سؤال الى أهل الخبرة ... ومستنى الرد
اهلا بجميع أعضاء المنتدى
الحقيقة انا عضو جديد ومبسوط قوى من المنتدى ده ، لان فيه ناس فعلا عاوزة تفيد الاخرين
ارجوا ان تقبلونى صديقا واخا لكم
لى سؤال بسيط
الحمد لله ربنا وفقنى وهاستلم عربية شاهين جديدة
وعاوز اسألكم كام سؤال:-
1-ماهى مدة التليين فى السيارة شاهين
وكيف اتعامل مع السيارة خلال هذه الفترة من حيث السرعة وغيره ، حتى الين عربيتى صح
2- ما هو فتح الموتور اثناء التليين ؟
3- هل يجب اغير الكاوتش النسر اللى نازل معاها بنوع مستورد ولا الكلام ده كان زمان؟
4- عند استلامى السيارة من المعرض هتكون من غير نمر ، هل صح انى امشى بيها كده لغاية البيت ولا ده غلط ولو فيه لجنة مرور هتوقفنى علشان من غير نمر ؟
5- لو حد ركب ازاز كهرباء ، وسنتر ، وانذار فى عربيته قبل كده ، بقول لى عن تجربته ومنين وبكام.
وشكرا ليكم جزيل الشكر
