اتصال من مدير شركة اوماترا مصر مستر : تادروس

ازيكم ياشباب

من حوالى ساعة كدا جالى ايميل من مدير شركة اوماترا مصر
الراجل طالب منى جميع اتصالاتى وطبعا رديت برقم تليفونى وايميلى

وفعلا اتصل بيا لمدة 17 دقيقة وشرح حاجات مهمة وكان ملخص المكالمة كالاتى :

مساء الخير معاك استاذ م.ت مدير شركة اوماترا مصر
انا: مساء الخير يافندم وشاكر لسرعة اتصال حضرتك بيا
استاذ م.ت : انا شايف ان حضرتك قدمت شكوى لفيات ايطاليا .... ياترى ممكن اعرف بخصوص اية اللى أعرفة انك معندكش عربية فيات اصلا

انا : لا معنديش بس بصراحة كنت ناوى أجيب 3 عربيات منهم 2 500 وواحدة لينيا ودخلت نايل موتورز
اشوف التعليقات على العربية ومراكز الخدمة وطبعا اغلبية التعليقات كانت بتشتكى من سوء المعاملة وقطع الغيار النار
وتانى حاجة ليا واحد قربيى معاة مشكلة فى عربيته الفيات اللينيا

تالت حاجة انا مثلا من المحلة يعنى مفيش مركز
صيانة معتمد الا فى القاهرة او اسكندرية
ودول بعيد عنى ودا طبعا يخلينى افكر الف مرة
قبل ما اجيب العربية اللى بحبها وابقى مضطر
اجيب العربية اللى ماشية فى السوق ( عملا بمبدء حسن السوق ولا حسن البضاعة )
استاذ م.ت : طيب ممكن تدينى رقم تليفونة واسمة
وانا هتصل بية والعربية تتصلح وترجع تمام

انا: مفيش مشكلة بس لازم استأذنة الاول بس
تسمحلى اقولك ان فى حاجة غلط فى التسويق
ازاى عربية زى الفيات مش بتعمل توزيع كويس
زى السيراتو على سبيل المثال
( الجماعة بتوع السيراتو والله مش بهاجم العربية)

استاذ م.ت : السر ان السيراتو 1600 وفى منها اوتوماتيك بس الفيات حضرتك عارف مش بينزل منها
اتوماتيك حاليا مش زى اللينيا
اللى عندى 1400 وبتدى 77 حصان تانى حاجة ثقافة الشعب بتاعتنا
بتحب العربيات اللى بشنطة ... حضرتك عارف كام
عربية بتبيع هاتش باك فى مصر

انا : كتيير على ما أظن

استاذ م.ت : لا ..... بس حضرتك اقرا تقرير ...... عن توزيع
العربيات الهاتش باك فى مصر

انا : شوف حضرتك كان فى عربيتن اسمهم فيات
اونو وفيات بونتو كان واكلين الجو وبردة كانوا هاتش
باك مش شنطة وكانوا عاملين شغل جامد جدا

استاذ م.ت : هو فيه فعلا تقصير فى الاعلانات
بسبب ان توزيع فيات على بعضة 2000 عربية فى السنة مقارنة بعربيات تانية .... مراكز الخدمة احنا
بنزود فيها وحاليا بنحاول نظبط فيها بس الضغط كبير
اوى على المراكز الموجودة ويمكن دا اللى مزعل
ناس كتيير فى المنتدى بس اوعدك هيكون فيه
تغيير كبيير الفترة اللى جاية وانت معاك ايمليى
لو حد عندة مشكلة كبيرة اديلة الايميل
وخليه يتصل بيا شخصيا وانا بنحاول بكل جهد
نتصل بكل واحد عندة مشكلة فى عربيتة ونحاول
نحلها

انا : والله ياريت لان عربيات فيات دى مظلومة اوى ومش واخدة حقها وانا اسف على مهاجمتى لفيات
بس لما بتحب حاجة فعلا بتبقى خايف عليها
حتى لو مش بتاعتك ونفسك دايما تشوفها حلوة

استاذ م.ت : علشان كدا اتصلت بحضرتك اوضحلك حاجات كتيير حتى لو معندكش عربية فيات وانا فعلا اسف للناس اللى ملقيتش معاملة كويسة فى التوكيل

دا يا جماعة كان ملخص المكالمة ... واضح انه الفترة اللى جاية هيكون فى تغيير فى سياسات التوكيل
تجاه العملاء بتوعه

انا ياجماعة مش شغال فى التوكيل ولا بعملة دعاية بس حبيت انقلكم اللى حصل طبعا بعد استئذان مدير التوكيل فى نقل ملخص المكالمة

وربنا يهدينا واياكم والتوكيل كمان حسن المعاملة

استاذ وائل انا بعت لحضرتك رسالة

أنا كمان جالي رسالة من الأستاذ م.ت وإن شاء الله هبعتله الرسالة دلوقتي والحمد لله إن فيه حد منهم متابع معانا بعد ما طلع عنبنا معاهم عشان حد يعبرنا

طب اديلو رقمي دا انا عندي حاجات كتيييييير عايز اقولهالو
ربنا يهديهم لاني بجد معتز اوي بالعربيه ومش عايزهم يعكروها عليا

يعني ايه هنتراجع ولااا ايه

اقتباس:

---

المشاركة الأصلية كتبت بواسطة ahmadmidop

يعني ايه هنتراجع ولااا ايه

---

والله نشوف إيه الي هيتم إحنا كل الي يهمنا سمعة فيات وإن العربيات تتصان صح لو ده تم يبقى تمام متمش هنضر نكلم فيات في إيطاليا

لا تراجع ولا إستسلام :colsmil:

اقتباس:

---

المشاركة الأصلية كتبت بواسطة yoko

والله نشوف إيه الي هيتم إحنا كل الي يهمنا سمعة فيات وإن العربيات تتصان صح لو ده تم يبقى تمام متمش هنضر نكلم فيات في إيطاليا

---

كدا صح و 100%

يا جماعه انا عندى سؤال هو مدير شركة اوماترا مصر عرف منين ان حد فينا بعت شكاوى ل فيات؟ معنى كده ان فيات الام مهتمه جدا بالموضوع ده حتى انها كلمت مدير اوماترا علشان المشاكل تتحل لو الكلام ده حصل يبقى لو اتا كنت بحب و احترم فيات 100% يبقى دلوقتى 1000000000% :)

إيه يا جماعة هما كل شوية حد هيثبتنا بكلمتين و مفيش حاجة بتحصل و كل اللي بيحصل اننا بنسكت شوية و بعدين المشاكل تكتر تاني وموضوع يتفتح تاني

والله مش عارف نسكت ونشوف هيحصل أيه
ولا نفضل نضرب على الحديد وهو سخن!
بس هو الراجل شكل كلامه محترم بس أنا شايف أنه لازم يدينا ديد لاين حتى لو سنه ولا أتنين
لكن كلام على العايم كدا مينفعش
مقدرش أقول لواحد خايف من فيات لا أشترى وإن شاء الله هتتعدل
بجد مش عارف المفروض نعمل أيه

المطلوب الأول من هذه الشركة هو سياسة تسويق ودعاية فعالة تؤدي إلى سعر إعادة بيع وسعر قطع غير جيد لسيارات فيات. هذا هو المهم قبل مراكز الصيانة وخلافه.

اقتباس:

---

المشاركة الأصلية كتبت بواسطة aljurjani

المطلوب الأول من هذه الشركة هو سياسة تسويق ودعاية فعالة تؤدي إلى سعر إعادة بيع وسعر قطع غير جيد لسيارات فيات. هذا هو المهم قبل مراكز الصيانة وخلافه.

---

+111

اقتباس:

---

المشاركة الأصلية كتبت بواسطة aymoz

إيه يا جماعة هما كل شوية حد هيثبتنا بكلمتين و مفيش حاجة بتحصل و كل اللي بيحصل اننا بنسكت شوية و بعدين المشاكل تكتر تاني وموضوع يتفتح تاني

---

ﻷ ما أخرهم يومين بالعدد مفيش رد فعل واضحهيتم الإرسال مرة أخرى لفيات بس ساعتها مش هيبقى شكوى من التوكيل بس :I_angr1[1]:

اقتباس:

---

المشاركة الأصلية كتبت بواسطة aljurjani

المطلوب الأول من هذه الشركة هو سياسة تسويق ودعاية فعالة تؤدي إلى سعر إعادة بيع وسعر قطع غير جيد لسيارات فيات. هذا هو المهم قبل مراكز الصيانة وخلافه.

---

أنا شايف إن الصيانه أهم لإن لو الصيانة تمت صح أصحاب الفيات هيعملولها أحسن دعايا لكن لو فيه دعايا وجيه يسأل واحد معاه فيات قرفان من الصيانه هيقلة إبعد عنها!!!

اقتباس:

---

المشاركة الأصلية كتبت بواسطة ahmedmohamed7

يا جماعه انا عندى سؤال هو مدير شركة اوماترا مصر عرف منين ان حد فينا بعت شكاوى ل فيات؟ معنى كده ان فيات الام مهتمه جدا بالموضوع ده حتى انها كلمت مدير اوماترا علشان المشاكل تتحل لو الكلام ده حصل يبقى لو اتا كنت بحب و احترم فيات 100% يبقى دلوقتى 1000000000% :)

---

كان واضح من الرد بتاعهم للاستاذ bembodeniro انهم عملوا forward لأوماترا كل الايميلات اللى حضراتكم ارسلتوها

We have forwarded the information to our local relevant department

اقتباس:

---

المشاركة الأصلية كتبت بواسطة yoko

أنا شايف إن الصيانه أهم لإن لو الصيانة تمت صح أصحاب الفيات هيعملولها أحسن دعايا لكن لو فيه دعايا وجيه يسأل واحد معاه فيات قرفان من الصيانه هيقلة إبعد عنها!!!

---

مش بالضرورة يا احمد، ما انت عندك شيفورليه ناجحة بسبب الدعاية رغم ان التوكيل وحش

اقتباس:

---

المشاركة الأصلية كتبت بواسطة damasry

مش بالضرورة يا احمد، ما انت عندك شيفورليه ناجحة بسبب الدعاية رغم ان التوكيل وحش

---

بس إبتدت تقع وطبعا لازم الإتنين مع بعض لكن مينفعش يهتم بالدعايا ويبيع وهو معندوش مراكز خدمة وإن العميل يتلطع بال٥ ساعات عشان الصيانه (الي مبيربطوش فيها عفشة حتى!!!) ولو المبيعات زادت هيبقى حجز الصيانة من قبلها بإسبوع وإتنين عشان تلاقي مكان

اقتباس:

---

المشاركة الأصلية كتبت بواسطة yoko

بس إبتدت تقع وطبعا لازم الإتنين مع بعض لكن مينفعش يهتم بالدعايا ويبيع وهو معندوش مراكز خدمة وإن العميل يتلطع بال٥ ساعات عشان الصيانه (الي مبيربطوش فيها عفشة حتى!!!) ولو المبيعات زادت هيبقى حجز الصيانة من قبلها بإسبوع وإتنين عشان تلاقي مكان

---

يبقى الدعاية وزيادة مراكز الصيانة وصدقنى لما مراكز الصيانة ها تزيد الخدمة ها تتحسن عشان الضغط ها يقل

اقتباس:

---

المشاركة الأصلية كتبت بواسطة damasry

يبقى الدعاية وزيادة مراكز الصيانة وصدقنى لما مراكز الصيانة ها تزيد الخدمة ها تتحسن عشان الضغط ها يقل

---

يا رب :ask:

طيب كلام ممتاز
و الاهم
زيادة مراكز الصيانة
اعادة النظر فى اسعار قطع الغيار
ان أ/ماجد تادرس هو مدير فيات مش م/خالد بهنسى

و الراجل صدق فعلا لما قال ان فيه ضغط كبيير على موضوع مراكز الخدمة

الموضوع اتفتح قبل كده وناس من التوكيل عملوا اتصالات باعضاء من المنتدى مع وعود بوجود متابعه من التوكيل بواسطه ممثل ليهم فى المنتدى و طبعا الكلام واضح ان مفيش حاجه منه تمت والموضوع القديم نام
دلوقت الموضوع صحى تانى و فيات الام بتكلم اوماترا فى الشكاوى اللى بتوصل ليها واكيد هما عاوزين جو هادى فاللى يحصل ان مسئول من الشركه او من خدمه العملاء يكلموا الزبون وينيموه و احلام سعادتك حقيقه و بعد ما يكلموه الواحد يبقى عامل زى اللى واخد كميه مرهم قد كده
احنا مش عاوزين كلام وبس عاوزين نشوف ونلمس واقع محسوس
لان ببساطه ايه اللى يحصل لو عدد عربيات فيات الجديده فى مصر يبقى قليل و بيقل كل شوية اللى يحصل ان تجار قطع الغيار مش هيجيبوا قطع الغيار للموديل ده و صاحب العربية هيكون مجبر انه يلف بالعربية السبع دوخات لحد ما يلاقى قطعه الغيار وطبعا مش هيبص لحالتها وهيكون مقتنع بالحاله مهما كانت بس المهم انه لقي قطعه الغيار
عاوزين نحيي فيات تانى فى مصر

يا جماعه بلاش نوم وتصدقوا اوعوا تتراجعوا كام مره ثبتوا الناس فيها وسكتوا انا لسه داخل وشايف نص المكالمه لا بقى معلش مش هنصدقهم وبلاش نبطل شكوى الا لما نشوف حاجه على ارض الواقع لكن تثبيت بكلمتين وبخ ومفيش اى حاجه والموضوع ينام لالالالالالالالا انا بجد مصدقت الناس اتحمست ياريت نفضل على حماسنا لحد ما اوماترا تعمل تغير ملوس ومتشاف مش الفتره الجايه هانعمل ونسوى ومبيهببوش حاجه الفتره الجايه دى امتى هل هو حدد ولا وى ميعاد تنزيل الينيا مره فى شهر 6 ومره فى شهر 11 ودلوقتى 1 او 2 ابوس ايديكم بلاش نوم وتثبيت موضوع الشكوى مفتوح ولازم كلنا نستمر فيه

اقتباس:

---

المشاركة الأصلية كتبت بواسطة michohat

الموضوع اتفتح قبل كده وناس من التوكيل عملوا اتصالات باعضاء من المنتدى مع وعود بوجود متابعه من التوكيل بواسطه ممثل ليهم فى المنتدى و طبعا الكلام واضح ان مفيش حاجه منه تمت والموضوع القديم نام
دلوقت الموضوع صحى تانى و فيات الام بتكلم اوماترا فى الشكاوى اللى بتوصل ليها واكيد هما عاوزين جو هادى فاللى يحصل ان مسئول من الشركه او من خدمه العملاء يكلموا الزبون وينيموه و احلام سعادتك حقيقه و بعد ما يكلموه الواحد يبقى عامل زى اللى واخد كميه مرهم قد كده
احنا مش عاوزين كلام وبس عاوزين نشوف ونلمس واقع محسوس
لان ببساطه ايه اللى يحصل لو عدد عربيات فيات الجديده فى مصر يبقى قليل و بيقل كل شوية اللى يحصل ان تجار قطع الغيار مش هيجيبوا قطع الغيار للموديل ده و صاحب العربية هيكون مجبر انه يلف بالعربية السبع دوخات لحد ما يلاقى قطعه الغيار وطبعا مش هيبص لحالتها وهيكون مقتنع بالحاله مهما كانت بس المهم انه لقي قطعه الغيار
عاوزين نحيي فيات تانى فى مصر

---

ما عشان كده أخرهم يومين معايا ولو مشفتش رد واضح وصريح ساعتها أوماترا هيزعلوا مني بجد

انا شغال فى شركة وعارف حركات مسئولي خدمه العملاء و قدراتهم فى تثبيت وتنييم الناس و فى الاخر شكواك لسه موجوده بس كميه المرهم اللى خدتها مبنجاك

اقتباس:

---

المشاركة الأصلية كتبت بواسطة michohat

انا شغال فى شركة وعارف حركات مسئولي خدمه العملاء و قدراتهم فى تثبيت وتنييم الناس و فى الاخر شكواك لسه موجوده بس كميه المرهم اللى خدتها مبنجاك

---

فعلا ممكن يكونوا بيثبتوا الناس وده الاحتمال الاكبر ومش هانسمح بكده ولازم تفضل على الشكوى لحد ما يفوقوا

اقتباس:

---

المشاركة الأصلية كتبت بواسطة michohat

انا شغال فى شركة وعارف حركات مسئولي خدمه العملاء و قدراتهم فى تثبيت وتنييم الناس و فى الاخر شكواك لسه موجوده بس كميه المرهم اللى خدتها مبنجاك

---

والله هنفترض حسن النيه مكنش هنبعت لإيطاليا تاني وبرده لو فيه شكوى تتبعت لإيطاليا الأول وهما بجبوها لمصر!!!

فيات ماردوش عليا لحد دلوقتى فى الفورم اللى بعتها على الsite بتاعهم
أنا هابعت لemail نفسه بتاعهم, بس مش لاقيه , هو اية ؟

customercareinternational@fiat.com

اقتباس:

---

المشاركة الأصلية كتبت بواسطة Moe86

فيات ماردوش عليا لحد دلوقتى فى الفورم اللى بعتها على الsite بتاعهم
أنا هابعت لemail نفسه بتاعهم, بس مش لاقيه , هو اية ؟

---

customercareinternational@fiat.com ابعت ايميل عادى بشكوتك

هييييييييييه اخيرا حد عبرنا من فيات مصر يا رب يطلع جاد فى كلامه

قشطة, شكرا يا رجالة

هيييه حد عبرنا من اوماترا يا رب يبقوا جد فى كلامهم

انا حاسس يا جماعة ان فية تغيير كبير هيحصل بس اصبروا
ان غدا لناظريه قريب

يا استاذ wael3m مع احترامى لحضرتك دى مش اول مره يثبتوا الناس فيها فامش هنبطل حمله الشكوى لحد مانلاقى تغير منهم غير كده مش هيشوفوا غير شكاوى كتير لايطاليا وهما بقى يقرفوا فيهم وهو بعتلى ايميل زى اللى بعتهولك ورديت عليه ومعبرنيش فا براحتهم

انا استاذ تادرس كلمنى قعدت اقوله على المصايب اللى حصلتلى الخصهالكم بسرعة
العربية كانت بتقوللى steering failure قالولى تهييسة طلعت البطارية ضعيفة غيرتها بقت تمام
العربية كانت بتقوللى sengine failure قالولى سنسور شكمان طلعت مشكلة بنزين
العربية كان فيها صوت مؤمن قاللى صاجة شكمان و مش موجودة و امشى بالصوت
و شريف وضح لى ان المشكلة فى الصالون و لازم كله يتفك و يتركب
جرحوا لى التابلوه (ابيض) جرح جامد جدا ده غير الشحم و الارف عليه و على الدركسيون ده غير ان اخر مرة نسيوا يقفلوه اصلا و كنت ماشى بمصارينها برة و رحت الدقى عند باشمهندس لؤى عملها فى ثانية الصراحة
قطع الغيار الغالية بهبل
قلتلهم الزقولى الجرايد قالولى ما عندهمش لزق
و قلتله على بتاع الحسابات اللى عند صورة مختلفة من عقد نايل موتورز و ازاى ان اخر مرة حاسبونى على 7 ساعات و انا واصل 9 و ماشى 1!!
و التسويق
قاللى هاشوف اوامر العمل ولو في غلطة و ليك فلوس باشمهندس طارق ها يكلمك تيجى تاخدها!!
خير بس بقية الحاجات كان رده ان احنا عندنا ضغط شغل جامد و لما نفتح المركزين الجداد الدنيا ها تبقى احسن و ان التسويق بتاعهم خطته انهم يرضوا اصحاب الفيات
كلام جميل

اقتباس:

---

المشاركة الأصلية كتبت بواسطة bembodeniro

يا استاذ wael3m مع احترامى لحضرتك دى مش اول مره يثبتوا الناس فيها فامش هنبطل حمله الشكوى لحد مانلاقى تغير منهم غير كده مش هيشوفوا غير شكاوى كتير لايطاليا وهما بقى يقرفوا فيهم وهو بعتلى ايميل زى اللى بعتهولك ورديت عليه ومعبرنيش فا براحتهم

---

بص والله لو بيثبتوا الناس هيجى على دماغهم لانه فى وشهم وأكيد الناس هتعمل دعاية سيئة للشركة
وطبعا لا اعتقد ان الراجل يكلمنى وانا فى ايطاليا علشان يثبتنى وبس لما يبتدى يكلم الناس هنا فى المنتدى
معناه ان فيه اهتمام من الشركة الام وكمان شركة أوماترا لانهم فى الاخر يهم زيادة مبيعات العربية

اقتباس:

---

المشاركة الأصلية كتبت بواسطة Dr. Halawa

انا استاذ تادرس كلمنى قعدت اقوله على المصايب اللى حصلتلى الخصهالكم بسرعة
العربية كانت بتقوللى steering failure قالولى تهييسة طلعت البطارية ضعيفة غيرتها بقت تمام
العربية كانت بتقوللى sengine failure قالولى سنسور شكمان طلعت مشكلة بنزين
العربية كان فيها صوت مؤمن قاللى صاجة شكمان و مش موجودة و امشى بالصوت
و شريف وضح لى ان المشكلة فى الصالون و لازم كله يتفك و يتركب
جرحوا لى التابلوه (ابيض) جرح جامد جدا ده غير الشحم و الارف عليه و على الدركسيون ده غير ان اخر مرة نسيوا يقفلوه اصلا و كنت ماشى بمصارينها برة و رحت الدقى عند باشمهندس لؤى عملها فى ثانية الصراحة
قطع الغيار الغالية بهبل
قلتلهم الزقولى الجرايد قالولى ما عندهمش لزق
و قلتله على بتاع الحسابات اللى عند صورة مختلفة من عقد نايل موتورز و ازاى ان اخر مرة حاسبونى على 7 ساعات و انا واصل 9 و ماشى 1!!
و التسويق
قاللى هاشوف اوامر العمل ولو في غلطة و ليك فلوس باشمهندس طارق ها يكلمك تيجى تاخدها!!
خير بس بقية الحاجات كان رده ان احنا عندنا ضغط شغل جامد و لما نفتح المركزين الجداد الدنيا ها تبقى احسن و ان التسويق بتاعهم خطته انهم يرضوا اصحاب الفيات
كلام جميل

---

دكتور حلاوة انا معاك واسف للى حصلك بس الظاهر التوكيل عايزة متابعة قوية من المديرين اللى هناك
او بمعنى اصح العمال اللى هناك لازم ياخدوا دورات فى فيات الام علشان يكونوا update

اقتباس:

---

المشاركة الأصلية كتبت بواسطة wael3m

او بمعنى اصح العمال اللى هناك لازم ياخدوا دورات فى فيات الام علشان يكونوا update

---

مدير المركز هو اللى عايز ياخد على دماغه قبل العمال
علشان لو المدير مظبوط يبقى كله حايبقى مظبوط و العملة السيئة حاتبان و تطرد :beatdeadhorse5:

http://www.nilemotors.net/Nile/156498-a.html
كل واحد يدخل يكتب

هل يمكن أن تشرح لنا أوماترا بصفتها تضمن أخلاقياً دعم العملاء بالحرص على انتشار سيارات فيات ما تقوم به بالضبط الآن ومنذ نهاية دفعات اللينيا المخفضة السعر؟ اذهبوا إلى يوسف عباس لن تجدوا إلا بونتو إيقو وكلاسيك وبواقي الجراند التي هي أصلاً في طريقها للاختفاء ؟هل هذا التوكيل البالغ السوء مهتم بقيمة سيارات فيات عند إعادة البيع وهو ما يدفع المشتري لشراء سيارة بالغلا والكوى في بلد فقير، سيارة تباع في بلادها بعشرة آلاف وحدة نقدية ذات قوة شرائية عالية وتباع في مصر بمائة ألف من عملة ضعيفة متهاوية تدبرها جيوب خاوية وأحلام ثاوية وأمعاء على الجوع طاوية؟!

اقتباس:

---

المشاركة الأصلية كتبت بواسطة aljurjani

هل يمكن أن تشرح لنا أوماترا بصفتها تضمن أخلاقياً دعم العملاء بالحرص على انتشار سيارات فيات ما تقوم به بالضبط الآن ومنذ نهاية دفعات اللينيا المخفضة السعر؟ اذهبوا إلى يوسف عباس لن تجدوا إلا بونتو إيقو وكلاسيك وبواقي الجراند التي هي أصلاً في طريقها للاختفاء ؟هل هذا التوكيل البالغ السوء مهتم بقيمة سيارات فيات عند إعادة البيع وهو ما يدفع المشتري لشراء سيارة بالغلا والكوى في بلد فقير، سيارة تباع في بلادها بعشرة آلاف وحدة نقدية ذات قوة شرائية عالية وتباع في مصر بمائة ألف من عملة ضعيفة متهاوية تدبرها جيوب خاوية وأحلام ثاوية وأمعاء على الجوع طاوية؟!

---

فعلا معاك حق دول لو ارادوا ان ينهوا على مستقبل فيات فى مصر لن يفعلوا اكثر مما يفعلوه الان ولولا ان الموديلات الجديده كلها جامده جدا كانت فيات انتهت من زمان