شحن البطارية بيفضا لية؟؟؟؟

دايما يا جماعة شحن البطارية يفضى واروح اشحنها وتشتغل يومين تلاتة وبعدين تفضى ومتدورش العربية......الكهربائى وجد الكابل السالب مفكوك من جسم العربية راح ربطة وقالى دة اللى بيفضى الشحن.....مفيش يومين وبردو فضيت؟؟؟؟؟ قاس الدينامو وجدة مظبوط وتمام وبيطلع 15 امبير ومع المروحة بينزلو ل10 امبير قالى الدينامو تمام....ولمبة البطارية مبتنورش خالص وانا ماشى الا فى السلنسية بس ولما ادوس بنزين تختفى"أعتقد طبيعى".............وجلب المارش لسة مخروطة وتمام ....انا بصراحة زهقت من موضوع الكهربا والبطارية دة ....ارجوكو دلونى اعمل اية هل ممكن الكتاوت بتفصل بدرى مثلا قبل الشحن ولا اية؟؟؟...محدش عارف يكتشف اية السبب وكل الكهربائية عندنا فى الزقازيق اى كلام
ملحوظة العربية 128 والبطارية ادلر المانى جديدة بقالها اسبوعين فقط!!!!!!!!!!!

عيب دينامو

ياخى الراجل بقولك انة قاس الشحن يتاع الدينامو ولقاة تمام المشكلة فى نوعية البطاريات
والله اعلم

اقتباس:

---

قاس الدينامو وجدة مظبوط وتمام وبيطلع 15 امبير ومع المروحة بينزلو ل10 امبير قالى الدينامو تمام..

---

يا أخى الراجل بيقولك قاسه لقاه 15 أمبير

وبيقولك كمان حاجه تانيه ....شوف دى كمان

اقتباس:

---

وكل الكهربائية عندنا فى الزقازيق اى كلام

---

اقتباس:

---

المشاركة الأصلية كتبت بواسطة egyptiondr

....ولمبة البطارية مبتنورش خالص وانا ماشى الا فى السلنسية بس ولما ادوس بنزين تختفى"أعتقد طبيعى".............

---

لأ ده مش طبيعي و المفروض ان اللمبة متنورش طول ما انت ماشي بالعربية او حتى واقف على السلانسيه. ده زي ما المهندس سمير قال عيب دينامو.

فى ميكانيكى شاطر قالى عيب دينامو وقالى انا عندى دينامو مستعمل ممكن يركب عندك خدو ركبة مكان بتاعك وجربو اسبوعين تلاتة وشوف "الراجل جدع و عايز يخدم ".....وبصراحة يا جماعة من اول مركبتة فى العربية بتدور حلو غير قبل كدة لكن المشكلة ان الدوارة بتغيب شوية ممكن البطارية عايزة شحن او مية؟؟؟

هى البطارية عمرها اد ايه الاول
لانه ممكن يكون عمرها الافتراضى انتهى زى ماحصل معايا بس الحمد لله مجعلتش حد يفتى فيها بخصوص الدينامو
وهى جافه ولا مياه

السلام عليكم . أرجوك أرجوك يا دكتور تقولى عملت اية بالظبط لانك كانك بتتكلم عنى و انا هنا فى الاسكندرية برضة دايخ على الكهربائية و مش عارف اعمل اية و دة تليفونى 0181681816

العيب في الدينامو وغالباً كلكتور البوبينة بتاعة الدينامو وقاعدة السيلكونات عايزين يتغيروا

العيب اولا في الكهربائي
الله اعلم كده مفيش عربيه تدور وسلك الارضي الي في جسم العربيه مش واصل او مش مربوط كويس يبقي كهربائي يا اما مبيفهمش يا اما بينصب
ثانيا اي حاجه تخلي البطاريه تفضي اما تكون دينامو
او انوار العربيه بتشتغل لوحدها وبتفصل لوحدها
او فيه سريا يعني تسريب في الكهربا
وعند حضرتك في 128 حاله خاصه بانسبه لمروحة التبريد وهي انها بتشتغل والعربيه بارده فاحتمال تكون معلقه او مبتفصلش الا بعد وقت طويل

الفات ده من الاسباب الشائعه الي تخلي البطاريه :36_1_50[1]: