سياره 4x4فى حدود 100 الف

**samcar** · 05-08-2010 01:41 PM

المشاركة الأصلية كتبت بواسطة mummy_47

اعتقد ان احنا كده حصرنا الاختيارات كالاتي وعلى الترتيب حسب الاجود والتوافر والاعتمادية:
وده مجرد رأيي الشخصي :
ميتسوبيشي باجيرو
شيفرولية فرونتيرا
شيروكي الشكل القديم
فيتارا
تيريوس
جراند شيروكي
لاند كروزر - عشان صعوبة الحصول على واحدة كويسة

انا فعلا ميال للشروكى 0 فى صديق لى عنده واحده- بس هو متردد فى البيع - ه- انا وراه لغايه ما خدها منه - ههههههههههه

ارجو انى ما ندمش على حركة النداله دى

**mummy_47** · 05-08-2010 02:41 PM

انا كل الشيروكي اللي لقيته في المواقع 4000 س سي مو من 95-99 بحوالي من 60 الى 80
مش عارف انا مش ميال ليها ..يا ترى ايه اخبار الصيانة بتاعتها واستهلاك البنزين....وليه مفكرتش في الباجيرو

**Adham** · 05-08-2010 02:57 PM

المشاركة الأصلية كتبت بواسطة mummy_47

انا كل الشيروكي اللي لقيته في المواقع 4000 س سي مو من 95-99 بحوالي من 60 الى 80
مش عارف انا مش ميال ليها ..يا ترى ايه اخبار الصيانة بتاعتها واستهلاك البنزين....وليه مفكرتش في الباجيرو

الشيروكي ال 6 قطع غيارة متوفرة عن ال 4 و البدائل كذلك اكثر توفرا (راجع استاذ مينا فيها لانة خبرتة كبيرة فيهم)

و الشيروكي ماتتركبش 4 سلندر لان العربية تقيلة و الموتور ضعيف و بالتالي سواقتها سيئة جدا مابتسحبش الموتور مشاكلة بتكتر نتيجه ضعفه عالسيارة (الاهلاك عالي) و كمان الكماليات الاكثر في ال 6 مش ال 4, زي الفتيس الاوتوماتيك و الأية بي اس و مثبت السرعه

ال6 استهلاكة حوالي 80 كيلو في الصفيحه جوة البلد / 120 كيلو في السفر و ال 4 استهلاكة 110 جوة البلد و 140 في السفر (برضة أ/مينا يفيدنا اكتر و بدقة)

**samcar** · 06-08-2010 02:57 AM

المشاركة الأصلية كتبت بواسطة mummy_47

انا كل الشيروكي اللي لقيته في المواقع 4000 س سي مو من 95-99 بحوالي من 60 الى 80
مش عارف انا مش ميال ليها ..يا ترى ايه اخبار الصيانة بتاعتها واستهلاك البنزين....وليه مفكرتش في الباجيرو

الباجيرو - فعلا حلوه- بس قطع الغيار خارج القاهره شحيحه- الشيروكى - منتشره اكتر- وانا كنت خايف من كده- انى اقع فى عربيه - بالبلدى - مشغوله- لكن صاحبى هو اول مالك- ربنا يهديه ويوافق- هى 6 سلندر - بس هو متردد جدا- وخصوصا بعد حكاية ال 9% زياده فى الجمارك- لانه كان عايز يجيب مستورد وعينه كانت على التويوتا الخليجى - دلوقت بيقول - استنى لما اشوف السوق حيرسى على ايه

**Adham** · 06-08-2010 12:37 PM

المشاركة الأصلية كتبت بواسطة samcar

الباجيرو - فعلا حلوه- بس قطع الغيار خارج القاهره شحيحه

+1
اعتقد فعلاً خارج القاهرة مش حاتلاقي قطع غيارها بسهولة الا لو في المدن الكبيرة زي اسكندرية و طبعا بورسعيد الاستيراد متوفر والمنصورة و المنزلة كذلك هناك معقل ال 4*4 وربما في مدن تانية متوفر برضة, حضرتك مكانك فين؟

المشاركة الأصلية كتبت بواسطة samcar

لكن صاحبى هو اول مالك- ربنا يهديه ويوافق- هى 6 سلندر - بس هو متردد جدا- وخصوصا بعد حكاية ال 9% زياده فى الجمارك- لانه كان عايز يجيب مستورد وعينه كانت على التويوتا الخليجى - دلوقت بيقول - استنى لما اشوف السوق حيرسى على ايه

خبر زيادة الجمارك اتنفى من وزير المالية بطرس غالي اول امبارح

خوف صاحبك و قولة انك سمعت البنزين حايغلى قريب و حايبقى ب 2.5 ج للتر و ساعتها مش بس حايدفع بنزين كتير لكن كمان محدش حايشترى عربيات مش اقتصادية في استهلاك الذهب السائل و اسعارها حاتنزل جامد هههههههههههههه

**samcar** · 07-08-2010 06:39 AM

المشاركة الأصلية كتبت بواسطة adham

+1
اعتقد فعلاً خارج القاهرة مش حاتلاقي قطع غيارها بسهولة الا لو في المدن الكبيرة زي اسكندرية و طبعا بورسعيد الاستيراد متوفر والمنصورة و المنزلة كذلك هناك معقل ال 4*4 وربما في مدن تانية متوفر برضة, حضرتك مكانك فين؟

خبر زيادة الجمارك اتنفى من وزير المالية بطرس غالي اول امبارح

خوف صاحبك و قولة انك سمعت البنزين حايغلى قريب و حايبقى ب 2.5 ج للتر و ساعتها مش بس حايدفع بنزين كتير لكن كمان محدش حايشترى عربيات مش اقتصادية في استهلاك الذهب السائل و اسعارها حاتنزل جامد هههههههههههههه

والله الناس بتاعة الماليه دول بيستهبلوا- موضوع ال 9 % بيقولوا عليه ضريبه خدمات ما بعد البيع !!!!!

البنزين 92 - امبارح بس زى ما يكون فى اشاعه انه حيغلى - لقيت كذا محطه بيستهبلوا وبيقولوا ما فيش - ومحطه فى العبور كان عليه طابور

بصراحه خلوا الناس موقوف حالهم الله يوقف حالهم هم كمان

**Adham** · 07-08-2010 01:26 PM

المشاركة الأصلية كتبت بواسطة samcar

والله الناس بتاعة الماليه دول بيستهبلوا- موضوع ال 9 % بيقولوا عليه ضريبه خدمات ما بعد البيع !!!!!

البنزين 92 - امبارح بس زى ما يكون فى اشاعه انه حيغلى - لقيت كذا محطه بيستهبلوا وبيقولوا ما فيش - ومحطه فى العبور كان عليه طابور

بصراحه خلوا الناس موقوف حالهم الله يوقف حالهم هم كمان

ماهيه بتبدي كدة

اشاعه مرة و التانية و التالتة لغاية ما الناس خلاص تتعود و تتوقع و الأهم ان الشعب "يتأقلم" و الحكومة تتطمن ان مافيش رد فعل "شعبي" و بعدين هوووب يروحوا رافعين

ولو حصل قلق و الناس عملت وش و مظاهرات و لا اضرابات يطلع اي مسئول حلو من ابو بدلة سوداء و كرافتة زرقاء و يقولك لا دي اشاعات و احنا ماغليناش حاجة و لا حانغلي

**nimo.mimo** · 10-08-2010 01:47 PM

المشاركة الأصلية كتبت بواسطة adham

ولو حصل قلق و الناس عملت وش و مظاهرات

و حضرتك من ضمن الناس اللى حا تعمل قلق و وش و مظاهرات و لا إنت قائد أعلى مظاهرات فقط و الناس هى اللى تفديك بروحها؟!!

**Adham** · 10-08-2010 02:10 PM

لا دي و لا دي

اية اللي مخليك تقول كدة

تريقة و للا استدراج

**nimo.mimo** · 11-08-2010 03:01 PM

المشاركة الأصلية كتبت بواسطة adham

لا دي و لا دي

اية اللي مخليك تقول كدة

تريقة و للا استدراج

لا أبدا عشان لو فيه واحد طيب قرأ كلام حضرتك ممكن فعلا يعمل مظاهرة أو مشكلة و يتاخد فى الرجلين و يتحبس
و ساعتها محدش حايسأل فيه و لا حا يساعده و لو حتى بتمن تانك بنزين واحد من ال 100 تانك اللى بيحطهم فى عربيته ال 4000 سى سى رايح جاى على الساحل طول الصيف سواء البنزين كان ببلاش أو حتى كان ب 20 جنيه اللتر.

رجاء عدم إثارة القلائل و لو على سبيل المزاح لأن ممكن تراكم الشحن يؤدى إلى أن يرمى انسان بنفسه فى التهلكه على لا شئ.