تفويل العربية هى دايرة

**bakroov** · 10-06-2010 02:51 AM

انا عندى مشكلة فى المارش واحيانا العربية وهى سخنة مابتدورش بسهولة لو بطلت وده بيحطنى فى مواقف محرجة خصوصا فى محطة البنزين دايما يقولى بطل يااستاذ هل فى مشكلة فى التفويل والعربية دايرة .. واسف للاطالة

**lanos_power** · 10-06-2010 07:00 AM

لا المشكلة مش بتبقى فى العربية المشكلة فى محطة البنزين لانهم بيخافو اى حاجة تحصل ككهربة او حاجة تولع الدنيا

**ahmad--ezzat** · 10-06-2010 07:03 AM

نصهم حافظين الجمله دى.....(بطل العربيه ياباشا)

مع انهم اكترهم مش فاهمين

**محمد الشامي** · 10-06-2010 08:00 AM

والله يا جماعه انا اعرف ان من احتياطات الأمان في اي محطه بنزين هو ان الواحد يطفي العربيه خالص عند تزويد العربيه بالبنزين تجنباً لوقوع اي شراره او اي خطر يؤدي لكارثه

وكمان لو لاحظنا تقريبا في كل محطات البنزين بنلاقي ملصق او استيكر مكتوب عليه تحذير ( من فضلك اغلق المحمول ) !!! و بالرغم من اني لغايه دلوقتي مش فاهم ايه نوع الخطر اللي ممكن ييجي من ورا التليفون المحمول داخل البنزينه لكن اكيد دي مقاييس امان عالميه ولابد من وجودها في كل محطات البنزين المحترمه

**toni** · 10-06-2010 11:12 AM

المشاركة الأصلية كتبت بواسطة محمد الشامي

والله يا جماعه انا اعرف ان من احتياطات الأمان في اي محطه بنزين هو ان الواحد يطفي العربيه خالص عند تزويد العربيه بالبنزين تجنباً لوقوع اي شراره او اي خطر يؤدي لكارثه

وكمان لو لاحظنا تقريبا في كل محطات البنزين بنلاقي ملصق او استيكر مكتوب عليه تحذير ( من فضلك اغلق المحمول ) !!! و بالرغم من اني لغايه دلوقتي مش فاهم ايه نوع الخطر اللي ممكن ييجي من ورا التليفون المحمول داخل البنزينه لكن اكيد دي مقاييس امان عالميه ولابد من وجودها في كل محطات البنزين المحترمه

الخطر من المحمول بيجي من الموجات الاسلكية ودي ممكن تولع مع وجود مادة قابلة للأشتعال زي البنزين
بس ده طبعاً لو المسافة قريبة جداً جداً يعني لو واقف جنب المسدس وبتتكلم في التليفون بس لو قاعد في العربية خلاص مفيش مشكلة

**ahmedhilmy** · 10-06-2010 11:18 AM

يا جماعة ده في ناس احيا نا بيدخنوا و هما بيمونوا او اللي قاعد جنبهم فجت علي العربية دايرة و لا مش دايرة سيبها علي الله

**caysersosaih** · 10-06-2010 11:45 AM

المشاركة الأصلية كتبت بواسطة bakroov

انا عندى مشكلة فى المارش واحيانا العربية وهى سخنة مابتدورش بسهولة لو بطلت وده بيحطنى فى مواقف محرجة خصوصا فى محطة البنزين دايما يقولى بطل يااستاذ هل فى مشكلة فى التفويل والعربية دايرة .. واسف للاطالة

مشكلة حضرتك مش مارش
دي مشكلة موبينه
لو عايز تتأكد لما تعمل معاك كده هات فوطة مبلوله ولفها حوالين الموبينه (بردها يعني) لو دارت يبقي فعلا موبينه

**levelpower** · 10-06-2010 01:32 PM

انا مع جميع الاعضاء الفالوا علشان الامان و الموصفات العالمية لكن انا من رائ انك لازم تبطل العربيه لان بيبقى فى رواسب فى اخر التنمك ومع التفويل الرواسب دى بتتقلب فى التنك نظرا لشدة البنزين النازل و لما العربيه تكون ديره هى كمان بتسحب البنزين بالرواسب و ده بياثر على الرشاشات او الكربراتير

**Samir Elshahawy** · 10-06-2010 02:18 PM

طبعا من الامان انك تطفي الموتور تماما و تفصل الكهرباء عن العربية أثناء التزود بالوقود و ده للأسباب التالية :
1- من المعروف ان مثلث الحريق عبارة عن مادة مشتعلة (البنزين) + اوكسجين (متواجد بالهواء) + مصدر الاشعال (شرر - كهرباء - حرارة) و لذلك مصدر الاشعال قد يأتي من السيارة ذاتها عن طريق شرر كهربائي أو من ماسورة العادم
2- وجود ضرر علي مضخة الوقود أثناء عملها خلال عملية التزود بالوقود نظرا لحدوث فوران او تقليب داخل التانك مما يدفع بالرواسب و يقلبها في كل أرجاء التانك و يصبح من السهل علي المضخة ان تسحبها فتحدث مشاكل لفلتر البنزين و المضخة ذاتها

مع خالص تحياتي
م/ سمير الشهاوي

**abokoko** · 10-06-2010 02:49 PM

المشاركة الأصلية كتبت بواسطة محمد الشامي

والله يا جماعه انا اعرف ان من احتياطات الأمان في اي محطه بنزين هو ان الواحد يطفي العربيه خالص عند تزويد العربيه بالبنزين تجنباً لوقوع اي شراره او اي خطر يؤدي لكارثه

وكمان لو لاحظنا تقريبا في كل محطات البنزين بنلاقي ملصق او استيكر مكتوب عليه تحذير ( من فضلك اغلق المحمول ) !!! و بالرغم من اني لغايه دلوقتي مش فاهم ايه نوع الخطر اللي ممكن ييجي من ورا التليفون المحمول داخل البنزينه لكن اكيد دي مقاييس امان عالميه ولابد من وجودها في كل محطات البنزين المحترمه

انا بطفى الموتور تجنبا لخروج اى شرر من الشكمان

وبسيب المحمول جوه العربيه لما بنزل احاسب وادفع الفلوس خوفا من وروود مكالمه لى اثناء التفويل وده حسب ما عرفت بيكون كانه ولاعه الكترونيه ممكن تسبب حريق

والله اعلى و اعلم

الموضوع: تفويل العربية هى دايرة

LinkBack

أدوات الموضوع

عرض

تفويل العربية هى دايرة - انشر الموضوع فى :

-

-

-

-

-

-

-

المواضيع المتشابهه

العربية دايرة من غير مفتاح

نقيس الزيت و هي العربية دايرة ولا مطفية و برده ولا سخنة ؟ و يحصل إيه لو الزيت زيادة ؟

الراديو بيخروش و الfm modulator كل شوية بيفصل و يهنج لما العربية تكون دايرة

العربية دايرة حتى بعد ما شال المفتاح !!!

تأثير دوارة العربية وهى دايرة على المارش

الكلمات الدلالية لهذا الموضوع

المفضلات

المفضلات

ضوابط المشاركة