سياره 4x4فى حدود 100 الف

**Medo.Malek** · 31-07-2010 02:07 PM

المشاركة الأصلية كتبت بواسطة samcar

يعنى ممكن الاقى منها فى معارض- ولا لازم برضه ادور عند افراد- بصراحه عمليه ان الواحد يروح لحد بيته ويقلب فى العربيه ويجربها- وبعدين لو ما عجبتش- بتحرجنى جدا = والله خايف بجد اقبل بعربيه لمجرد انى اكون اتحرجت

سلام عليكم
حضرتك موجود عندى لاند كروزر موديل تقريبا 85 هيا زى دى
YouTube - Off-Roading on Trabuco Creek Road, Trabuco Canyon 1/21/2010
و حالتها جيدة جدا ان لم تكن ممتازة لونها بيج
لو نويت ان شاء الله او لو تحب حضرتك تعاينها ممكن تبعتلى على الخاص ( وما تقلقش حضرتك من موضوع الاحراج ده خالص )

**egypt0777** · 31-07-2010 06:03 PM

طبعا اوعى حد يفكى فى التيجو حالص لانها كبيرها عربية بزمبلك و محسوبة على فئة ال 4 * 4

و مشاكل الدينيا كلها فيها

عشان كده حرام اوى نظلمها و نحطها فى مقرنات مع العربيات الجبارة اسيادها ده

**Adham** · 31-07-2010 06:05 PM

المشاركة الأصلية كتبت بواسطة egypt0777

طبعا اوعى حد يفكى فى التيجو خالص لانها كبيرها عربية بزمبلك و محسوبة على فئة ال 4 * 4

و مشاكل الدينيا كلها فيها

عشان كده حرام اوى نظلمها و نحطها فى مقرنات مع العربيات الجبارة اسيادها ده

+111111111

ههههههههههههههههههه اكبر صح

و مش التيجو بس و انما كل الصيني و الهندي ما يتقارنش بالعربيات اللي بنتكلم فيها لأن دي فئة الدفع الرباعي الكبير من شركات ياباني كبيرة يعني عربيات على شاسية قوي و عفشة قوية و موتور جبار عالاقل 3000 سي سي مش 1600 وم 2000 و مواتير مش حمل غرز و رمل و مطالع ودي ناس بتعمل العربيات دي من اكتر من 30 سنة

مش لسة بيتعلموا يعني اية عربية 4*4 زي رينو اللي اول مرة يصنعوا عربية دفع رباعي و هما اصلا انتاجهم من السيارات الملاكي معروف عنة الرقة و النعومة و عربيات ديليكت ما بتنفعش مع شوارع مصر حاتنفع في 4*4

**tananybasha** · 31-07-2010 11:47 PM

هو الموضيع ليه بقت بالعصبية دى
مش ده المتوقع من منتدى ناسه داخله تستفيد

**mummy_47** · 04-08-2010 03:17 PM

طيب ايه رايكم في الميتسوبيشي باجيرو موديلات 92 بحوالي 90 الف انا شفتها في كونتكت 3000 سي سي

**mummy_47** · 04-08-2010 03:20 PM

وفيه الجراند شيروكي موديل 97 وطالب 90 الف 5000 سي سي

ايه الاسعار الرخيصة ديه...

**mummy_47** · 04-08-2010 03:33 PM

وكذلك الفورد اكسبديشن او اكسبورير مو 95 لقيتها في حدود ال 100 الف 4000 سي سي

**Adham** · 04-08-2010 03:54 PM

المشاركة الأصلية كتبت بواسطة pioneerahmed

سورى يا ادهم باشا بس لو حضرتك راجعت تاريخ الرينو هتعرف انها زمان كانت بتصنع دبابات حربية مش عربيات رقيقة و ناعمة

و بعدين فى موديلات كتير 4*4 بتعملها رينو بس مش بتنزل مصر

ممكن حضرتك تشرفنا فى منتدى رينو و اوعدك انك هتغير نظرتك للرينو

ياباشا الشرف لينا, و شكرا لردكم الجميل من شخصكم الكريم
وياريت لينكات نشوف عربيات رينو ال 4*4 اللي مابتنزلش عندنا دي لاننا ماشفناهاش

و على فكرة الدستر تعتبر داتشيا (روماني) مش رينو (فرنساوي)

المشاركة الأصلية كتبت بواسطة mummy_47

طيب ايه رايكم في الميتسوبيشي باجيرو موديلات 92 بحوالي 90 الف انا شفتها في كونتكت 3000 سي سي

عربية هايلة و امتن من الجديدة كشاسية و بودي

المشاركة الأصلية كتبت بواسطة mummy_47

وفيه الجراند شيروكي موديل 97 وطالب 90 الف 5000 سي سي

ايه الاسعار الرخيصة ديه...

عشان محدش بيشتريها, بلاعه بنزين بعيد عنك, 5700 سي سي 8 سلندر بتاكل البنزين اكل و بتمشي 50 كيلو في الصفيحه و فوق كدة ضيقة من جوة بالذات الكنبة و عفشتها تقطم الوسط و قطع غيارها اغلى من الشيروكيي بكتييير

هي شكل و منظر حلو و برستيج بس

المشاركة الأصلية كتبت بواسطة mummy_47

وكذلك الفورد اكسبديشن او اكسبورير مو 95 لقيتها في حدود ال 100 الف 4000 سي سي

اوعى منها

قطع غيار مش متوفرة و لو لقيتها غالية موت

و خدمة وكيل ما يعلم بية الا ربنا زيها زي كل العربيات الفورد

و فوق كدة و كدة بلاعه بنزين و عربية تقيلة جدا, مش بتاعه رمل و صحرا
هي على ثابتة و راسية عالاسفلت و السفر ممتازة بالنسبة لاستخدام صاحب الموضوع انما مش عربية صحرا و رمل بسبب وزنها

**mummy_47** · 05-08-2010 09:35 AM

اعتقد ان احنا كده حصرنا الاختيارات كالاتي وعلى الترتيب حسب الاجود والتوافر والاعتمادية:
وده مجرد رأيي الشخصي :
ميتسوبيشي باجيرو
شيفرولية فرونتيرا
شيروكي الشكل القديم
فيتارا
تيريوس
جراند شيروكي
لاند كروزر - عشان صعوبة الحصول على واحدة كويسة