Gents
In the below I have took this morning car accident photos on the ring road.
I was told there was no fatality, thank God.
NO COMMENTS
الله خير حافظ
عرض للطباعة
Gents
In the below I have took this morning car accident photos on the ring road.
I was told there was no fatality, thank God.
NO COMMENTS
الله خير حافظ
لا حول ولاقوه الا بالله
من الواضح ان سواق المينى باص هوا اللى غلطان تلاقيه كان ماشى بسرعه كبيره والطريق واقف ومالحقش يفرمل فنط على العربيات اللى قدامه واستقر على اللانسر
ربنا يسترها معانا كلنا ويكفينا شر الطريق .. الواحد من كتر السفر على الطريق بيبقى مرعوب من اللى ممكن يحصل فى اى لحظه وربنا هوا اللى بيسترها
لا حول و لا قوه الا بالله
صوره بشعه بجد
ربنا يسترها مع الجميع
لا حول ولا قوة الا بالله
الماتريكس و الانسر اتعجنو
لا حول و لا قوه الا بالله
يارب اكفينا شر الحوادث دي وابعدنا عنها يارب
الحوادث دي يومية ........... بقيت حاجة تقرف
السواقين ميعروفوش غير الدوس على الزفت دواسة البنزين بس مع الزفت التاني الكلاكس
يارب الناس تدخل جهنم و تعمر فيها علشان الناس الغلابة اللي بتموت في الحوادث دي
..................
الشرطة عليها مسئولية كبيرة في وقف ذلك النزيف اليومي على الطرق المصرية
رخص بتطلع بكل سهولة و بدون أدنى معرفة لمتطلبات القيادة
جهل مروري واضح و صريح لدى غالبية السائقين المصريين
استهتار فظيع من كافة السائقين المصريين إلا ما رحم ربي
و حسبي الله و نعم الوكيل
يارب أحشر الناس على جهنم و يارب اللي بيجري يعمل حادثة لوحده و يغور في ستين داهية و إن شاء الله في جهنم معمر فيها بإذن الرحمن
-------------
سواقين ميكروباص ..... الشباب اللي فاكر نفسه شوماخر ........ سواقين النقل اللي بيسابقوا بعض ....... الستات اللي سواقتهم تفقع ........
يعني الواحد مش عارف يعمل أيه بس .............. بقيت حاجة تقرف بجد و ممغصة لحياة الواحد أنه يخرج الصبح و مش عارف هو يرجع قطعة واحدة على البيت أم مفتت مثل التونة و يتم دفنه مفتت مع سيارته التي تتمزق مثل الورق
السلام عليكم..
انا بس حبيت انقل لكم صورة كاملة عن الحادثة دي..
اولا المينيباص ده من بتوع شركة ايمكو ترافيل اللي ماسكين موظفين فودافون ف القرية الذكية.. وانا كنت راكب باص زيه بالظبط.. الباص ده كان جاي من المعادي..
اللي حصل يا جماعه كان كلأتي:
سب الكارثة ميكروباص الترامكو ابن حلال فرمل فجأة علشان تقريبا كان في حد بيعدي من قدامه.. فرمل لحد ما مقف..وراه كان في فيرنا فضي.. ووراها البولو الفضي دي..
الباص فرمل لحد ما مقف من غير ما يخبط في حد.. الظاهر ان اللانسر اللي ورا الباص كان سرحان ولا نايم..دخل سرعتة الله اعلم بقي ملحقش يفرمل ولا فرمل وزحف.. خبط بس في الباص..
دخل ورا الباص الماتريكس.. ومن وراها العربية المصفحة بتاعت نقل الفلوس دي..
الله اعلم بقي مين اللي غلطان.. سواق اللانسر ولا مين.. بس اللي انا عارفه ان اللي ورا هو اللي بيبقي غلطان حتي لو ربنا مقدر انه ملحقش يفرمل او عربيته زحفت..
المهم الاصابات:
في زميلة في الباص ده اتخبطت بس علشان وقعت علي الارض ف الباص عند السلم كده.. بس كدمات بس الحمد لله..
في واحد من اللي كانوا ف العربية المصفحة دراعه اتكسر بس علشان في 2 من اللي كانوا معاه ف العربية وقعوا فوقيه.. غير كده تقريبا مفيش اي اصابات..
ودي اهم حاجة ان الحمد لله مفيش وفيات ومفيش اصابات خطيرة..
وربنا يسترها معانا جميعا..
لا حول و لا قوه الا بالله
اعتقد انها حادثة مقصودة عشان يسرقو فلوس العربية المصفحة لكن الخطة فشلت بسبب الزحمة
لا حول و لا قوه الا بالله
اللهم استر طريقنا و طريق كل المسلمين يا رب العالمين.
طبعا سوق الترامكو مش عليه اي غلط الغلط علي اللي ورا كلهم
لا حول ولا قوة الا بالله
أسترها معانا يا رب
النهاردة شفت بعيني وانا راجع مالشغل كيفية تدمير نيسان صنى على يد رجال المرور العظماء كنت فصلاح سالم وفالشارع اللى قبل بنك قناة السويس فى فاول ربع ليه كده حاجز حديدي ماللى بيستخدموه فالكمين والعربيات
النهاردة شفت بعيني وانا راجع مالشغل كيفية تدمير نيسان صنى على يد رجال المرور العظماء كنت فصلاح سالم وفالشارع اللى قبل بنك قناة السويس فى فاول ربع ليه كده حاجز حديدي ماللى بيستخدموه فالكمين والعربيات كلها واقفة يمينه والصنى واقفة شماله وشها للرصيف جم بالونش وقامو رافعينها من ورا لغاية مبوزها بقا بيبوس الأرض وبدأو يتحركو شد فيها والعجلتين اللى قدام مكلبشين مبيتحركوش ملى واحد وعمالين يصرخوا مالشد لغاية معدوها الناحية التانية مالحاجز وسابوها قدام العربيات اللى راكنة بالعرض وقام الظابط نازل وعليه ابتسامة عريضة يسلم على زميله عالانتصار العظيم اللى عمله كنت واقف فأول الشارع قمت ماشى خطوتين للعربية وهما واقفين قربت منها وانا بدعى ميكونش اللى فبالى وفعلا ببص لقيت العربية اتوماتيك بصيت تانى لقيت كمان محطوطة على P ولا حول ولا قوة الا بالله :mad:
ماهو لو كل واحد لم نفسه و هو سايق الوضع هيبقي احسن اكيد
شوارعنا و الله العظيم غير صالحة لمحبي تقفيل العدادات !!!!
مش عارف انا حاسس ان اللانسر من قوة وسرعة العربية دخل تحت الميكروباص
واللي ساعد اكتر الماتركس اللي رشق فيه من ورا
السرعة العالية فعلا كارثة
ربنا يستر
حادثه فظيعه فعلا ...... اللهم احفظنا جميعا
انا شفت الحادثة دى امبارح الصبح بعينى وانا رايح الشغل واتزنقت فيها بتاع ييجى نص ساعة
وكان فيه عربيتين مطافى فى مكان الحادثة
وطبعا كالعادة الناحية التانية اللى مافيهاش اى مشاكل واقفة تماما علشان خبراء الطرق المصرية اللى سايقين الناحية التانية لازم كل واحد فيهم يقف ويتفرج ويملا عينيه ويحلل ويتنقد ويطلع بالفايدة فى الموضوع ،
اللهم اكفنى شر اهل بلدى ، اما حكومتها فقد تعلمت اجتناب شرها بنفسى
[quote=Amr_Moh;166636]Gents
In the below I have took this morning car accident photos on the ring road.
I was told there was no fatality, thank God.
NO COMMENTS
الله خير حافظ[/qu:cool:ote]
يعني الراجل اللي كان في اللانسر ده ...........طلع سليم ؟؟!!
سبحان من بيده ملكوت كل شئ
يا الله والله يا سبعاوي انت جيت على الجرح
انا بقه بتنقط من ام الموضوع ده
يا ربي
تلاقي الطريق واقف وفجأة توصل لنقطه معينه وتلاقي الطريق مفتوح ومتلاقيش في مشكلة طب في ايه يا جماعه
امال العربيات كانت مزحمه ليه في الخلف
تفاجأ ان في الناحيه التانيه واحد واقف او في حادثة او اي شئ
طيب الناحيه دي واقفه ليه متعرفش
ربنا يهدينا
مش عارف ليه داء الفرجه بتاعتنا دي ليه
لا حول و لا قوه الا بالله
من أراد واعظا فالموت يكفيه
حرررررررررررام بقي كل يوم نشوف حوادث زي دي حرام بجد
بطلوا تدوا رخص سواقة بالمحسوبية و الفلوس و للناس اللي مش مؤهلة
شددوا القوانين عل سواقين الميكروباصات
نظموا الشوارع كويس
و الاهم علموا الناس ازاي تمشي بالعربية..
علموهم ان السواقة فن و ذوق و أدب و إحترام
مش تسيبوهم يفتكروا الشوارع تراكات بتاعة رالي!:mad:
و ربنا يحفظنا و يرحمنا و يجعل المشهد ده يقل خالص
________________
http://i204.photobucket.com/albums/b...tyview/car.jpg
لا حول ولا قوة الا بالله
ربنا يلطف بينا