفس المخالفة

---

مانا لسه بقول أهو هي غلاسة من الظابط وفي نفس الوقت سرقة ومتخافيش أي مخالفات أمن ورزالة بعد كدة عندنا ولا يهمك وصيفي وأتبسطي .

اقتباس:

---

المشاركة الأصلية كتبت بواسطة ashturbo

تحت مسمى ( أمن ومتانة ) أهي غلاسة ورزالة على خلق الله وخلاص .

---

هي مش امن ومتانه دي فيها سحب رخص وفحص وتاخد رخصك تاني بعد الفحص؟؟؟
مفيهاش تصالح فوري علي ما اعرف

اقتباس:

---

المشاركة الأصلية كتبت بواسطة shnory

هي مش امن ومتانه دي فيها سحب رخص وفحص وتاخد رخصك تاني بعد الفحص؟؟؟
مفيهاش تصالح فوري علي ما اعرف

---

ماهو أي حاجة قبل قانون المرور الجديد مكانش فيها تصالح فوري لكن بعد القانون الجديد بقا فيه سرقة فوري .

مضطرة اعترف بالسر مرة في طريق الصعيد الصحرواي اخدنا نفس المخالفة على نفس الشرخ تصالح فوري ب 50 جنيه
لكن في اسكندرية سجل المخالفة عنده وقالنا عشان الشرخ بس معرفناش كام
نمر الجيزة ضايعين في النص بين الصعيد واسكنردرية والكل مستقصدنا

اقتباس:

---

المشاركة الأصلية كتبت بواسطة نور القمر

مضطرة اعترف بالسر مرة في طريق الصعيد الصحرواي اخدنا نفس المخالفة على نفس الشرخ تصالح فوري ب 50 جنيه
لكن في اسكندرية سجل المخالفة عنده وقالنا عشان الشرخ بس معرفناش كام
نمر الجيزة ضايعين في النص بين الصعيد واسكنردرية والكل مستقصدنا

---

أنتي متأكدة أن كان شرخ بس ؟

أصل مرتين في شرخ واحد دة يبقى شرخ فقري وسرة باتع .

هو فعلا شرخ سره باتع فعلا لان الظابط في المرتين قال عشان شرخ الازاز
وقولنا نغير الازاز جات حصوة في الجديد شرخته بنفس الطريقة

اقتباس:

---

المشاركة الأصلية كتبت بواسطة نور القمر

هو فعلا شرخ سره باتع فعلا لان الظابط في المرتين قال عشان شرخ الازاز
وقولنا نغير الازاز جات حصوة في الجديد شرخته بنفس الطريقة

---

آة دة كدة في واحد سرة هو اللي باتع وأدى العربية عين محترمة .