الموضوع: الرياضه فى حياتنا

المشاركة الأصلية كتبت بواسطة casber

انا كل يوم بجرى لمدة 30 دقيقة وبمشي لمدة 20 دقيقة والمسافه الاجماليه حوالى 5 كليو
وانا محافظ على الموضوع ده من حوالى سنه تقريبا

ما شاء الله ..لا قوة الا بالله
ربنا يديمها عليك نعمة و يحفظها من الزوال ..قول اااامين .
انا كل فترة اسخن و اجري و اروح الجيم .. و بعدين تيجي زنقة شغل ..هوووب ..كل اللي عملته يقع ..
انا بقيت بطيخة .. و داخل علي مرحلة الكرنبة.

للاسف زى ما اتوقعت ، احنا شعب مش رياضى بدليل ان حصة الرياضه فى حياتنا تكاد تكون زيرو
وده اكبر غلط ، ليه تلاقى الامراض بتفترس الشعب المصرى بدرى
يعنى تلاقى الواحد لو طلع الدور الرابع ينهج
ده غير الامراض المزمنة اللى بتفترس الشعب


والله ياجماعه انا فتحت الموضوع ده علشان احمس الناس للرياضه وعاوزها تبقى جزء من حياتهم لان المحافظة على الصحة واجب وحس عليها ديننا الحنيف

انا كمان شويا هعمل موضوع عن كيفيه البدء فى ممارسه الرياضه ، ازاى تقوى ارادتك وعزيمتك لحد ما توصل لحاجه بيسموها الادمان الرياضي
وتبقى ممدمن للرياضه ومتقدرش تستغنى عنها نتجية المورفين الطبيعى اللى بيفرزه الجسم بعد النشاط البدنى
واللى بيسبب حاله الاسترخاء بعد النشاط البدنى

وبعاادين انا عاوزكوا تمارسوا الرياضه علشان الرياضه وبعد كده اى حاجة ثانويه ممكن تظبط
يعنى الكرش ، الوزن الزياده