شديت السيفك, بس مش عجبانى للأسف

**khaled_rafea** · 09-06-2010 07:17 PM

حسيبكم مع بعض الصور و أرجعلكم تانى

عند البوهيجى قبل التقفيل

الصور اللى رضيت تترفع معايا

و دى كمان

ححاول اصغر الصور و ارفعها لكم, مستنى رأيكم, مع العلم انى ان شاء الله ناوى اعيد كل الشغل تانى لأنى مش مقتنع بيها خالص

**khaled_rafea** · 09-06-2010 07:23 PM

دى من الجمب التانى

**sammor_28** · 09-06-2010 07:26 PM

ماشاء الله شكلها جميل والله ربنا يباركلك فيها ويدلك خيرها ويكفيك شرها

العربيه شكلها شيك قوي وصاجها شكله نظيف اعتقد بلاش تلعب فيها تاني

ربنا يباركلك فيها

**M_Nabil** · 09-06-2010 07:45 PM

ماشاء الله ربنا يبارك لك فيها جميلة بس ايه اللى مش عجبك فيها؟ هو ده اللون اللى كنت كتبتلك الكود بتاعه؟ أنت بس ممكن تغير الجنط وتجيب فانوسين خلفى كربستال هتفرق جااامد معها

**ahmedfouad** · 09-06-2010 08:00 PM

ما شاء الله

**pedooooo** · 09-06-2010 09:03 PM

ماشاء الله جميله اوى يا باشا ربنا يباركلك فيها

**khaled_rafea** · 09-06-2010 09:17 PM

ربنا يجبر بخاطركم و يباركلكم ويكرمكم, بس للأسف انا عندى مشكلة ان عينى بتروح على العيب اللى قدامى, البوهيجى مرديش يدى معجون كتير فللأسف عيوب الصاج واضحة جدا بالنسبالى, وكمان الوان الصالون طلعت وحشة اوى, انا مرديتش اصوره علشان متتريقوش
هو فعلا اللون يا أستاذ محمد نبيل, بس كان فيه درجتين, الفاتح, و الغامق اللى انا عملته, جزاك الله خير على مساعدتك ليا, على فكرة العربية كنت جايبها ب جنط 17, بس انا غيرته بالجنط بتاع النوبيرا وان ده لأنه خفيف و بيستحمل اوى, التانى كان تقيل جدا و مضيع أداء العربية, انا عارف ان شكله مش حلو , بس حغيرة ان شاء الله لما اجيب جنوط هوندا اوريجنال, والفوانيس قريب ان شاء الله ورا و قدام

**amrseba** · 09-06-2010 10:09 PM

على فكره انا زيك كده من النوع الى مقدرش اسيب العربيه كده انا لو فانوس اتكسر ولا حصل اى حاجه فى العربيه او سمعت صوت غريب اتجنن وابقى متوتر وحالتى بتكون صعبه اوى

وان شاء الله تظبط عربيتك وهيا فعلا عربيه جميله وبصراحه هوندا ولانسر و تيوتا عاملين احلى عربيات فى التسعينات ومش هيعرفو يعملوها زيها تانى