ارجو الدخول و الافادة بخصوص مشكله فى الاوبترا

**arakysolom** · 09-06-2010 08:18 AM

سيارتي اوبترا 2010 مانيوال حصل معايه حاجة غريبة لم تحدث لي في اي سيارة من قبل ذلك فما حدث انني اثناء سيري بالسيارة علي الثاني و عند عبور تقاطع مرت امامي سيارة فهديت بفرامل و دبرياج و بعد ذلك بدأت في التسارع مرة اخري وجدت السيارة مش بتستجيب و فجاة لقيت العربية بتترجرج و اعطت Check Engine فكبست الدبرياج علي الآخر ومع ذلك فضل الCheck Engine منور لدرجة انني بحسب انها بطلت فدورت تاني لقيتني كنت ححرق المارش و فضلت كده حوالي دقيقةو كنت طول الفترة دي و العربية واقفة و كابس دبرياج للأخر بعد ما شيلت رجلي من علي الدبرياج سميت باسم الله و مورت و فجأة الCheck Engine اختفي ورجعت السيارة طبيعية !!!
بالله عليكم يا شباب ايه اللي حصل معاي ده لأن العربية من ساعة مجبتها متهنتش بفرحة العربية الجديدة معاها

**Nader007** · 09-06-2010 08:29 AM

مافيش حاجة ماتقلقش، انت لما فرملت فجأة الموتور اتلخبط و كان هيطفى العربية عملت معايا كده و هى جديدة

**ramyabdelgawad** · 09-06-2010 08:30 AM

الاول ان شاء اَللًة خير بس انا انصحك تبعد عن اى صنايعى برة التوكيل ماعادا مراكز الخدمة المعتمدة
روح على التوكيل هوما هيكشفوا عليها بالكمبيوتر وباذن اللًة يطمنوك

**dark_smoky** · 09-06-2010 09:53 AM

في التوكيل يحطو العربية علي جهاز كشف الاعطال .. و ان شاء الله بسيطة

**ahmed643** · 10-06-2010 01:26 AM

الموضوع بسيط وبيحصل معايا فى المانوال لما بكون عالتانى واهدى اوى ومديش بنزين كفايه اللمبه بتنور بس لو حضرتك ودست عالدبرياج للاخر وشبعت بنزين هتلاقى اللمبه طفت وبقيت عادى

يعنى الموضوع مش عيب الموضوع من رجلك
فلو حصلت تانى اضغط دبرياج عالاخر وشبع بنزين
ومتقلقش
وافرح بعربيتك ربنا يباركلك

**hmada9009_99** · 11-06-2010 03:27 AM

عادي انا مره والعربيه لسه بارده كنت بضغط على بنزين جامد وكانت العربيه واقفه لقيت امبير سرعه علي ل 70 كيلو مع انا العربيه واقفه والحكايه ديه حصلت معايا مره واحده ومحصلتش تاني خالص حتي بعد ماجربت تاني