إستغاثة من أولاد الحلال

**agwaa** · 09-06-2010 03:22 PM

حد يدلنا على بلد تانية الواحد يحس فياه بآدميته ...!!!!؟
الواحد جاب آخره خلاص ...
موش عارف نلاقيها من الحفر .. ولا من المطبات العشوائية إللي بيعملوها الأهالي من غير رقيب .. ولا من المطبات إللي بتزيد كل يوم في شوارع المحروسة .. ولا من ال cat eyes إللي هرت العفشة وأتلفت الكاوتش ..ولا من المطبات العرضية ( أحدث صيحة في عالم المطبات )
لأ .. والتقليعة الجديدة بقي .... المسرحيات الهزلية كالآتي :
مرور مشاة عشوائي --> حادث مشاة --> تظاهر أهالي المنطقة --> توقف الحركة المرورية بسبب متاريس الأهالي ( أحجار وكاوتش مولع ) --> وصول الجهات الأمنية والتي تطبطب وتتحايل على الأهالي بإلتزام الهدوء -------------->>>> ترضية الأهالي بمطبات جديدة ...
و.....
بس خلاص
وآدي جزاء إللي ما يسمعش كلمة ماما تقولها ..
كانت دايماً تقول بلاش تركبوا عربيات .. المشي أحسن

**Imhotep** · 09-06-2010 03:28 PM

كان الله فى عوننا جميعا

**Amrrr** · 09-06-2010 03:31 PM

مالهاش صاحب !!! العوض على الله
بس انت بتحكي عن حادثة المشاة دي حصلت فعلا قريب ولا حاجة حصلت من زمان ؟؟

**ahmedhilmy** · 09-06-2010 03:37 PM

لا حول و لا قوة الا بالله

**M.Mosaad** · 09-06-2010 04:05 PM

الواحد مش عارف يعتب علي الناس و لا يعتب علي اللي بيجري في الشارع و لا يعتب علي مين بالظبط

شوارع نضيفه الناس بتجري فيها بجنون و تموت المشاة -مطبات تبهدل العربيات

**badblood** · 09-06-2010 04:20 PM

لو رحت بلد هندوسي معندهمش ملة
هتحس انك بني ادم

**mrsailor** · 09-06-2010 04:55 PM

المشاركة الأصلية كتبت بواسطة agwaa

حد يدلنا على بلد تانية الواحد يحس فياه بآدميته ...!!!!؟
الواحد جاب آخره خلاص ...
موش عارف نلاقيها من الحفر .. ولا من المطبات العشوائية إللي بيعملوها الأهالي من غير رقيب .. ولا من المطبات إللي بتزيد كل يوم في شوارع المحروسة .. ولا من ال cat eyes إللي هرت العفشة وأتلفت الكاوتش ..ولا من المطبات العرضية ( أحدث صيحة في عالم المطبات )
لأ .. والتقليعة الجديدة بقي .... المسرحيات الهزلية كالآتي :
مرور مشاة عشوائي --> حادث مشاة --> تظاهر أهالي المنطقة --> توقف الحركة المرورية بسبب متاريس الأهالي ( أحجار وكاوتش مولع ) --> وصول الجهات الأمنية والتي تطبطب وتتحايل على الأهالي بإلتزام الهدوء -------------->>>> ترضية الأهالي بمطبات جديدة ...
و.....
بس خلاص
وآدي جزاء إللي ما يسمعش كلمة ماما تقولها ..
كانت دايماً تقول بلاش تركبوا عربيات .. المشي أحسن

:i_angr1[1]:

روح عيش فى مصر
الشوارع نظيفة حتى رائحة الهواء جميلة تشبه ريحة الفل او الياسمين
الطرق حرير لدرجة انك ممكن تمشى 180 و ماتحسش انك ماشى فى وسط البلد
الطرق الريفية على اعلى درجة من الامان .. اضاءة .. مافيش حيوانات او مشاه يفاجؤك و انت سايق و تلاقيهم قدامك
اما الطرق السريعة فحدث و لا حرج .. السرعة مفتوحة .. نقط انقاذ و اسعافات .. كل واحد ملتزم بالحارة بتاعته
الشوارع فاضية فى جميع المدن و القرى .. لدرجة ان السكان مش محتاجين جراجات لانك بتلاقى ركنة فى 5 ثوانى و امام بيتك
اما الامان فده شئ فاق كل التوقعات .. حتى الواحد مش محتاج انذار لعربيته .. و كمان لو حد فرضا جدلا خبط عربيتك و هى راكنة .. تلاقيه واقف مستنى يشوف صاحب العربية علشان يتفق معاه على اصلاح الاضرار
و كمان الميزة انها مش زى البلاد التانية يعنى ماحدش حايخربش لك عربيتك بمسمار مثلا ..
و عمرك ما حتتفاجئ بشارع تم تغيير اتجاهه من غير ما يحطوا علامه ارشادية .. او مطب صناعى تلاقيه قدامك و يكلفك مرتب شهر كامل لاصلاح ما افسده الجهبز اللى عمل المطب
اما عن مركبات نقل الركاب من اتوبيس و تاكسى و ميكروباص .. فقيادتهم و معاملتهم قمة فى التحضر
انا نصيحتى حاول انك تقدم على هجرة لمصر و مش حا تندم .. لان مش حايبقى عندك وقت للندم من كتر ما حاتفكر فى طريقة غير مؤلمه تنهى بيها حياتك علشان تخلص من النظافة و التحضر اللى ذكرته اعلى

**powerofhelll** · 09-06-2010 06:06 PM

فين الجديد
دل ده بيحصل في مصر و الدول المتقدمه جدا

**gazzar91** · 09-06-2010 06:34 PM

أنا كل اللي قرفان منه..... المشااااااااااااااااااااا اااااااااااااااه.. عالم شاربة سم على الصبح تلاقيه بيتمشى في وسط الشارع.. تكلكسله.. يبصلك بقرف و يوسع... يا حلاوة
العيال المتخلفة اللي بيلعبوا كورة في الشارع و تلاقيهم حاطين طوبتين عاملينهم جون.. و تيجي تلاقي عيل بارد بينطط الكورة قدام عربيتك.. عيال راضعة بيض ممشش ضارب على دمغتهم.. و يا سلام لو خبطت عيل منهم و إتخربش خربوش عمقه تلاتة ميكرون بينزل 1 مم مكعب في الساعة من الدماء الزفرة (بفعل البيض اللي راضعينه).. تيجي أمه تقوللك مش تفتح يا....( وإسمع بقى كل اللي قلبك يحبه) و هي ماتقتنعش إنها مخلفة عيل متخلف بيعدي الشارع على مرتين ومن غير ما يبص حواليه...!!!!
و اللذيذ اللي بيقى مستني أما تقرب منه عشان يوقفك و تعديه.. ما الطريق كان فاضي!!!
الناس العجيبة اللي بتتمشى في الملفات.. مش بتعدي حتى... لأ بتتمشى...
و الحبيبة اللي بياكلو ذرة في التقاطعات على أساس إنها حته فاضية و جو رومانسي (من وجهة نظرهم المريضة)!!
من ساعت ما بدأت سواقه.. و أنا إصطلحت مصطلح جديد إسمه "برود المشاه"!!!!
ربنا يصبرنا...
في رعاية الله....