السلام عليكم
انا امامي بيجو 305 بسعر 6500 مو 79 ولكن متردد لان الماتور تعبان
هل السعر ده كويس و هتحتاج اصرف عليها كام علشان أخليها عروسة
أرجوا النصيحة فأنا مبتديء
عرض للطباعة
السلام عليكم
انا امامي بيجو 305 بسعر 6500 مو 79 ولكن متردد لان الماتور تعبان
هل السعر ده كويس و هتحتاج اصرف عليها كام علشان أخليها عروسة
أرجوا النصيحة فأنا مبتديء
ابعد عنها لو حالتها تعبانه
خد معاك ميكانيكي و سمكري حوادث
و استخير
مشكورين يا جماعة
بس انا فى واحد صحبي قالي
أشتري العربية حتى لو المتور تعبان
وغير الماتور بمتور تانى بحوالى 3500 واصرف على العربية بتاع 4000 جنية كمان
سمكرة
دكو
وكهرباء
وتنجيد
وروشنة
هتخليلك العربية ميه ميه
احسن من انك تشتري 128 بـ 14 ألف
هل هذا الرأي صواب
وهل صحيح 305 لو صرفت عليه هتنساها وتستاهل
أنا قرأت معظم المواضيع عن 305 والناس بتشكر فيها وكأنها المرسيدس
وشكراً لكم
6500+3500+4000=14000جنية +1000 تانى زياده فى اى مصاريف للعجز و الزياده =15000جنيه وفى الاخر موديل 79
انا راىء تزود شوية و تجيب 131 احسن بكتيييييييييييييييييييييي ييييييييييييييييييييييييي ير
مجرد راى عشان العربيه دى قطع غيارها غالية على ما اسمع ومش اى ميكانيكى يعرف يستغل فيها بيقولو كده
برضو مجرد راىء
مشكور أخي
انا احب اعلق على شيء فى البداية
انا مبسوط والله من التعاون اللى موجود فى المنتدي ما شاء الله بالرغم من أن معظم المواضيع متكرره بس سعة صدور الأخوة واسعة ومحدش بيبخل على حد بحاجه لدرجة اني لقيت بعض الاخوة مستعدين يقبلوا بعض ويساعدوا بعض
هو ده شعب مصر
رأيك حلو
بس أنا اللى معايا دلوقتي 8000 هجيب العربية وأركنها
وأظبطها حاجه حاجه وكل ما تبقى معاي فلوس أعمل حاجه
ولو أستنيت أحوش فلوس تاني ممكن تتصرف فأنا شايفها فرصه
ولا انت رأيك إيه
ووقفتك على ايد الصنيعية و القرف ووجع الدماغ والعطلة كل ده يساوى كام؟اقتباس:
المشاركة الأصلية كتبت بواسطة ashkef
لو كان الموضوع بالسهولة دي كان صاحبها صرف عليها احسنله و اللى يخليه يفرط فى العربية بالسعر ده و السهولة ديه يأكد انه قرفان منها لو صبرت شوية لحد ما تجمع فلوس كمان و اشتريت حتى 127 احسن بكتيييييييييييييييييييييي ير فى واحد صاحبى باع 127 و اشترى 305 والله ندمان
ما هو ده اللى مخليني أقلق إن أنا أندم بعد كده
اما بالنسبة لموضوع الوقوف على الصنايعية والدوخة ديه أكيد هيجي وقت لآي عربية وهدوخ فيها نفس الدوخه ديه إلا إذا جبت حاجه زيرو
انا اللى قلقني الندم بعد الشراء وكلامك زود الشك اللى عندي وهيخلني أفكر أكتر
وربنا يقدم اللى فيه الخير
انا معاك ان كل عربية هيجى عليها وقت وتقف عليها فى التصليح بس الكلام ده بعد ما تركبها الاولاقتباس:
المشاركة الأصلية كتبت بواسطة ashkef
انما دى انت لسه مركبتهاش فهتقف على تصليحها ليه؟ده صاحبها اشترى دماغه و عاوز يخلص منها
حوادث ايه العربيه عدت المرحله دى....العربيه لاتصلح طبعا وهيتعذب لو اشتراهااقتباس:
المشاركة الأصلية كتبت بواسطة medo84eg
إبعد عنها ايكد صاحبها منزل فى سعرها كده لانه عايز يخلص منها
ولو كان فيها خير مكنش رماها الطير
مانصحكشى تاخد معاك ميكانيكى لإن موضوع الموتور محسوم لإنه مفوت
أنصحك تاخذ سمكرى وهو ده المهم إن العربيه تكون نظيفه من ناحيه الحوادث والخبطات
وأهم حاجه برضه تبص على صالون العربيه من ناحيه نظافته وإنه موش متبهدل
وعشان تحسم الصراع اللى بيدور فى دماغك عند مقارنتها بال 128- هاقولك الفرق حيث إنى ركبت العربيتين
فيه دعاء بدعيه كل ماشوف عربيه 128 تمر من جنبى وهو ( الحمد لله الذى عفانا مما إبتلى به كثير من خلقه )
فلا يوجد مقارنه بين السيارتين
ال 305 قويه وال 128 ضعيفه جدا
ال 305 واسعه وال 128 ضيقه
قطع غيار ال 305 معمره عكس قطع غيار ال 128
ال 305 تستحمل مطبات مصر بكفاءه وال 128 بتتبهدل فيها
لكن لو إخترت ال 305 لازم تعرف إن لها عيوب واللى بتتمثل فى صعوبه صيانتها حيث
قطع غيارها ممكن تدوخ عليها وممكن ماتلاقيش بعضها
موش أى ميكانيكى يفهم فى الموتور - أنا دايما أروح لأحمد عماره فى المشاكل المستعصيه
عايز أقولك إنى بامشى فى اليوم حوالى 70 كم بالعربيه وهى مريحانى وموش بتحتاج صيانه كتير
فيه مقارنه صغيره توضحلك الفرق بين قطع غيار ال 305 وال 128
سلك الدبرياج فى ال 128 كل شويه يتقطع وانت ماشى وتحتاس بالعربيه لان صناعته ضعيفه
سلك الدبرياج بتاع ال 305 قوى جدا وكفايه اقولك انه راكب عندى له 10 سنين بلا مشاكل
الاسطوانه والدسك بتوع ال 128 ما يستحملشى فتره قصيره
انا مغير الاسطوانه والدسك من 100000 كم ولسه ماغيرتش الاسطوانه حتى
يعنى بالمختصر فرق السعر فى قطع الغيار هتكسبه فى الراحه فى الصيانه وموش كل شويه هتروح للميكانيكى
وفى النهايه القرار لك
وأفكرك بضروره تقييم الصالون من ناحيه نظافته من الداخل
وربنا يوفقك
حاجه تانيه عايز اضيفها
سير الكاتينه فى ال 128 لازم يتغير كل 10 الف
فى ال 305 مايتغيرشى الا كل عمره لانه حديد
الكبالن مابتستحملشى كتير فى ال 128
فى ال 305 تعيش سنين - بس هات الفرنساوى
ونتيجه المقارنه دى هتلاقيها فى كل جزء فى السياره لان مستوى جوده الصناعه قى ال 305 أرقى بكثير من ال 128 وإمسك أى جزء فى السيارتين ( مارش - دينمو وغيرها ) وقارن بينهم بمجرد النظر - وهتحس بالفرق
والله كلامك ريح قلبي وطمني
لإني ميال للعربيه لانها عائليه وكتير قالوا لي مفيش وجه مقارنه بينها وبين اي عربيات من جيلها فى ماعد المرسيدس
وانا مكنتش مصدق الكلام ده
ولو قطع غياره غاليه بس ثمنها فيها ده هيبقى افضل بالنسبالي بدل ما اغير كل شويه
انا عزمت واستخرت ربنا وان شاء الله تكون من نصيبي
شكراً لك ولكل اراء الاخوة
بس ليه الناس يأما بيحبو العربيه ويمجدو فيها اوي
يأما يكره العربيه ويذمو فيها اوي
مشفتش حد محايد خالص
وإن شاء الله لو حصل نصيب هصورها وارع الصور بتاعتها
لو تلاحظ اللى بيشكروا فيها اللى يمتلكوها
ماشفتش واحد يمتلكها وزم فيها
واللى بيزم فيها اللى لم يجربها ولكن كلامه بيكون عن سمع
السلام عليكم ورحمة الله وبركاته
صديقى سوف اقول راى بصراحه بلاش تجيب عربيه واقعه من صاحبها لان لو كانت كويسه ماكانش سابها
وبعدين خلى بالك كويس جدا من الشاسيه لان ده اهم حاجه هاتبنى عليها الباقى وتبص على الابواب يعنى تفتح الباب وتبص
على القوائم بتاعة الباب وتبص عليها من تحت بنفسك متخليش حد هو اللى يبص ويقولك لا بص انت واتاكد ان كل حاجه تحت طبيعيه ومافيش لحامات واهم حاجه الاماكن اللى بتشيل حمل العربيه يعنى الشاسيه عند كل فردة عجل لان دى الاماكن اللى بتاخد الخبط كله وآخر حاجه هأقولهالك شرا العبد ولا تربيته يعنى جيبها صالونها كويس وشاسيها كويس وماتقولش انا هاشد دى بعدين وهاشد دى بعدين وتبص تلاقى العمليه جمعت معاك كتير وانت مش حاسس
انت بتقول معاك 8000 أتك على نفسك شويه وأصبر وممكن تجيب حاجه ب 14000 بس رايقه أحسن من الشد وقرفه صدقنى هاتتعب نفسيا وفى الاخر هتلاقى الحاجه اللى اتعملت مش زى ما انت عايز لان مافيش صانيعى بيعمل اللى فى دماغك
ف(صبر جميل) وربنا يوفقك
ابو بلال
أخي أبو بلال كلامك عين العقل
أكيد لازم أخد بالي من الحاجات ديه كويس ولو مش كويسه طبعا مش هشتريها حتي لو بـ 2000 جنية
انا بعد معينتي ليها ومعينة بعض أصدقائي شايف ان حالتها مقبولة من حيث الاساس
أم الدوكو زفففففت
السمكرة هتحتاج سمكرة لبعض المناطق
الصالون هيحتاج تنجيد وفرش
هتحتاج مروحة
هتحتاج طقم دوسات
وعلبة ديركسيون والعدادات
فيما عاد ذلك أنا شايفها كويسه دي نظرتي ليها وانا مش متخصص
لسه هجيب حد متخصص يفهم فى الكهربا والمتور والسمكرة يشوفها
وطبعا هنزل من سعرها على قد ما اقدر على الاقل 5500 أو 6000
نسيت حاجه كمان
الراجل منزل فى سعرها بالشكل ده لإن الماتور بتاعها تعبان تقريبا عمل عمره والميكانيكي طلع مبيفهمش فى البيجو ففى حاجه باظت وهو حالته على قده ومش هيقدر يصرف عليها انا عرفه لانه جارنا
وكده كده انا حاطط فى دماغى اني اغير الماتور بمتور 405 بس لو ينفع العربيه نفس العربية اللى فى التوقيع اللى قبل الرد بتاعك يا أبو بلال توقيع الاخ hesham_shousha فمش عارف ينفع الحوض بتاعها يشيل ماتور 405 ولا لاء ومع إحترامي لكل العربيات انا العربية ديه افضل لانها قريبه من المرسيدس فى شكلها ولو قلنا جوده تمشي
الى الاستاذ الكريم اولا انصحك لما تيجى تشتر العربيه دى لاززززززززززززززم تكون حالتها الداخليه حلوه يعنى مهياش مرشوشه دواخل يعنى تكون فبريكه ولازم عفشتها تكون حلوه بس حضرتك بتقول ان الماتور وحش مانصحكش تشتريها بص دور وحط فى بالك تلت حاجات حالتها الداخليه يعنى متكنش مقلوبه وتكون زيروو من وخه وماتورها حلو وعفشتها حلو وهتلاقى سعرها فى حدود 11 الف وانت بقى روشن عليها من بره جنوط وكده
بص انا شايف انك عايز تشتريها ومش هاتتنازل عنها وانا بقولك ربنا يوفقك ويديك خيرها ويكفيك شرها
بس خلى بالك من الصنايعيه وانت بتشد ها لانهم هايتعبوك وعموما البيجو عربيه جميله وبالنسبه للموتور مش هاينفع تحط ماتور 405 ولكن ماتور 305 برضه بالنسبه لامكانياتك كويس جدا وربنا معاك ولو اشتريتها ماتندمش وكمل وسيبها على الله
اخوك ابو بلال
بس خلى بالك ممكن تفتح معاك اكتر من كده كتير انا عملت سمكرة ودوكوا لعربيتى ب 3 الاف جنية
بص احنا معانا العربيه دى من الزيرو موديل 79 برضه
و ما شاء الله ماشيه و مابتقلش لا ف اى حاجه
سفر - شغل - جرى - روقان - حموله - ما شاء الله دايسه ف كله
حتى و هى مش فايقه مابتقلش لا برضه
و لما العربيه دى بتبقى فايقه و الله بتبقى جميله جدا
و سحبها حلو و مريحه و حماله اسيه
و ربنا يوفقك و يعينك
و ماتنساش تستخير ربنا برضه قبل اى شىء
تقبل مرورى
[QUOTE=beetleMOSH;3872776228]
و لما العربيه دى بتبقى فايقه و الله بتبقى جميله جدا
و سحبها حلو و مريحه و حماله اسيه
/QUOTE]
لما بقا تبقى جميله :mahf(5):
[QUOTE=ahmed_nubira;3872776458]ما هى لو اساسياتها كويسه خلاص مفيش مشاكل هى شوية مصاريف و تبقى زى الفلاقتباس:
المشاركة الأصلية كتبت بواسطة beetleMOSH
انما لو متهالكه يبقى هنا المشكله لانها هاتبقى فاتحه بقها و مش بتبطل مصاريف
و اى عربيه كده مش 305 بس
305 كعربية كويسة جدا فى فئتها بس المشكله فى كونها بيجو او او
المشكلة فى وضع البيع
عربية رخيصة
محتاجة صيانه كاملة
واغلب القطع فيها هتتغير
اكيد بعد الاستعمال القاسي ده هتلاقيها متبهدلة من تحت وفيها شروخ وبرومات واحتمال تكون رشة دواخل وفيها عيوب قاتلة
هو ده اهم مافى الموضوع
روح بسمكرى يكون امين وهو يفيدك
وخد فكرة واشترى بكرة
وقلنا على وصلت له
على فكرة العربية كويسة وقطع غيارها معمرة ومش غالية اوى زى مالناس بتفتى وانا معايا العربية بقالها 4 سنين واعرف مكانيكية بيشتغلوا فيها دة حتى الميكانيكى بتاعى معاه نفس العربية وموجود فى شبرا ولو عايز اى مشورة انا تحت امرك وده رقم تليفونى وكلمنى 0123374762
السلام عليكم
إخواني وأخواتي وبعد مشوار طويل من المباحثات والتساؤلات والجري وراي الميكانيكية والسمكارجيه علشان اجيب حد يشوف العربيه
العربية طلعت كويسة وكله تمام
قلت خلاص 3 اربع ايام واروح اخلص فيها
لقيتها اتباعت
وانا من ساعتها حزين
انا استنيتها وهي مستنتنيش
بس بردوه إن شاء الله هجيب البيجو ومش غيرها
وشكراً لكم على مجهودكم وارائكم
واللى عندوه عربيه بيجو 305 للبيع في سعر من 8 إلى 10 يقولى الله يخليكوا