هاته استيراد ارحملك و اوفرلك
عرض للطباعة
هاته استيراد ارحملك و اوفرلك
ياباشا بيتغيرلة طقم اصلاح و بيكون زى الفل ..
ف حالة انة سليم من جوة بيتغيرلة زيت و بيبقى تمام ..
انا رحت النهاردة مركز متخصص فى التكييف . ضضغط الكمبروسر هواء لاقى بيسرب من ناحية كدا اعتقد ان فيها جوان قالى لو صلحناه هايرجع يبوظ تانى الافضل انك تشترى واحد يايانى استراد ب 350 و هو عنده بيركبه و بيظبطة قالى هاعوز منك 500 جنية و تستسلم احلى تكيف
طب و ليه مش يتصلح و يتركب جوان له و نخلص
رايكم؟؟؟؟
لا طبعا وهوة يعنى الاستيراد دة مش كان شغال
ولا هاتجيبة فى كيستة
ولما تركبة وبعد شوية بيوظ ولا يحصلة حاجة هايقولك اة انت عملت كذا هاتقولة اة لية هوة غلط
هايقولك اخ ماينفعش كدة طبعا انت ازاى تعمل كدة كان المفروض تعمل كذا
طب الحل حضرتك
مش عارف والله كان معاك كمبروسر استيراد زى الفل ماتلاقيهوش فى عربيات اليومين دول بس انت بوظطة
معلش حضرتك بقى دة مش هاينفع نعملة حتى طقم اصلاح
ممكن تسيبهولى يومين نجرب ولو كدة هادخلهولك فى واحد تانى وتدفع ميت جنية وربنا يسهل
وطبعا تمشى من قدامة على امل انك تلاقى التكييف يشتغل تانى ويطلع هوا ساقع وتقعد فى العربية وتقفل الازاز وتقول احمدك يا رب على نعمة التكييف
بص هاقوك لحضرتك على حاجة من الاخر انا اتعودت اعملها مع الصنيعية
يقولك يمين خليك شمال يا عم يمين لا هية شمال باذن الله ومالكش فية هوة انت الى بتدفع ولا انا بس انت اعملة بما يرضة الله وسيبها على الله
قولة انا هاركبلة طقم جوانات ومش مشكلة لو مانفعش هابقى ارمية واجيب جديد
نصيحة بقى من واحد طلع عين اهلة عند الصنيعية
ركب طقم جوانات وغيرلة زيت وشوف الملف بتاع الكلاتش اية ظروفة شغال ولا ضعيف ولا عايز يتغير وبعدين يقفلة ويضغطة ويشوف فى تسريب ولا لا
كل الليلة دى ماتكلفش 60 جنية لو مانفعش بقى ابقى ارمية وخلاص وهات الى بيقولة علية دة استيراد
علشان ماتبقاش رميت الكمبروسر القديم وانت شاكك انة يكون فية نفس
ولا اية
يعنى اية مافيش امل فى التصليح من غير فك
طب ماتفكة اية المشكلة
هوة بينجم يعنى ولا بيفتح الكوتشينة
قولة يا عم فك فك ولو مش هاينفع هانجيب جديد
بس فكة وورهونى من جوة انة خربان ومش نافع وعايز يترمى فى الزبالة
ساعتها لما تشترى واحد تانى يبقى كدة مافيش قدامنا غير الحل دة
انما شغل التخمين والدجل دة مش هاينفع احنا مش بنلاقى الفلوس على الارض
هوة اسهل حاجة عندة هايقولك اشترى واحد تانى
وباذن الله مش هايبقى محتاج حاجة غير طقم اصلاح
وابقى قولنا عملت اية