انهى افضل يا استاذ ممدوح كدة ال70 ولا ال55
علشان انا حجيب بطارية جديدة واجبها
فارتا ولا ac delco
شكراااااااااااااااااااا
عرض للطباعة
عربيتك بطاريتها كام امبير؟؟
MMamdouh
هات 55... ال70 اغلى على الفاضى و ملهاش لزمة بالنسبة ليك
MMamdouh
مفيش مشاكل حتحصل ولا حاجهاقتباس:
بس مش عارف ممكن تحصل مشاكل لو جبت بطارية 70 امبير او لا
متخفش مفيش حاجه حتحصلاقتباس:
وفى ناس بتقولى الاحسن 70 امبير فانا مش عارف خايف اجبها تحصل مشاكل
بالعكس البطاريه ال 70 حتبقى أفضل معاك
أنا بطاريتى زيك برضه 55 أمبير
وحغيرها ب 70 أمبير المره الجايه
لأن ده أفضل فنيا للسياره
استاذ سمير
بعد اذنك انا ليا رأي مختلف عن تجربه
كان معايا زمان 128 ولما غيرت البطاريه قولت اعدل واجيب واحده اكبر علشان طقم الصوت
جبت الكبيره
الدينامو صوته على اوى
الكهربائى قالى لازم نغير الدينامو بواحد اكبر علشان يقدر يشحن البطاريه
غيرت الدينامو بواحد اكبر
الدينامو الجديد بقى محمل على المكنه جامد واتطريت انى أعلى السلانسيه
المهم
انا لا انصح بتغيير البطاريه بواحده اكبر
شوف يا أستاذ : عصام
الدينامو فى الدايو بيخرج 85 أمبير تقريبا
واللى أنت بتشوفه بيحصل معانا من الجماعه بتوع دايو أو شيفورليه
هو نوع من البخل فى أمداد الزبون ( اللى حيشترى عربيه جديده )
ببطاريه مناسبه وأفيد ليه ولعربيته على مدار الأيام
عاوزين يوفروا بمعنى أصح على حساب الزبون
عاملين زى الجزار اللى يقعد يحنتف فى الحاجه يمين وشمال
علشان يلم من كل زيون مبلغ ويطلع بلكه كبيره فى النهايه
_____________________
متقارنش ال 128 بالدايواقتباس:
كان معايا زمان 128 ولما غيرت البطاريه قولت اعدل واجيب واحده اكبر علشان طقم الصوت
جبت الكبيره
الدينامو صوته على اوى
دى قصه ودى قصه
وبعدين أنت ركبت بطاريه كام أمبير والدينامو بتاع ال 128 كام أمبير
دا غير تلاقيه كان تعبان برضه ويادوب شايل نفسه بالعافيه
وأنت أجهدته ببطاريه زياده عن طاقته وظروفه الصحيه
فلازم ينخ معاك ( علشان متحمل ) وصوته حيعلى طبعا
دى حاجه معروفه فى الهندسه الكهربيه
وياريت نعرف أبعاد الحاجه ونعرف أيه فايدتها
وأيه الضرر من تركيبها أو عدم وجود الضرر
يعنى ندرس الأمور بطريقه علميه
مش أاقول كده وخلاص
ياعنى أدينى سبب علمىاقتباس:
انا لا انصح بتغيير البطاريه بواحده اكبر
ومش علشان عربيه 128 ( الله أعلم بظروف الدينامو بتاعها وأنت كنت حاطط بطاريه ومش حاسب أمورك صح )
على فكره أنا أما بأقول حاجه بأبقى دارسها كويس أوى من الزاويه
العلميه ومن التجارب مع بعض الناس برضه ( اللى أعرفهم )
لأن أنا عارف ظروف الحوارات دى كلها وبأعمل حسابى كويس
ولو عدتنى حاجه ( لأننا بشر ولازم تعدى علينا حاجات )
لا أكابر نهائيا .....وأعترف وأقر بما حدث من زله أو كبوه
غير مقصوده
فلكل جواد كبوه
ازيك يا قائد
يعنى افهم من كلام حضرتك ان الدايو بره بتنزل ببطاريه 70 امبير ( بره مبيوفروش )
طيب حضرتك قست خرج دينامو الدايو كام امبير ازاى ؟
انا مبقارنش ال 128 بالدايو ولاكن ( اساسيات التشغيل واحده فى كل العربيات لانه قوانين الفيزياء لا تتغير بتغير نوع السياره )
طيب لو فرضنا ان خرجه 85 امبير والبطاريه 55 امبير
طيب مهو فى اوقات بيبقى الدينامو بيشحن البطاريه وكمان شايل حمل كهربة العربيه كاملاٌ ( ليلاٌ ) ويبقى كده احنا بنرهقه
اكيد المصنع عمل حساب نقطه زى دى
لذلك عمل البطاريه 55 امبير والدينامو 85 علشان لما يحمل الحمل الاقصى للشحن واستهلاك السياره معاٌ يبقى داخل حدود قدرة الدينامو
لان الحمل الزياده بيسبب ارتفاع درجة حرارة الملفات ( تحميصها ) مما يؤدى الى فشل وظيفى لارتفاع مقاومه الاسلاك ( الاوم ) للتيار الكهربى المار بها
كلما زادت درجة حرارة السلك كلما زادت مقاومة السلك للتيار المار به ( وطبعاٌ العلاقه عكسيه )
كل اللى انا قولته هو محض تفكير شخصى يستند على ( دراسه سابقه وعلى تجربه عمليه )
حاجه مهمه اوى
انا قولت رأيى الشخصى ( غير ملزم لاى شخص )
انه يمشى على وضع العربيه الحالى ( 55 ) امبير
لو فرضنا ان كلامى غلط فهو مش هيسبب اى ضرر لانه الوضع الحالى للسياره ( لاتوجد به مشاكل )
اوؤكد ده رأى شخصى
وسلامى الشخصى لك
وللجميع
اقتباس:
طيب حضرتك قست خرج دينامو الدايو كام امبير ازاى ؟
أنا مقيستوش ولا حاجه يا أبو فارس
بس مواصفات الدينامو لكل الدايو 85 أمبير ( وده أأقل الديناموهات قدرة )
وفيه ديناموهات أكبر من كده للمناطق البارده ( للدايو برضه )
وبطاريتها لازم تبقى أكبر فى الأمبير من بتاعتنا ( اللى بيديوهالنا فى التوكيل )
ولاد التيت .........علشان يوفروا ( وقرش على قرش بيلم كتير معاهم )
لاحظ كمان أن البطاريه ليها أدوار كتيره فى السياره
1- تدعيم حمل الدواره العالى
أذا كلما كانت كبيره فى الأمبير ....حتغنيك عن تأخير الدواره وممكن الظاهره دى تدخلك فى متاهات رشاشات وتشكك أن
الرشاشات سيلت أو البوجيهات والبوبينا تعبوا
ولو معاك بطاريه حلوه .....من تكه واحده وعلى الطاير حدور المكنه معاك زى الحلاوه وخصوصا شتاءا
2- تدعيم شغل الدينامو فى حالة الأحمال الزائده
وبالذات لما العربيه تبقى كامله ....ساعات بنلاقى نور العربيه بيضعف معانا بسبب الدينامو متحمل على الآخر
بس لو البطاريه على القد ....ولا حتساعده فى شيلته
ومممكن تلاقى صوت المكنه يعلى ويوطى معاك ( مع وجود أحمال زائده وبطاريه على القد )
أما لو كانت تمام .....حتشيل معاه
وسلامى الخصوصى لك طبعا
أولا وأخيرا
وتتحرق البطاريات اللى فى الدنيا ولا نزعل من بعض
على فكره ده برضه رأيى الشخص واللى أنا مقتنع بيه
وحغير المره الجايه ل 70 أمبير
ثق تماماٌ
ان مش شوية حديد وبلاستيك يقدروا يزعلونا من بعض
والموضوع كله ان كل واحد بيقول وجهة نظره وبناقش بعض فيها حتى تعم الفائده
وفى النهايه كلنا هنا بنستفيد من بعض فى اطار من المحبه والصداقه والاحترام المتبادل
وطبعاٌ حضرتك عارف الاكل من غير شوية فلفل حار ملوش طعم ويبقى ممل
فسلامى لك ولكل الاسماعيليه
صحيح
لما تغير البطاريه ب ال 70 امبير ابقى طمنى ايه الاخبار