كتاوت طلمبة البنزين

**karimmelegy** · 12-06-2010 12:38 PM

المشاركة الأصلية كتبت بواسطة samirayad

شوف يا أبو حازم

كده الكتاوت مش هو المشكله ولا كونتاكته لادع

وحتلاقى الكتاوت اللى شغال فى الفوجات مش حيسخن برضه معاك ولا حيحصله حاجه

ونور الفوجات حيستمر فى قوته بدون ضعف وأنت منورالفوجات

______________________________

يبقى حتسيب كل كتاوت فى مكانه حاليا زى ماهو طالما العيب مش من الكتاوتات والأثنين سلام

يبقى أيه العيب اللى حاصل معاك حاليا فى دايرة البنزين وبيسخن كتاوت الطلمبه وبالتالى بيضعفه

ويخللى كونتاكت الكتاوت يعمل شرز داخلى (زى بتاع الشراره الخفيفه وبكده كونتاكت الكتاوت مش حيبقى ملمس أوى )

وده طبعا حيأثر على آداء المكنه فى صورة نتشه وضعف سحب لأن الكتاوت حيأثر على شغل الطلمبه فى الحاله دى

______________________________

أنا تقريبا عارف العيب حاليا وهو حاجه من أثنين

1- عيب فى الضفيره اللى بين وحدة التحكم والكتاوت وحتحتاج كهربائى شاطر يكشفلك على الضفيره اللى واصله بين وحدة التحكم والكتاوت ( جايز يكون فيه تلميس بيحصل مع أهتزاز العربيه وهى دايره بسبب جزء عريان من الكبل الواصل بين الكتاوت ووحدة التحكم )

2- العيب التانى بأه وربنا يستر وميكونش هو ده
وهو عيب فى وحدة التحكم نفسها

_______________________

إن شاء الله حيكون العيب البسيط الأولانى

طب مش يمكن يكون فلتر البنزين محتاج يتغير ؟

**samirayad** · 12-06-2010 01:12 PM

طب مش يمكن يكون فلتر البنزين محتاج يتغير ؟

بس مفيش علاقه بين الفلتر وكهربة الطلمبه يا أستاذ : كريم

اللى بيحصل فعلا شرز كهربى ( غير مرئى ) داخل الكتاوت بتاع

الطلمبه وده اللى بيسخن الكتاوت وبيقطع التيار اللى رايح لموتور الطلمبه

وطالما حنودى تيار متقطع للطلمبه

حيبوظ شغل الطلمبه وبالتالى حيحصل التقطيع والنتشه فى شغل المكنه

كما بين أبو : حازم

___________________________

على فكره هو ممكن يشيك تانى على سخونة كتاوت الفوجات فى مكانه الحالى كبديل لكتاوت الطلمبه

لقاه بيسخن برضه

ويراقب برضه كتاوت الطلمبه الأصلى الموجود للفوجات حاليا لقاه حرارته عاديه ومفيش سخونه وزيه زى بتاع الأشعال

مثلا

يبقى تحليلى سليم

إن شاء الله

**otefa** · 12-06-2010 01:20 PM

المشاركة الأصلية كتبت بواسطة mazory

السلام عليكم ورحمة الله
ياشباب اناعندي الكتاوت بتاع طلمبة البنزين بيسخن ممكن يكون العيب في الطرمبة ولا الكتاوت بايظ

علما اني غيرت طرمبة البنزين والمشكلة زي ماهية والعربية بتقطع والسحب تعبان ولو العيب من الكتاوت بيتغير ازاي العربية نوبيرة2

ماهو لازم الكتاوت تسخن ماهو ده وظيفتها الأساسية أن هي الي بتشيل الحمل الكهربائي كله وعلشان كده بتسخن...........يعني علي سبيل المثال مفتاح الفوجات بيبقي راكب علي التابلوه صح وتيجي هنا فايدة الكتاوت(مفتاح كهربائي)مايوصلش الحرارة للتابلوه علشان الحرارة وعلشان مايسيحش بلاستيك التابلوه

**mazory** · 13-06-2010 05:20 PM

انا هروح لكهربائي واجرب كلام المهندس سمير واللهالمستعان
وبالنسبة للحساسات بتهيألي معنديش مشكلة لاني كشفت قبل كدة كمبيوتر وقالي حساس الماب وغيرتة ولمبة التشيك معدتش بتنور ومشكلة التقطيع زي ما هي

**mazory** · 13-06-2010 05:29 PM

ولو الكنترول بايظ اعرف ازاي

**samirayad** · 13-06-2010 09:33 PM

ولو الكنترول بايظ اعرف ازاي

أحنا فى عمليات التفتيش عن الأعطال

بنعتبر الكنترول سليم

لحد مايغلب حمارنا بالبلدى كده فى كل الأتجاهات

نفترض خلاص غلب حمارنا ومعدش فيه أى مصدر أمل

فى الحاله دى كمان قبل ما أشترى كنترول تانى

أجرب كنترول بتاع أى صديق ( معاه زى عربيتى )

أو من أى تاجر أستيراد مثلا

على سبيل التحقق من أن العيب خلاص أنحصر فى الكنترول

نفترض لما جربنا الكنترول ( وحدة التحكم ) اللى محطوطه تحت التجارب

أتعدلت الأحوال وزال العرض

يبقى خلاص كل شىء أنكشف وبان

وأتعرف السبب فى العرض اللى مدوخنا

**mazory** · 14-06-2010 08:43 AM

طيب الكونترولر دة بيتفك ازاي واستحملني شوية يابشمهندس علشان المشكلة دي معايا بقالها 6 شهور من يوم ماشتريت العربية من بورسعيد

**samirayad** · 14-06-2010 03:17 PM

لا ياباشا متقولش الكلام ده

أحنا تحت أمرك ومبنتأخرش عن أى زميل

وحل الكنترول سهل جدا

شوية فيش بيتفصلوا عن وحدة التحكم مش أكتر

زى طريقة فصل الفيش عن الهارد ديسك بتاع الكمبيوتر

على أساس لما بنحتاج نغير الهارد ديسك

بنفصل فيش الهارد الشغال ونحط الهارد التانى مكانه ونوصل الفيش فى مكانها الصحيح

وخلصت

بس طبعا حتكون قبلها فاصل البطاريه وبعد التوصيل للبطاريه

حتعمل أيدل ليرننج كنوع من الأحتياط

أستعدادا لدورة تشغيل جديده

على أساس أنك غيرت مخ التحكم ( أى الكنترول )