مشكله مش عارف حلها في فرامل اللانوس

**shaddadfalcon1** · 10-06-2010 01:06 AM

انا عندي الفرامل لما بدوس بسمع صوت طقطقه شبه صوت الكبالن بس هو مش من الكبالن ببقي حاسس ان العجله هتتكسر غيرت التيل مع انه جديد ومفيش فايده ركب طقم اصلاح للجهاز والصوت اختفي كام يوم وبرده مفيش فايده شلت كل الصدا اللي علي شفة الطنبوره ومفيش فايده اخر جاجه عملتها خرطت الطنابير عشان كان فيهم شويه عالي وواطي مش عارف من ايه والكلام ده كان يوم السبت والصوت اختفي ورجع تاني النهارده الصوت غالبا بيبقي جاي من الجهاز وده بيبيان قوي لما ابقي ماشي براحه بيبقي الصوت عامل زي صوت الكلبس بتاع الطاسات احيانا بجد الموضوع ده خانقني قوي لان لحد دلوقتي 3 ميكانيكه ومش عارفين ايه السبب الكبالن متغيره من سنه ومفيش اي صوت منها ياريت اقتراحتكم

**sherif_taher** · 10-06-2010 01:12 AM

انا احيانا بسمع نفس الصوت و لكن لو العريبه في منزل ....او محمله جامده و الطريق برضه نازل وبالتالي الحمل على الفرامل اعلى من العادي....انا قولت ده يمكن نتيجه ان التيل بيحاول يقفش على الطنابير فبسمع الطقطقه دي نتيجه المجهود الزايد من التيل.....زي العربيات الاوتوماتيك كده الجديده احيانا.......انا معايا لانوس برضه......

**tamertt** · 10-06-2010 03:03 AM

انصحك تروح مركز الامل فالابراهيمية في واحد اسمة علي ...شاطر قوي ف الدايو انا بتعامل معاة وباذن اللة يعملهالك

**shaddadfalcon1** · 10-06-2010 09:27 AM

المشاركة الأصلية كتبت بواسطة tamertt

انصحك تروح مركز الامل فالابراهيمية في واحد اسمة علي ...شاطر قوي ف الدايو انا بتعامل معاة وباذن اللة يعملهالك

ممكن حضرتك تقولي العنوان بالظبط او علي جوجل مابس عشان انا اصلا مش لافف كتيير ولسه جديد في الأسكندريه

**MMamdouh** · 10-06-2010 11:50 AM

]ى اما مشكلة طنابير وا صرة... كدة كدة انت قولت ان الطنابير فيها عالى وواطى فا غيرها و اتاكد ان الصرة نضيفة تماما و انت بتركب الطنابير

MMamdouh

**عصام غنايم** · 10-06-2010 01:49 PM

المشكله دى

ان صوابع الكالبر مع الوقت بتتأكل وترفع شويه فبتعمل بوش

لما تفرمل جزئين الكالبر بيتحركم فتسمع صوت الطقه الغلسه دى

غير صوابع الكالبر بصوابع استيراد حالتهم نضيفه وادعيلى

**shaddadfalcon1** · 10-06-2010 05:16 PM

المشاركة الأصلية كتبت بواسطة عصام غنايم

المشكله دى

ان صوابع الكالبر مع الوقت بتتأكل وترفع شويه فبتعمل بوش

لما تفرمل جزئين الكالبر بيتحركم فتسمع صوت الطقه الغلسه دى

غير صوابع الكالبر بصوابع استيراد حالتهم نضيفه وادعيلى

ايه صوابع الكليبر دي وبتتكلف كام؟

**عصام غنايم** · 11-06-2010 03:55 AM

دى صوره لمكانها على الطبيعه موضحه بالاسهم

عيش بقى يا معلم

**samirayad** · 11-06-2010 08:27 AM

المشاركة الأصلية كتبت بواسطة sherif khalifa

حضرتك غيرت كل حلجة ماعادا اهم حاجة و هي الاجزاء المتحركة
الكليبر و صوابع الكليبر
برجاء المراجعة عليهم

المشاركة الأصلية كتبت بواسطة عصام غنايم

المشكله دى

ان صوابع الكالبر مع الوقت بتتأكل وترفع شويه فبتعمل بوش

لما تفرمل جزئين الكالبر بيتحركم فتسمع صوت الطقه الغلسه دى

غير صوابع الكالبر بصوابع استيراد حالتهم نضيفه وادعيلى

+1

وربنا يستر ميكونش الكالبر نفسه بايظ والصوابع بوشت جامد جواه

وحتحتاج جوز تانيين أو تعمل جلب للحاليين

بس طبعا جوز أستيراد ونظاف أفضل ماتعمل جلب طبعا

وجايز تروح المشكله مع تغيير كاوتش الصوابع

لو كان مفيش بوش كبير بين جسم الصوابع وأخرامها بالكليبرات