عضو فني

**rms2** · 10-06-2010 02:27 AM

انا احترت معاكم الكل بيتكلم عن سيراتو sx طب اخبار ex ايه عارفة ان مشكلتها ABS مش فيها ولكن انا معايا دلوقتي سيفيا وقبلها اكسل والحمد لله ربنا بيسترها لكن يمكن اللي يهمني دلوقتي موضوع العفشة هل فعلا ناشفة زي الsx ام هي زي السيفيا ارجو التوضيح من خلال المقارنة بالسيفيا حتى المس الفرق فعليا ارجو الرد سريعا لأني بالفعل اسعى لبيع سيراتي لشراء ال ex كما ارجو يوضيح صوت العجل وصوت الموتور والعزل بالمقارنة بها في السيفيا حتى اتمكن من تحديد مدي مضايقتي منها اسفة على الإطالة وجزاكم الله خيرا فعلا لقد استفد ت منكم الكثير ربنا يبارك لكم

**MMamdouh** · 10-06-2010 01:27 PM

انا مش شايف ان عدم وجود الABS اصلا مشكلة.... هى مصر فيها تلج او امطار بالشكل اللى يخللى القيادة بدون ABS حطر؟؟

MMamdouh

**toni** · 10-06-2010 01:45 PM

المشاركة الأصلية كتبت بواسطة mmamdouh

انا مش شايف ان عدم وجود الabs اصلا مشكلة.... هى مصر فيها تلج او امطار بالشكل اللى يخللى القيادة بدون abs حطر؟؟

mmamdouh

هو ال abs ينفع فقط في حالة وجود تلج او مطر ولا عموماً بيرفع كفاءة الفرامل؟؟ انا فعلاً معرفش هو بيشتغل ازاي ياريت تفيدنا يا استاذ ممدوح

**max_ziro** · 10-06-2010 01:46 PM

ولله انا عندى ف عربيتى عفشة اسبور ف لو قستها على عربيتى بلاقيها زيها الفئة الى ركبتها كاملة ب سمارت كى خليجى ام جنط 17 و كان عاملة حوالى 700 كيلو
و العزل بتاعها كان احسن كتير من السيفيا على الاقل صوت الماتور مش مسموع اوى ..

**MMamdouh** · 10-06-2010 03:43 PM

المشاركة الأصلية كتبت بواسطة Tamer86

لأ مش حكاية خطر و لا حاجة
بس هي ميزة لزيادة الأمان لما تضرب فرام جامد عشان ما تعومش العربية مش بس للثلوج و الامطار

مهو التعويم دة مش حيظهر الا فى الامطار او الثلوج... فرمل بعربية مفيهاش ABS على اسفلت ناشف حتفضل ماشية فى خط مستقيم... يمكن تنحرف درجتين تلاتة يمين او شمال لكن فيش اى نوع من انواع الخطورة

لو جربت نفس الاختبار على مية او تلج العربية حتروح منك و مش حتعرف تلمها... هنا تظهر اهمية الABS

MMamdouh

**MMamdouh** · 10-06-2010 03:49 PM

المشاركة الأصلية كتبت بواسطة toni

هو ال abs ينفع فقط في حالة وجود تلج او مطر ولا عموماً بيرفع كفاءة الفرامل؟؟ انا فعلاً معرفش هو بيشتغل ازاي ياريت تفيدنا يا استاذ ممدوح

باختصار الِلآٍ بيمنع انغلاق العجلات... يعنى بيمنع ان العجل يقفش و العربية تزحف

طيب ايه الميزة فى كدة؟؟؟

الميزة ان طول ما العجلة بتلف حتقدر تحود... لو العجلة قفشت العربية حتكمل سير فى خط مستقيم و مش حتستجيب لحركة الدركسيون مهما تعمل... لو العربية فيها ABS حتقدر تفرمل باقى قوة انت عايزها و فى نفس الوقت حتقدر تحود يمين او شمال لتفادى اى عائق

خللى بالك من ان الABS مش بيقوى الفرامل... قوة الفرامل بتيجى من تصميم الماستر العمومى و مساتر العجل و قطر الطنابير و معامل احتكاك التيل و كفائة الكاوتش... يعنى لو عربيتين زى بعض تمام وواحدة فيها ABS وواحدة مفيهاش حتلاقى قوة الفرامل فيهم واحدة

خللى بالك كمان ان فيه اوال كتير الABS بيطول مسافة التوقف... الطول الزيادة دة بيبقى فى مقابل فرصة التحكم فى العربية اثناء الفرملة... خش القسم التعليمى حتلاقى كذا موضوع تم مناقشة الموضوع دة و انا كنت جبت فيديو مقارنة لفرملة عربية مرسيدس عيون فى طريق علية ميه بالABS و بدون... الفرملة اللى بدون ABS اخدت وقت اقل بثانيتين من الفرملة اللى بABS... بس العربية اللى من غير ABS لفت 360 درجة اثناء الفرملة

MMamdouh

-

الموضوع: عضو فني

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة